Avatangaiisinik Sullissisoq

Avatangiisinik sullissisoq - qitornartaarsimalluni sulinngiffeqarnermi sinniisuuffissaq

Kommune Kujalleq eqeersimaartumik kiffartuussilluarsinnaasumillu avatangiisinut tunngasunik suliaqarsinnaasumik, qitornartaarsimalluni sulinngiffeqarnermi sinniisussamik pissarsiorpoq. Atorfik oktobarip ulluisa 15 2017 aallarnerfigalugu inuttalerneqassaaq imaluunniit siusinnerusukkut.
Sinniisuuffik juulip naanerani 2018-ip tungaanut atuutissaaq.
Kingusinnerpaamik ulloq:
15. september 2017
Sumiiffik / immikkoortortaq:
Qaqortoq
Ulloq sulilerfissaq:
15. oktober 2017
Aningaasarsiat:
Isumaqatigiissutit atuuttut naapertorlugit

Qitornartaarsimalluni sulinngiffeqarnermi kommunemi ingerlatsivimmilu ineriartortumi sinniisuuffissamik soqutiginartumik neqeroorpugut. Avatangiisinut tunngasuni siunertaavoq avatangiisitigut ajornartorsiutit pitsaasumik iluaqutaasumillu pinaveersaartinnissai, innuttaasunik suliffeqarfinnillu oqaloqateqartarnikkut.

Illit pillutit:
Naatsorsuutigaarput ilinniagartuutut teknikkimulluunniit tunngasumik ilinniarsimasuusutit, imeq, akoorutissalerineq (kemi) avatangiisillu ilinniarninni pingaarnertut sammisimallugit.  Allaffissorneq avatangiisinillu illersuinermi inatsik pillugit misilittagaqaruit iluaqutaassaaq. Assersuutigalugu avatangiisinut teknikeritut, ingeniøritut imaluunniit avatangiisinut pilersaarusiortutut ilinniarsimasuusinnaavutit.

 Pingaaruteqarpoq:

  • inatsisit tungaasigut ilisimasaqartutit
  • avatangiisinut oqartussatut inissisimanerput pillugu paasinnissinnaasutit
  • suleqateqallaqqittutit allallu suliaannut/ilinniagaannut ataqqinnittuusutit
  • tunaartaqarlutit sulisinnaasutit suliassanillu naammassinnissinnaasutit
  • Suliassanik naammassinninnerit pitsaanerulissappata nutaaliortumik eqqarsaatersorsinnaassaatit
  • allakkatigut oqaatsitigullu isummerluarsinnaallutillu digitalikkut atortorissaarutinik atuisinnaallutillu periarfissanik takunnissinnaasutit
  • soqutigisaqaqatigiinnik assigiinngitsunik suleqateqarnermi piginnaasaqartutit
  • politikkerinut, innuttaasunut, suliffeqarfinnut, teknikerinut, sanaartugassanik suliassinneqartartunut kiisalu Teknikkeqarnermut Avatangiisinullu Ingerlatsivimmi suleqatinnut aaqqissuussaanerullu sinneranut kiffartuussilluarsinnaasutit.

Aaqqissuussaaffimmut inuttut tulluassaguit pimoorussisuussaatit, eqeersimaartuussaatit, iluarsiinissatigut sulianik ilisimasaqarluassaatit qulaajaallaqqissuullutillu.   Taakku saniatigut qiimasuullutillu piumassuseqassaatit.

Tassaavugut:
Teknikkeqarnermut Avatangiisinullu Ingerlatsiviup qullersaqarfia Qaqortumi inissisimavoq teknikkeqarnermullu pisortamit siulersorneqarluni. Qaqortumi ingerlatsivik arfineq pingasunik sulisoqarpoq avatangiisinut, nunaminertanik atuinermut, Kommunemut pilersaarusiornermut kiisalu sanaartornermut tunngasunik suliaqartunik.  Ingerlatsivik allaffimmiunik marlunnik sulisoqarpoq.  Ingerlatsiviup ataani aamma Narsami Nanortalimmilu teknikkikkut allaffissornikkullu sulisoqarpoq, kiisalu kommunip sanaartugassanik suliassinneqartartunut immikkoortui, eqqakkanut avatangiisinut ulorianaatilinnut tigooraaviit, ikuallaavik upalungaarsimasullu.

Teknikkeqarnermut Avatangiisinullu Ingerlatsiviup anguniagaraa Kommune Kujallermi innuttaasunut suliffeqarfinnullu sullissilluarnissani.  Avatangiisinut immikkoortortaqarfimmi sulisumit ataatsimit nakkutigineqartumi, sulianik isumaginninnermi pitsaassuseq sullissilluarnerlu pingaartinneqarput, tamakkiisumillu ilisimasaqarluni suliaqariallaqqissuseq assigiinngitsunillu sulialinnut sulianik naammassinninnerit qitiutinneqarlutik.  Innuttaasunut, suliffeqarfinnut uagutsinnut minnerunngitsumillu avatangiisinut eqqortumik iliuuseqarnissap ajornannginnissaa, sukkanissaa sunniuteqarluarnissaalu sulissutigaarput. Ingerlatsiviup kulturiani ammasuuneq oqaloqatigiinnerlu malunnaataapput suliassatillu sunneeqataaffigisinnaallugillu ullormut sulinissat nammineerlutit aaqqissorsinnaavat.    

Avatangiisinut tunngasuni assigiinngitsunik suliassaqassaatit, suliassanut ilaallutik eqqaaviit, imeq kuuffitsigut igitaq, suliffeqarfimmik nakkutilliineq, pujoorfimmik paaviaaneq il. il. Aamma kommunip ingerlatsinermut pisortaa eqqakkanut avatangiisinut ulorianaatilinnut eqqaaviit tigooraaviillu ingerlanneqarnerisa ineriartortinnissai pillugit qanimut suleqatigissavat.

Ulluinnarni immikkoortortami avatangiisinut tunngasuni sulianik isumaginninnerup saniatigut, suliniutinut aalajangersimasunut peqataasarnissat naatsorsuutaavoq.

Innuttaasunut, suliffeqarfinnut suleqatigisatsinnullu ammasuunissarput pingaartipparput, paasititsiniaanerillu arlallit ingerlattarpagut.  Tamakku aamma peqataaffigissavatit - ilaanneeriarlutit sulinerup avataani.

Isumaqatigiissutit atuuttut naapertorlugit atorfinitsitsisoqarlunilu akissarsititsisoqassaaq. 

Inissiamik atorfissaqartitsisoqarpat Kommunep piffissami atuuttumi atorfimmut atatillugu utaqqiisaasumik inissiamik ikiuussinnaavoq, soorlu aamma atorfininnermi atorfeqarunnaarnermilu angalanerit isumagineqassasut.

Soqutiginnippit?
Atorfik pillugu paasisaqarnerorusukkuit Teknikkeqarnermut pisortaq Leif Baadh oqarasuaatikkut +299 70 41 00, lokal nr. 5400, imaluunniit mail-ikkut: lewb@kujalleq.gl attavigisinnaavat. Qinnuteqarfissap kingulleq septembarip ulluisa 15-iat 2017.

 

Qinnuteqaat uunga nassiunneqassaaq:


Kommune Kujalleq

HR-afdeling

Postboks 514

3920 Qaqortoq

job@kujalleq.gl