Pisortaaneq

Kommune Kujallermit kommunimi pisortaanertut atorfik sapinngisamik piaarnerpaamik inuttalerusunneqarpoq.

Pisortaanerup borgmesteri kommunillu pisortaanerata tullersortaa peqatigalugu qullersaqarfittut/pisortaqatigiittut inissisimapput, tassaallutik kommunimi aqutsinikkut qullersaasut.
Kingusinnerpaamik ulloq:
27. december 2017
Sumiiffik / immikkoortortaq:
Qaqortoq
Ulloq sulilerfissaq:
1. januar 2017
Aningaasarsiat:
Inatsisit isumaqatigiissutillu atuuttut naapertorlugit

 

Allatigut atorfimmi suliassanik nassuiaat aaqqissuussaanermullu takussutissiaq innersuunneqarpoq, inuttassarsiuinerlu ilanngullugu taakku kommunip nittartagaani takuneqarsinnaapput, www.kujalleq.gl. Nittartakkami kommune pillugu paasissutissat allat aamma aaneqarsinnaapput.

 

Kommunimi pisortaanerup sulianut pikkorissuseqarnissaa kommunimiit annertuumik piumasaqaatigineqarpoq, ingammik makkununnga tunngatillugu: aningaasaqarneq, pisortat ingerlatsinerat taakkununngalu tunngatillugu inatsisitigut maleruagassat pillugit ilisimasaqarnissaq, aamma ataatsimmut saqqumilaartutut, ataqqineqartut pisortaanertullu suleqatiginnissuseqartutut malunnarsisinnaassuseqarneq, aammattaaq pisortaanerup suliffimmi kalaallit danskillu oqaasiinik atuisinnaanissaa kissaatigineqarpoq. Tamatuma saniatigut tuluit oqaasiinik ilisimasaqarnissaq.

 

Akissarsiarititanut tunngatillugu nunatsinni atorfillit akissarsiassaanni akissaateqarfik 39 imaluunniit 40 aallaavigineqassaaq, qanoq sivisutigisumik atorfeqarsimaneq apeqqutaatillugu, taakkualu ilagalugu Tjenestemandit pillugit inatsimmi ukiuni killilinnik atorfinitsitsinermi malittarisassat najoqqutaralugit inuttaliisinnaanermik periarfissaq. Atorfik isumaqatigiissutitigut piumasaqaatit malillugit inuttalerneqassappat, isumaqatigiissutit apeqqutaatillugit atorfinitsitseriaaseq taanna oqaluuserineqalersinnagu qitiusumiit ukiuni killilinnik atorfinitsitsinermi isumaqatigiinniarnissaq ingerlanneqassaaq.

 

Kommunimi pisortaaneranut sulisut inissiassaannik tulluartumik innersuussisoqarsinnaavoq, malittarisassallu pisortat inissiaataannut atuuttut malillugit ineqarnermullu akiliut akilerneqassalluni.

Qinnuteqaammi soraarummersimanermi uppernarsaatit assingi, CV (inuunermit taasassat) aamma oqaaseqartissinnaasat kommunip attavigisinnaasai pillugit paasissutissat ilanngunneqassapput.  Tamatuma saniatigut pillagaasimanngitsutut allagartaq ilanngunneqassaaq.

 

Qinnuteqaat ilanngussartalik uunga nassiunneqassaaq: job@kujalleq.gl imaluunniit allakkatigut, qinnuteqaallu ilanngussartalik kommunimut apuutereersimassaaq kingusinnerpaamik pingasunngornermi decembarip 27-ianni 2017.

 

Atorfimmut tunngatillugu apeqqutissaqaruit pisortaanerugallartoq Kenneth Høegh imaluunniit siunnersortaaneq Michael Mikkelsen attavigisinnaavatit.


Kommune Kujalleq

HR-afdeling

Box 514

3920 Qaqortoq

job@kujalleq.gl