Kommune Kujallermi utoqqalinersiutilinnut tunngasuni inunnik isumaginninnermut siun-nersortit aqutsisuat – aappassaa saqqummiunneqartoq

Kommune Kujalleq inunnik isumaginninnermut siunnersortimik tunniusimasumik aqutsinermullu misilittagalimmik pissarsiorpoq, tassalu atorfimmut pilersinneqarlaamutInunnik isumaginninnermut siunnersortit pisortaattut atorfinittussatut ulloq oktoberip 1-at 2017 aallarnerfigalugu imaluun-niit isumatigiissuteqarnikkut. Atorfik Qaqortumi qitiusumik inissisimavoq.
Atorfik pilersinneqarlaajuvoq, utoqqalinermilu utoqqalinersiutisiallit pingaarnertut sammineqarneri-sa saniatigut siusinaarluni utoqqaalinersiuteqalernissamut qinnuteqaatit nutaat suliassallu nalilersoq-qitassat qulakkeerneqassapput atorfimmullu atatillugu ingerlaavartumik Nanortalimmut Narsamullu taakkulu nunaqarfiinut angalasarnissat piumasaqaataapput, tamannalu suliassanik sullissisut su-leqatigalugit ingerlanneqassaaq.
Kingusinnerpaamik ulloq:
15. september 2017
Sumiiffik / immikkoortortaq:
Qaqortoq
Ulloq sulilerfissaq:
1. oktober 2017
Aningaasarsiat:
Isumaqatigiissutit atuuttut naapertorlugit

Kommune Kujalleq allannguinernik annertuunik ingerlatsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu. Ingerlatsiviup qulakkiissavaa utoqqalinersiutinut siusinaarlunilu utoqqalinersiutinut tunngatillugu sullissineq malittarisassat atuuttut najoqqutaralugit ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.

 

Piumasaqaatit:

  • Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.

  • Utoqqalinermi utoqqalinersiuteqarnermut siusinaarlunilu utoqqalinersiuteqarnermut inatsisinik ilisimasaqarneq.

  • Aqutsinermik misilittagaqarneq. 

  • Tamakkiisumik sullissinermi annertuumik misilittagaqarneq.

  • Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.

  • Allaffissornikkut aningaasaqarnikkullu suliassanik misilittagaqarnissaq

  • Attaveqatigiilluarsinnaassuseqarnissaq paasititsilluarsinnaassuseqarnerlu   

 

Atorfiup imarisai ilaatigut makkuupput:

  • Utoqqalinersiuteqarnermut tunngatillugu suleqatinik ulluinnarni aqutsineq ataqatigiissaarinerlu.

  • Malittarisassat atuuttut malillugit pitsaassutsimmik isumannaarinnittarnerit suliallu suliarineqarnissaat qulakkiissallugit.

  • Tunngaviusumik suliat qitiusumi suliarineqarnissaat ataqatigiissaassallugit qulakkiissallugillu.

  • Tunngaviusumik suliat qitiusumi suliarineqarnissaat ataqatigiissaassallugit qulakkiissallugillu.

  • Ingerlatsinermut tunngassuteqartuni maleruagassat naapertorlugit ingerlaavartumik ilinniartitsinerit uppernarsaanerillu qulakkiissallugit.

  • Suleqataasup ilitsersorneratigut suliatigut ineriartornissaata qulakkeernissaa. 

  • Malittarisassat atuuttut malillugit utoqqalinersiuteqarnermut tunngatillugu sullissinerup qulakkeerneqarnissaa.

  • Nangitsisoqarnissaa qulakkiissallugu, tassalu innuttaasup pisariaqartitai aallaavigalugit tapisiat agguaanneqartut tulluarsarnissaat.

  • Anigaasaqarnermut nakkutilliisumik qanimut suleqateqarluni qulakkiissallugu suliassaqarfimmi ataavartumik utoqqalinersianik agguaasarnerit naapertuunnersut kiisalu ukiumoortumik missingersuutinut tunngavissat suliarineqarnissaannut ikiuutissalluni. 

  • Immikkoortortaqarfimmi suleqatigiinnissamik ineriartortitsinermilku pitsaasumik pilersitseqataassalluni eqeersimaartumillu peqataassalluni.

 

Inunnik isumaginnittoqarfik ilaatigut makkuninnga neqerooruteqarpoq:

Utoqqalinersianut tunngasut innarluutilinnut tunngasunit avissaartinneqarput ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut. Sapaatip akunneranut akunnerit 40-t suliffiusarput.

 

Meeqqanik pinerliisimannginnermut uppernarsaat:

Atorfik una pillagaasimannginnerup allagartaanik pissarsinissamik pisussaatitaanerup inatsisaanut ilaavoq. Inatsit naapertorlugu atorfinitsitsineq aatsaat pisinnaavoq kommune pineqaatissinneqarsimannginnermut uppernarsaammik pissarsereerpat.   Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Akissarsiat atorfinitsitaanermilu atugassarititaasut, Kalaallit Nunaanni Namminersorlutik Oqartussani kommuninilu atorfilittut atorfiit immikkoortiterneqarnerat pillugit isumaqatigiissutitatorfininnerup nalaani atuutsinneqartut naapertorlugit pissapput.

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.  Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Atorfik pillugu annertunerusumik paasisaqarusukkuit suliami pisortaq Maline Lyberth saaffigineqarsinnaavoq, mail: mall@kujalleq.gl

Nittartagarput iserfigalugu kommune pillugu annertunerusumik atuagaqarsinnaavutit: www.kujalleq.gl

 

Qinnuteqaat Kommune Kujallermut kingusinnerpaamik septemberip ulluisa 15-ianni 2017 nal. 12.00 tunniuneqareersimassaaq.

Qinnuteqaat, soraarummeersimanermut allagartat, oqaaseqaatit ilaallu ilanngullugit uunga nassiunneqassapput:


Kommune Kujalleq

HR-afdeling

Postboks 514

3920 Qaqortoq

job@kujalleq.gl