Narsami Ilinniartitsisoq

Narsap Atuarfianut Ilinniartitsisumik pissarsiorpugut.
Narsap Atuarfiani ilinniartitsisumik pisariaqartitsilerneq tunngavigalugu 01. december 2017 sulilertussamik ilinniartitsisussarsiorpugut.
Kingusinnerpaamik ulloq:
10. november 2017
Sumiiffik / immikkoortortaq:
Narsaq
Ulloq sulilerfissaq:
1. december 2017
Aningaasarsiat:
Isumaqatigiissutit atuuttut naapertorlugit

Atorfininnermi atugassarititat

Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. aggusti 2014-imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.

 

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.

 

Inissaqartitaaneq

Inissiamik neqeroorfigineqassaatit, ilaqutariit angissusaat apeqqutaatillugu annertussusilimmik.

 

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

 

Paasissutissat allat

Meeqqat atuarfiat pillugu paasissutissat, atorfinitsitaasarnermi atugassarititat ilanngullugit, misissuataarsinnaavatit Kommuneqarfiit Kattuffiata nittartagaanni www.kanukoka.gl -imi.

 

Qinnuteqarnermut immersugassaq

Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.

 

Ilinniartitsisutut atorfik Narsamiittoq annertunerusumik paasisaqarusukkuit saaffigissavat atuarfiup pisortarigallagaa Hans Peter Broberg & pisortap tullersortaa Sarah Rødgaard e-mail: hpbr@kujalleq.gl & saro@kujalleq.gl oqarasuaat +299 381602 & 381603.

 

MK-ingerlatsivimmi atuarfinnut siunnersorti Magdaline Geraae, e-mail: mage@kujalleq.gl oqarasuaat +299 61 41 46 toqqaannartoq, imaluunniit angallattagaq +229 550193

 

Qinnuteqarfissaq kingulleq tassaavoq tallimanngorneq 10. november 2017.


Kommune Kujalleq

Meeqqanut kultureqarnermullu Ingerlatsivik

Postboks 166

3922 Nanortalik

E-mail: mage@kujalleq.gl