Ingerlatsivimmi Pisortaq

Kommune Kujalleq Kulturikkut ingerlatsivimmut
ingerlatsinermut pisortassarsiorpoq

Januaarip aallaaqqaataat, 2018 atorfinittussamik isumaqatigiissuteqarnikkulluunniit.
Kingusinnerpaamik ulloq:
8. december 2017
Sumiiffik / immikkoortortaq:
Qaqortoq
Ulloq sulilerfissaq:
1. januar 2018
Aningaasarsiat:
Isumaqatigiissutit atuuttut najoqqutaralugit
 

Atorfik nutaaq inuttassarsiuunneqarpoq, atorfillu taanna Kommune Kujalleq tamakkerlugu akisussaaffilerneqartumik sullissiffiussaaq atorfeqarfillu Qaqortumiilluni.

 

Kommune Kujalleq nunatsinni kommunit kujallersaraat, tassaniippullu illoqarfiit Narsaq, Qaqortoq Nanortalillu kiisalu nunaqarfiit aqqanillit. Illoqarfiit imminnut qanillutik inissisimapput kulturikkullu inuuneq siammasissoq atuulluni kiisalu sammisassat arlallit ataatsimut aallunneqakkajullutik.

 

Kommune Kujalliup kommunimi kulturikkut sulineq nukittorsarusuppaa, tassani ilaatigut sunngiffimmi atuartitsineq, sunngiffimmi ornittakkanik pitsanngorsaaneq kiisalu Nanortalimmi Qaqortumi Narsamilu kulturikkut immikkoortortaqarfiit pingasut aqqutigalugit inuusuttunut pinaveersaartitsineq annerusoq anguniarusullugu.

 

Ingerlatsinermi pisortartaatta Kommune Kujallermi kulturikkut suliaqartut suleqatigilluassavai, ilaatigut Kommune Kujalleq tamakkerlugu peqatigiiffiit arlallit, atuakkanik atorniartarfiit katersugaasiviillu.  Kommunip pisortaanera toqqaannartumik attaveqarfigisassavat.

 

Suliassatigut piginnaasat

  • Allaffissornikkut ilinniagaqarnissat tassungalu atatillugu kommunimi allaffissornikkut sulinermik misilittagaqarnissat pitsaaqutaassaaq.
  • Aqutsinermut aningaasaqarnermullu aqutsinikkut misilittagaqarnissat pitsaaqutaassaaq.
  • Politikkikkut sullissinermik ilisimasaqartuusutit.
  • Kalaallit Nunaannut tulluartumik nioqquteqarnermut tunngasunik ilisimasaqarnissat, tassani Kalaallit Nunaanni peqatigiiffilerineq pineqarpoq.
  • Avammut ammasuunissat kommunimilu peqatigiiffinnik arlalinnik qanimut suleqateqarsinnaanissat pingaaruteqarpoq.
  • Suliniutit aalajangersimasut aallaavigalugit suliniartartuussaatit.
  • Peqatigiiffinnik siunnersuinermik misilittagaqassasutit.

 

Inuttut piginnaasat

  • Pilersaarusiorsinnaassaatit ataqatigiissaarisinnaallutit, kommunimilu politikkikkut ingerlaaseqarfiusumi aqqutissiuinissannik piginnaasaqassallutit
  • Suliniutinik aallarniisartuussaatit naammassinnittartuullutillu
  • Suleqatigiilersitsillaqqissuussaatit kajumissusermillu siammarterillaqqissallutit
  • Susassaqarfiit akimorlugit suleqatiginnissinnaassaatit
  • Ulapaarfimmi sullerissuussaatit (aamma suliassat ataatsikkut arlallit ingerlakkaluaraangakkilluunniit)
  • Marluinnik oqaaseqarnissat iluaqutaassaaq.

 

Akissarsiat atorfinitsitaanermilu atugassarititaasut:

ASG-ip pisortanut isumaqatigiissutaa naapertorlugu atorfik inuttalerneqassaaq.

 

Inissaqartitsisoqarsinnaavoq, malittarisassallu atuuttut malillugit akilersorneqassalluni.

 

Atorfik pillugu sukumiinerusumik paasisaqarfigerusukkaanni pisortaanerugallartoq Kenneth Høegh oqarasuaat 64 54 13 imaluunniit mail aqqutigalugu keho@kujalleq.gl attavigineqarsinnaavoq.

 

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa allallu assilineri kingusinnerpaamik ulloq 08. december 2017 nal. 12.00 kommunimit tiguneqareersimassapput, uungalu nassiunneqassallutik:


Kommune Kujalleq

Box 514

3920 Qaqortoq

job@kujalleq.gl