Ulloq unnuarlu paaqqinnittarfimmut aqutsisoq

Kommunip Qaqortumi ulloq unnuarlu paaqqinnittarfimmut pilersitaanut nutaamut aqutsisoq

Ulloq 01. februar 2018 isumaqatigiissuteqarnikkulluunniit atorfinittussaq.
Kingusinnerpaamik ulloq:
27. december 2017
Sumiiffik / immikkoortortaq:
Qaqortoq
Ulloq sulilerfissaq:
1. februar 2018
Aningaasarsiat:
Isumaqatigiissutit atuuttut najoqqutaralugit
Kommune Kujalleq ulloq unnuarlu paaqqinnittarfimmut pilersitaminut nutaamut aqutsisussarsiorpoq. Ulloq unnuarlu paaqqinnittarfik Qaqortumi inissinneqassaaq. Ulloq unnuarlu paaqqinnittarfik meqqanik 10-12-nik inissaqartitsivoq . Taamaammat piviusunngortitsiniarnerup nalaani ataqatigiissaarisuussaatit. Ulloq unnuarlu paaqqinnittarfiup apriilip aallaqqaataanni 2018-mi atulersinneqarnissaa naatsorsuutigineqarpoq.

Ulloq unnuarlu paaqqinnittarfik meeqqanut angerlarsimaffiup avataanut inissitassanut inissinneqareersunulluunniit katsorsarneqarnissamilli pisariaqartitsinngitsunut saaffiginnippoq. Meeqqat sullinneqartussat qassinilluunniit ukioqarsinnaapput ineqareernerulli kingorna sernissuinerit ingerlanneqarsinnaasassapput.

Aqutsisumik aaqqissugaanermi annertuumi aqutsisoqatigiinnut peqataasinnaasumik kiisalu ulloq unnuarlu paaqqinnittarfimmut piukkunnaateqarluartumut mianernartunillu sullitalimmut qulakkeerinninnissamut siuttoorusuttumik ujartuivugut.

Suliniut isumaginnittoqarfimmik, teknikkeqarfimmik, ilaqutariinnut sullissivimmik ajornanngippallu allanik suleqateqarnikkut ingerlanneqassaaq.

Sulisut amerlassusaat aqqaneq marluussapput illillu ulloq unnuarlu paaqqinnittarfimmik pilersitseqataallutillu sulisunik attuumassutilinnik sulilersitsissaatit.

Aqutsisumik sulisunik aqutsinermik - ajornanngippat ulloq unnuarlu paaqqinnittarfimmit misilittagalimmik pissarsiorpugut:
•peqqissaanikkut imaluunniit/aamma perorsaanikkut ilinniarsimasoq suliassaqarfiup tungaatigut annertuunik misilittagalik.
•Allattariarsornikkut oqaatsitigullu attaveqallaqqissoq
•Aqutsisutut ilinniagalik imaluunniit ilinnialernissamut piareersimasoq

Ima inuttut piginnaaneqarnissaq naatsorsuutigaarput:
•Ajornanngitsumik ataatsimut isiginnissinnaasoq, ilusilersuisinnaasoq malitseqartitsinissamillu sungiusimasalik
•Aqutsisinnaassusilik kajumissaarisinnaassusilik isumaqatissarsisinnaasorlu
•Qanimajaatsoq kiisalu sulisut ilaqutariillu ajornartorsiutigisinnaasaannik inissaqartitsisinnaasoq
•Nalilersuilluni misissuisarnermut piginnaasalik, kisitsisinik ajornartorsiutinillu paasinnilluarsinnaasoq

Neqeroorutigaarput:
•Aaqqissugaanermik nutaamik soqutiginartumillu ineriartortitsinissamut periarfissaq
•Suliffik soqutiginartoq eqeersimaartunik, pimoorussisunik, takorluugalinnik anguniagaqartunillu sulisulik.
•Isumaginnittoqarfimmi Qaqortumilu paaqqinnittarfinni allani aqutsisut peqatigalugit ataatsimoorfimmut meeqqanut inuusuttunullu atugarliortunut neqeroorutinik pilersitseqatigiiffiusumut peqataaneq.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

Akissarsiatigut atorfininnermilu atugassarititat, isumaqatigiissut atuuttoq naapertorlugu aalajangiiffigineqartassapput.

Paasissutissat sukumiinerusut:
Atorfik pillugu paasisaqarnerorusukkuit isumaginninnermi pisortamut Kista Isaksenimut sianerlutit uunga 64 53 52 imaluunniit suliami pisortamut Nielsine Petersenimut sianerlutit uunga 64 53 74 paasisaqarnerusinnaavutit.

Qinnuteqaat ilanngussallu atuumassutillit mail-ikkut nassiunneqassapput decembarip 27-at 2017 nal. 12:00 nallertinnagu uunga nassiunneqassallutik:

Kommune Kujalleq

HR-afdeling

Postboks 514

3920 Qaqortoq

job@kujalleq.gl