Qaqortumi Teknikkimut Avatangiisinullu ingerlatsivimmut immikkoortortami pisortaq

Kommune Kujallermi Teknikkimut Avatangiisinullu ingerlatsivik, Qaqortumi immikkoortortami pisortatut ulloq februaarip 15-iat, 2018 aallarnerfigalugu isumaqatigiissuteqarnerluunniit malillugu atorfinittussamik pissarsiorpoq.

Ingerlatsivik teknikkimut pisortamit siulersorneqartoq, pingasunik allaffimmioqarpoq, ilinniartoq ataaseq, teknikkerillu qulit.
Kingusinnerpaamik ulloq:
29. januar 2018
Sumiiffik / immikkoortortaq:
Qaqortoq
Ulloq sulilerfissaq:
15. februar 2018
Aningaasarsiat:
Isumaqatigiissutit atuuttut naapertorlugit

Suliassat makku suliarisassavatit:

  • Allakkat nassiussarsiat nassiussallu isumaginerat

  • Kommunimi tamarmi qimmit qitsuillu akuersissuteqarfiginerisa aqunnerat kiisalu Namminersorlutik Oqartussanut qaammatit pingasukkaarlugit nalunaarutiginnittarneq

  • Eqqagassalerinermi, eqqaanermut akileraarutilerinermi paaviaanermilu kisitsinernik qarasaasiamut immiussineq

  • Eqqagassalerinissamut allatsinnerit taamaatitsinerillu

  • Ullut 14-ikkaarlugit akissarsiassat nalunaarutigineri

  • Eqqagassat ikuallaavimmukartut tigooraaffimmukartullu nalunaarsornissaat.

  • Piginnittuunermut uppernarsaatinik isumaginninneq

  • Suleqatigiissitaagallartut assigiinngitsualuit

     

Piumasaqaatit:

  • Naleqquttumik allaffissornikkut ilinniagaqarsimassasutit ajornanngippallu suliassaqarfiit ilaat misilittagaqarfigissagitit.

  • Namminersorlutit aaqqissuulluakkamik sulisinnaassasutit.

  • Sullissiumatuujussasutit suleqatikkuminarlutit qiimasuullutillu.

  • Suliassat suliarinerini isumassarsiullaqqissusermik pitsaassusermillu takutitsisassasutit.

  • Qarasaasiamik atuisinnaasutit.

  • Kalaallisut qallunaatullu allattariarsornikkut oqaluttariarsornikkullu erseqqissumik takorlooruminartumillu oqariartuuteqarsinnaasutit.

     

Ilinnut neqeroorutigisinnaasavut:

  • Kommunimi illoqarfitsigut annertuumik ineriartorfiusumi sulineq soqutiginartoq.

  • Suliffik pikkunartunik suliassaqarfiusoq.

  • Inuttut suliatigullu ineriartornissamut periarfissat pitsaasut.

  • Suleqatit suleqatigiinnerlu pitsaasut.

 

Akissarsiat atorfinitsitaanermilu atugassarititaasut.

Naalakkersuisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

 

Paasissutissat allat

Atorfik pillugu paasissutissanik sukumiinerusunik pissarsiniaruit, Teknikkeqarnermut immikkoortortami pisortamut Margrethe Lundblad Hansenimut saaffiginnissinnaavutit, oqarasuaat +299 70 41 00 imaluunniit mailikkut: malu@kujalleq.gl 

 

Qinnuteqarneq:

Qinnuteqaat, ilinniagarisimasat pillugit paasissutissartalik, siornatigut suliffigisimasat, soraarummeersimanermut uppernarsaatit assigiissaasalu assilineqarneri, aamma ajornanngippat innersuussutit il. il. kingusinnerpaamik januaarip 29-at 2018 kommunimit tiguneqareersimassapput.Qinnuteqaat allakkatigut mailikkulluunniit uunnga nassiunneqassaaq:

Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq