Sulilertussamik Piaartumik

Kommune Kujalleq-mi Narsarsuaq Meeqqerivimmi akuleriinni ”Orpinnguaq”-mi Isumaginninnermi Ikiortitut, Socialassistent-isut imaluunniit Perorsaasutut ilinniarsimasumik pisortassarsiorpoq imaluunniit ilinniarsimanngitsumik akunnermusiaqalertussamik:

Illit meeqqerinermi ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit imaluunniit ilinniarsimanngitsoq akunnermusiaqalersussaq meeqqerivimmi sulilerusuttumik, atorfinittussaq piaarnerpaamik imaluunniit isumaqatigiissuteqarnikkut atorfinitsinneqassaaq.
Kingusinnerpaamik ulloq:
31. juli 2017
Sumiiffik / immikkoortortaq:
Narsarsuaq
Aningaasarsiat:
Isumaqatigiissutit atuuttut naapertorlugit

Paaqqinnittarfik ukioqatigiiaanngitsunut ulluunerani paaqqinnittarfiuvoq katillugit 15-nut inissalik. Paaqqinnittarfik Narsarsuarmi illumi ataatsimi inissisimavoq.

 

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, suleqatikkuminartut qiimasullu, sulisut assigiinngitsutigut pikkorissarneqartarnermikkut sullitaminnik ilisarisimannilluartuupput tunniusimasuullutillu.

 

  • Inatsisartut inatsisaat nr 16, 3.dec 2012-meersoq pillugu suliniuteqarneq

  • Angajoqqaanik suleqateqarnermi eqqummaarissuuneq

  • Suleqatikkuminartoq, tarnikkut timikkullu nukittooq

  • Killiliisinnaasoq

  • Ulapaarfimmi ataatsikoorussisinnaasoq

  • Meeqqanik asannittoq tunniussimasorlu.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfimmut inissaqartitsisoqarsinnaavoq malittarisassat qaqugukkulluunniit atuuttut malillugit akilersorneqartussamik.

 

Annertunerusumik paasisaqarusukkuit uunga saaffiginnissinnaavutit pisortaagallartoq Helga Petrussen orpinnguaq@greennet.gl imaluunniit sianerlutit: 66 53 22.

 

Qinnuteqarfissaq kingulleq 31. juli 2017 uungalu nassiunneqassaaq:


Kommune Kujalleq

HR-afdeling

Postboks 514

3920 Qaqortoq

job@kujalleq.gl