Webmaster

Kommune Kujalleq nittartakkamik aqutsisussamik pissarsiorpoq:

Teknikkikkut piginnaasaqarluarpit aammalu assiliartalersuillaqqittuuvit? Qarasaasiatigut nittartakkanik ilusilersuinermut piginnaasaqarluarpit aammalu piumassuseqarpit nittartakkamik uummaarissumik pitsassuarmillu inerisaassallutit? Piumassuseqarpit suliffeqarfiup iluani attaveqaqatigiittarfitsinnik inerisaaqataassallutit? 01. november 2017 imaluunniit isumaqatigiissuteqarnikkut.
Kingusinnerpaamik ulloq:
29. september 2017
Sumiiffik / immikkoortortaq:
Qaqortoq
Ulloq sulilerfissaq:
1. oktober 2017
Aningaasarsiat:
Isumaqatigiissutit atuuttut naapertorlugit

Suleqatitaatsitut aammalu nittartakkatsinnik aqutsisutut suliassavit pingaarnersaat tassaassaaq, paasissutissiisarnermut pisortaq toqqaannartumik attaveqarfigalugu, Kommune Kujalliup qarasaasiatigut avammut kiinnertarneranik suliffeqarfiullu iluani attaveqaqatigiinnermut akisussaallutillu ilusilersuissaatit. Paasissutissiisarnermut pisortaq suleqatigalugu avammut suliffeqarfiullu iluani attaveqaqatigiinneq uummaarissoq qulakkeersimassavat. Taamatuttaaq teknikkimut tunngatillugu paasissutissiisarnermut immikkoortortaqarfiup aammalu IT-erisutta akornanni attaveqaataassaatit.

 

Soqutigiviuk? Qinnuteqaateqarniarit taava, suliffik ilinnut naleqquttuuvoq, piffissamimi matumani Kommune Kujalliup suliffeqarfiup iluani aammalu avammut attaveqaqatigiinneq annertusarlugulu inerisaleruttorpaa, illillu inerisaanissamut annertuumik sunniuteqarnissannut periarfissaqarputit.

 

Atorfimmut suliassat makku tunngatinneqarput:

  • Nittartakkap ingerlanneqarnera aammalu taamatuttaaq suliffeqarfiup iluani qarasaasiatigut attaveqaatitta ingerlanneqarnissaat aammalu ingerlaavartumik ineriartortinneqarnissaat tassunga ilanngullugu IT-kkut attaveqaatitut ingerlanneqarnerat isumagissallugu

  • Nittartakkap atuisartunit atoruminarnissaa aammalu innuttaasunit paasiuminarlunilu orniginartuunissaa kiisalu paasissutissanik siammartigassanik nutarteriuarnissaq

  • Paasissutissiisarnermut pisortaq suleqatigalugu kommunalbestyrelsemit/ataatsimiititalianit aammalu ingerlatsiveqarfinnit nutaarsiassanik siammarterisarnissaq inerisassallugu annertusassallugulu

  • Kommunimi atorfilittat akornanni attaveqaqatigiittarfik intranet pitsaasumik pissusissamisoortumillu ingerlanneqarnissaa isumagissallugu

 

Suliamut piginnaasanut tunngatillugu piumasaqaatit

  • Qarasaasiatigut ingerlatsineq pillugu annertuumik ilisimasaqarneq
  • Attaveqaqatigiinnermut piginnaasaqarluarneq, tusagassiortutut ilinniarsimasuusinnavutit
  • Kalaallisut, qallunaatut tuluttullu piginnaasaqarluarneq atorfinitsitsiniarnermi piumasat pingaaruteqartutut inissisimapput

 

Kissaatiginartitavut

  • Kalaallit Nunaanni pissutsinik ilisimasaqarluarnissat, matumanilu pingaartumik Kujataani pissutsit ilisimasaqarfigilluassagitit
  • Suliffeqarfimmi politikkikkut aaqqissuussaasumi sulisinnaassuseqarluassasutit
  • Suleqatigiissinnaassuseqarluassasutit
  • Nammineersinnaassueqarluassasutit aammalu siunnerfeqallaqqissuussasutit
  • Isumassarsiullaqqissuussasutit eqaatsumillu sulisinnaassuseqarluassasutit
  • Aaqqiissutissanik ujartuillaqqissuussasutit

Akissarsiat- atorfeqartitaanermilu atugassartititaasut
Akissarsiat atorfeqartitaanermilu atugassarititaasut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

 

Atorfimmut atatillugu inissaqartitsisoqarsinnaavoq, tassungalu qularnaveeqqusiineq/inimut akiliut qaqugukkulluunniit malittarisassat atuuttut naapertorlugit akilersuisoqassaaq. Atorfimmut tunngatillugu initaarnissap tungaanut utaqqisoqarsinnaanera naatsorsuutigineqassaaq. Initaarnissap tungaanut kommunimit utaqqiisaasumik pisatsersukkamik ineqarallartitsisoqarsinnaavoq. Atorfininnermut tunngatillugu pigisat assartorneqarnissaat malittarisassat atuuttut malillugit isumagineqassapput.

Atorfik Qaqortumiippoq.

 

Atorfik pillugu sukumiinerusumik paasisaqarusukkaanni paasissutissiisarnermut pisortaq Jensine Berthelsen saaffigineqarsinnaavoq, e-mail: jebe@kujalleq.gl eller (+299) 645359

Qinnuteqarnissamut killiliussaq:
Qinnuteqaat ilinniarsimanermut uppernarsaatinik, suliarisimasanik takussutissartalik aammalu oqaaseqaatitalik Kommune Kujallermut tunniunneqariissaaq kingisinnerpaamik 29. september 2017.


Kommune Kujalleq

HR-afdeling

Postboks 514

3920 Qaqortoq

job@kujalleq.gl