Isumaginninnermi pisortamut Allatsi

Qaqortumi isumaginnittoqarfik isumaginninnermi pisortamut allatsissarsiorpoq

Ataatsikkut sorpassuit suliaralugit nuannaraagit ataatsimullu isiginnissinnaavit, taamaassimappat suliffissaqartippatsigit.
Kommune Kujallermi isumaqatiginnittoqarfimmi atorfik allaffissornikkut sulianik isumaginninnikkullu sulianik ataqatigiissaariffiusoq 01. januar 2018 imaluunniit erseqqinnerusumik isumaqatigiissuteqarnikkut inuttassarsiorneqarpoq.
Kingusinnerpaamik ulloq:
21. december 2017
Sumiiffik / immikkoortortaq:
Qaqortoq
Ulloq sulilerfissaq:
1. januar 2018
Aningaasarsiat:
Isumaqatigiissutit atuuttut naapertorlugit
Sorpassuit suliarinerini qitiusumik inissisimassaatit. Isumaginnittoqarfimmi ulluinnarni ingerlatsinermi inunnut sulianik aaqqiisussanut nassiussuisassaatit.
Isumaginnittoqarfimmi, pisortani avataanilu suleqatigiit ataatsimiittarnerini oqalliffinnik assigiinngitsunik pilersaarusiornissaq qulakkeerinissarlu akisussaaffigissavatit.

Suliassat:
• Suliassat takkussuuttut inissinnissai agguataarnissaalu
• Isumaginnittoqarfimmut suliassat takkussuuttut oqaluuserisassanut allattorlugit sulianilu pisortanut nassiussuullugit.
• Oqaluuserisassat ataatsimiinnissamut ulloq ataaseq sioqqullugu, ataatsimiititaliap ilaasortaanut nassiunneqassapput. Digitaliussapput.
• Oqaluuserisassat tamarmik pitsaassusai nutserneqarsimanerilu misissorlugit.
• Ataatsimiititaliat ataatsimiinnissaat ataqatigiissarlugit aaqqissorlugillu
• Imaqarniliat naammassillugit nassiussorlugillu.
• Ataatsimiititaliap ataatsimiinnissanut ullorsiutaanik aqutsineq.
• Isumaginninnermi pisortamut allattariarsornermi suliassanik suliaqarneq.
• Billetsinik angalanissanillu inniminniinerit.
• Suliareqquneqartut assigiinngitsut

Qinnuteqartumut naatsorsuutigineqartut:
• Ammasuuneq pitsaasumillu eqqarsartariaaseqarneq.
• Sungiussiasoq.
• Kalaallisut allassinnaasariaqarpoq.
• Ulapaarfimmi sulisinnaassaatit.
• Aaqqissuussaaffimmi politikkikkut aqunneqartumi sulisinnaassaatit

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaalu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

Atorfik pillugu sukumiinerusumik paasisaqarusukkuit, Kommuni Kujallermi Isumaginninnermi pisortamut Kista Isaksenimut oqarasuaammut 64 53 52-mut imaluunniit mailimut uunga saaffiginninnikkut kisi@kujalleq.gl paasisaqarsinnaavutit.

Qinnuteqaat ilinniakkanik suliffigisimasanillu paasissutissartalik, ilinniarnermut uppernarsaat assilisaq ilanngullugu, sulisitsisumit oqaaseqaat il. il. kommunimut ulloq decembrerip 21-at, 2017 nal. 12:00 nallertinnagu uunga nassiunneqassaaq:

Kommune Kujalleq

HR-afdeling

Postboks 514

3920 Qaqortoq

job@kujalleq.gl