Isumaginninnermi Siunnersorti

Kommune Kujallermi Annertuumik innarluutilinnut sullissivimmi isumaginninnermut siunnersortitut ilinniarsimasumik pissarsiorneq.
ALLAGARSIUTEQQITAQ:

Kommune Kujalleq Annertuumik innarluutilinnik sullissivimmi immikkoortortaqarfimmi pilersinneqarlaami isumaginninninnermut siunnersortimik pikkorissumik tunniusimaartumillu.
Oktoberip allaqqaataanni 2017-imi imaluunniit isumaqatigiissuteqarnikkut atorfinittussamik pisarsiorpugut. Atorfik Qaqortumi aallaaveqarlunilu qitiusumik inissisimavoq. Atorfik nutaamik atulersinneqartoq maluginiarneqassaarlu ingerlaavartumik Nanortalimmut Narsamullu taakkulu nunaqarfiinut angalasarnissat piumasaqaataammata.
Kingusinnerpaamik ulloq:
15. september 2017
Sumiiffik / immikkoortortaq:
Qaqortoq
Ulloq sulilerfissaq:
1. oktober 2017
Aningaasarsiat:
Isumaqatigiissutit atuuttut naapertorlugit
Kommune Kujalleq allannguinernik annertuunik ingerlatsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu. Ingerlatsiviup qulakkiissavaa innuttaasunut annertuumik innarluutilinnut tunngatillugu sullissineq innarluutilinnut inatsit atuuttoq najoqqutaralugu ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.

Piumasaqaatit:
• Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.
• Innarluutilinnut tunngasuni tamakkiisumik sullissinermik misilittagaqarneq, tamannali aalajangiisuunngilaq.
• Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.
• Allaffissornikkut aningaasaqarnikkullu suliassanik misilittagaqarnissaq.
• Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sulissussinermik piginnaaneqarneq.

Atorfiup imarisai ilaatigut makkuupput:
• Innarluutilinnut tunngasuni sullissinerit malittarisassat atuuttut malillugit ingerlanneqarnissaat qulakkiissallugu.
• Qanoq iliuusissamut pilersaarutinik piareersaasinnaaneq.
• Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.
• Immikkoortortaqarfimmi suleqatigiinnissamik ineriartortitsinermilku pitsaasumik pilersitseqataassalluni eqeersimaartumillu peqataassalluni.

Inunnik isumaginnittoqarfik ilaatigut makkuninnga neqerooruteqarpoq:
Annertuumik Innarluutilinnik tunngasut utoqqarnullu tunngasunit avissaartinneqarput ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut. Sapaatip akunneranut akunnerit 40-t suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut peqataatinneqarsinnaaneq naatsorsuutigineqassaaq.

Meeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiat atorfinitsitaanermilu atugassarititaasut, Kalaallit Nunaanni Namminersorlutik Oqartussani kommuninilu atorfilittut atorfiit immikkoortiterneqarnerat pillugit isumaqatigiissutitatorfininnerup nalaani atuutsinneqartut naapertorlugit pissapput.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit: Inunnik isumaginninnermik pisortaq Nauja Ottossen Knudsen mail: nokn@kujalleq.gl.imal oqarsuaatikkut uunga 64 53 82 –mut sianernikkut

Qinnuteqaat Kommune Kujallermut kingusinnerpaamik Septemerip ulluisa 15-ianni 2017 nal. 12.00 tunniuneqareersimassaaq. Qinnuteqaat, soraarummeersimanermut allagartat, oqaaseqaatit ilaallu ilanngullugit uunga nassiunneqassapput: