Atorfik Kommune Kujallermi Qaqortumi allaffeqartussatut inissisimavoq. Atorfiup kingusinnerusukkut ingerlatsivimmut nammineq ingerlanneqartumut Visitor Centerimik taasamut, tassa pulaarfissatut inissinneqarnissaa eqqarsaatigineqarpoq.
Nunaminertanik nunarsuarmiunut kingornutassianik ingerlatsineq:
Nunaminertanik nunarsuarmiunut kingornutassianik ingerlatsinissap siunertaraa naleqartitat nunaminertani kultureqarfiusuni illersorneqarnissaat. Ingerlatsineq soqutigisaqaqatigiit assigiinngitsut akornanni suleqatigiinnikkut ingerlanneqassaaq, pisortat suliffeqarfiutaasa namminersorlutillu suliffeqarfiutillit akornanni.
Kommune Kujalleq nunaminertanik nunarsuarmiunut kingornutassianik nakkutilliinermik ingerlatsinermillu akisussaasuuvoq.
Suliassat akisussaaffigisassallu ilaatigut makkuussapput:
- Nunaminertanik kultureqarfiusunik paasissutissiinermi sulissussinermilu pilersaarut (allagartanik, naqitanik paasissutissianik, videonik, tv-kkut aallakaatitassianik, nittartakkatigut quppernernik, atuartitsinermut atugassanik, takornarianik angallassisartut ataatsimeersuarnissaannik imalimmik suliaqarneq).
- Nunaminertanik nunarsuarmiunut kingornutassianik ingerlatsinermut pilersaarusiorneq (aallarnisaanermut peqataaneq, ukiumoortumik nalilersuinermut aaqqitassaqarpallu aaqqitassanut siunnersuuteqarneq kiisalu ulluinnarni ingerlatsinermut tunngasut).
- Aningaasaliisussarsiorneq
- Aningaasaqarneq aningaasat ukiumut isertitassat atortitassallu aqunneri.
- Suliniutinik aqutsineq
- Nakkutilliisumik aqutsineq.
- Innuttaasut susassaqarfinnut assigiinngitsunut akuutinnissaat, sumiiffiup atorneqarneranut atatillugu aaqqiagiinngissutinik pinaveersaartitsinissaq aaqqiinissarlu kiisalu atuarfinnik peqataatitsinissaq.
- Malittarinneqqissaarneq (atortussanik katersineq, naliliineq malittarinneqqissaarnermilu nalunaarusiaq iluarsaattarlugu).
- Kommunip nunaminertanik nunarsuarmiunut kingornutassianik tunngasunik tusagassiorfinnut attaveqarnera.
- Nunaminertanik nunarsuarmiunut kingornutassianik pisortatigoortumik tikeraanut aaqqissuussinerit (saqqummiinerit, ataatsimiinnerit takutitsinerillu).
- Akuersissutinut atatillugu immikkullu akuersissutinut pisortanut oqartussanut nunaminertanik nunarsuarmiunut kingornutassianut tunngasunik tusarniaanermi akissutinik suliaqarneq.
- Nunaminertanik nunarsuarmiunut kingornutassianik aqutsisunut allatsi.
- Nunatami pinngortitatigut kulturikkullu nakkutilliineq.
- Nunatami ineriartorfiusinnaasunik nakkutilliineq.
- Atuisunik/tikeraanik ilitsersuussineq aamma paasissutissiineq.
- Allaffissornikkut suliassanik assigiinngitsunik ikiuunneq.
- Suliareqquneqartut assigiinngitsut
Naatsorsuutigaarput
- Atorfimmut tulluartumik piginnaalersitsisumik ilinniagaqartutit.
- Kalaallit Nunaanni pissutsinik ilisimasaqarnissat kissaatigaarput.
- Kalaallisut, qallunaatut tuluttullu oqaaseqartutit.
Nunaminertat kultureqarfiusut ingerlanneqarnerat Kujataani ingerlatsinermut pilersaarut malillugu ingerlanneqassaaq, taannalu ingerlaavartumik nutaanik ilaartorneqartassalluni.
Aningaasarsiat atorfinitsitaanermilu atugassarititaasut
Aningaasarsianut atorfeqartitaanermilu atugassarititaasut taamatuttaaq atorfinikkiartorluni soraarnermilu angalasinnaatitaanerit taamatullu pigisat nuunneqarnerat piffissami sulilerfiusumi Naalakkersuisut pineqartullu kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Atorfimmut atatillugu inissamik innersuussisoqassaaq, malittarisassat atuuttut naapertorlugit qularnaveeqqut/attartornermut akiligassat akilerneqassallutik.
Pinerlussimannginnermut /pinerluuteqarsimanermut kiisalu meeqqanik pinerliisimannginnermut uppernarsaatit naammaginartuuneri naapertorlugit atorfinitsitsisoqassaaq. Atorfinitsinneqartussap atsiornikkut akuersissuteqarneratigut, uppernarsaatinik atorfinitsitsinissamut oqartussaasut piniassapput, taakkulu Rigspolitimut piniarneqassallutik.
Kikkulluunniit atorfimmut piukkunnaatillit suiaassusaat, ukiui, suminngaanneernerat, upperisaat inuiaassusaallu apeqqutaatinnagit qinnuteqarnissaannik kajumissaarpagut.
Atorfik pillugu sukumiinerusumik paasisaqarnerorusukkuit Kommunip pisortaaneranut Kenneth Høeghimut saaffiginninnikkut paasiniaasinnaavutit, tlf. 64 54 13 imaluunniit mailimut: keho@kujalleq.gl
Qinnuteqarnissamut piffissaliussaq
Qinnuteqaat ilinniaarnermut uppernarsaatinik siornatigullu suliffigisimasanik imalik, soraarummeersimanermut pappilissat uppernarsaatit assilineqarneri ilanngullugit il.il. sulisoqarnermut immikkoortortaqarfimmut nassiuteqquneqarput kingusinnerpaamik septemberip 15-ianni 2017. Qinnuteqaat nassiunneqassaaq uunga