Isumaginninnermi siunnersortit aqutsisui pingasut Meeqqanut tunngasut

KOMMUNE KUJALLEQ
Ujaasivoq
Isumaginninnermi siunnersortit aqutsisui pingasut
Meeqqanut tunngasut

Kommune Kujalliup meeqqanut tunngasunik salliutitsinini ingerlatiinnarpaa. Isumaginninnermi siunnersortit aqutsisuinik pingasunik pissarsiorpoq, sumiiffinnut pingasunut Nanortalimmut, Qaqortumut Narsamullu. Atorfiit januaarip aallaqqaataanniit 2018 inuttalerneqarsinnaanngussapput imaluunniit isumaqatigiissuteqarnikkut.
Kingusinnerpaamik ulloq:
15. november 2017
Sumiiffik / immikkoortortaq:
Nanortalik/Qaqortoq/Narsaq
Ulloq sulilerfissaq:
1. januar 2018
Aaqqissukkamik sulisarpit, suliannut pikkorissuuit, pitsaassutsimik pingaartitsisuuit aammalu aqutsinermut piginnaaneqarpit? Taava imaassinnaasoq illit tassaasutit isumaginninnermi siunnersorti aqutsisoq Nanortalimmi, Qaqortumi Narsamiluunniit atorfinittussaq. Atorfiit januaarip aallaqqaataanniit 2018 inuttalerneqarsinnaanngussapputimaluunniit isumaqatigiissuteqarnikkut.

Akisussaaffiit:

• Najugaqarfimmi nunaqarfinnilu sulinerup aqunnissaa agguataarinissarlu.
• Ataatsimiinneq.
• Suliat pitsaassusaannik qulakkeerinninneq.
• Sulianut tunngatillugu sullissisunik avitseqateqartarneq.
• TSU-mi allatsi.
• Ilaqutariinnut sullissivinni/illuni attaveqaat.
• Ulloq unnuarlu paaqqinnittarfinni suliassat suliarineqarnissaat.
• Angerlarsimaffiup avataanut inissiinerit angerlartitseqqinnerillu.
• Isumaginninnermi pigaartunut pigaartullu sinniisaannut ataqatigiissaarisoq.

Piumasaqaatit:

• Isumaginninnermi siunnersortaasutit.
• Isumaginninnermi sulianik misilittagaqarnissaq.
• Aqutsinermik misilittagaqartutit.
• Suleqatiginninnissamut oqartussanillu allanik suleqateqarnissamut piginnaasagissaartutit.
• Isumaginninnermi pikkunartunik suliassaqarfiusumi sunniuteqaqataallutit iliuuseqarusussuseqartutit.
• Sanngisuujusutit.
• Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
• Ataatsimoortumik takunnissinnaanerit attatiinnarlugu arlalinnik suliaqarsinnaanissat
• Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
• Namminersorluni sulineq akisussaassutsinillu ilisimaarinnilluartuussasutit
• Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassusiliusutit
• Ulluinnarni ulapaarfiusuni pimoorussillutit aaqqissuisinnaassuseqarlutit sulisinnaasutit
• Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
• Arlalissuarnik suleqateqallaqqissoq
• Marluinnik oqaasilik (kalaallisut/danskisullu)

Neqeroorutigaarput:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerlussimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersornissaanullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Namminersorlutik Oqartussani kommuninilu tjenestemanditut atorfimmut assingusumik atorfiit qaffasissusiligaanerat pillugu isumaqatigiissummi atuuttumi aalajangersakkat malillugit pissapput. Isumaginninnermi siunnersortit aqutsisuattut akissarsiaqartitsisoqassaaq.

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Malittarisassallu atuuttut malillugit sivikinnerpaamik ukiuni pingasuni atorfeqareersimanermi atorfimmit qimaguteqqinnermi nassataanik pigisanik nuussinermut aningaasartuutit akilerneqassallutik.

Atorfik pillugu paasissutissat sukumiinerusut pisortamut Nielsine Petersenimut pissarsiarineqarsinnaapput oqarasuaat 645374 e-mail nipe@kujalleq.gl

Najugaqarfimmut sorlermut qinnuteqartoqarnersoq qinnuteqaammi allaqqassaaq (Nanortalik, Qaqortoq imaluunniit Narsaq).

Qinnuteqaatit Kommune Kujallermiit tiguneqareersimassapput kingusinnerpaamik novembarip 15-ianni 2017 nal. 12.00. Qinnuteqaat, soraarummersimanermut allagartat, oqaaseqaatit ilaallu ilanngullugit uunga nassiunneqassapput

Kommune Kujalleq

HR-afdeling

Postboks 541

3920 Qaqortoq

job@kujalleq.gl