Borgmesterip allaffeqarfianut allatsi

Kommune Kujallermi borgmesterip allaffeqarfia allatsimik februaarip aallaqqaataanni 2018-imi isumaqatigiissuteqarnikkulluunniit atorfinittussamik pissarsiorpoq.

Borgmesterip allaffeqarfiata kommunimi suliassat qitiusut isumagisarpai. Borgmesterip allaffeqarfiata isumagisassaasa ilaat makkuupput:

• Aningaasaqarnermut ataatsimiititaliamut kommunalbestyrelsimullu politikkikkut oqaluuserisassanik suliarinninneq
• Politikkikkut qullersaqarfimmik kiffartuussineq
• Borgmesterimut qullersaqarfimmullu allattaaneq
Kingusinnerpaamik ulloq:
30. januar 2018
Sumiiffik / immikkoortortaq:
Qaqortoq
Ulloq sulilerfissaq:
1. februar 2018
Aningaasarsiat:
Isumaqatigiissutit atuuttut najoqqutaralugit
 

Allatsip suliassai

 

Borgmesterip allaffeqarfiani allatsitut / allaffissornikkut sulisutut pingaarnertut suliassatit makkuupput:

 

  • Ataatsimiinnissanik aaqqissuussineq piareersaanerlu - tassunga ilanngullugit ataatsimiiffissanik inniminniinerit, ataatsimiinnernut atortunik imaqarniliorfissanillu piareersaanerit, atortussanik kopeerineq, nerisassanik inniminniineq il. il. 

  • Borgmesterimut qullersaqarfimmullu allatsitut suliassat

  • Borgmesterip qullersaqarfiullu ullorsiutaannik isumaginninneq ataqatigiissaarinerlu

  • Ataatsimiinnissanik ataqatigiissaarineq kiisalu borgmesterip, qullersaqarfiup kommunalbestyrelsillu angalanissaannik, najugaqarnissaannik assigisaannillu inniminniinerit.

  • Borgmesterimut qullersaqarfimmullu suliassanik takkuttartunik isumagisaqarneq

     

    Aammattaaq borgmesterip allaffeqarfiani sulisut allat Kommune Kujallermilu ingerlatsiviit allat suleqatigalugit suliassanik assigiinngitsunik suliaqarneq.

     

    Piginnaasat naatsorsuutigineqartut

     

    Sulisumik makkuninnga piginnaasalimmik pissarsiorpugut

     

  • Allaffissornikkut sulinerup iluani naleqquttumik fuldmægtigitullu qaffasitsigisumik ilinniagalik

  • Allaffissornikkut aqutsisunik kiffartuussinermik misilittagalik - ajornanngippat pisortanik kiffartuussinermik

  • Kisitsisinut, qarasaasialerinermut suleriaatsinullu digitaliusunut piginnaanilik makkuninngalu atuinermut sungiussisimasoq: Outlook, Word, Excel aamma Power point

  • Akuersaartoq, ilakkuminartoq qanimajaatsorlu

  • Sullissinernik ilisimasaqarluartoq, aalajangersimasumik suleriaaseqartartoq, angusassanik toraagalik ullunilu ulapaarfinni ataatsikkut arlalinnik suliaqarsinnaassusilik

  • Suliassanik assigiinngitsorpassuarnik amerlanertigut sivikitsumik piffissaliunneqartunik ajornartitsinngitsoq

  • Sungiussiasoq suleriaatsiminilu iluarsiinissatigut ilisimasaqarluartoq

     

Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut allallu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfik pillugu paasissutissat sukumiinerusut aningaasaqarnermut pisortaagallartumut Kim Dahlimut attaveqarnikkut pissarsiarineqarsinnaapput, oqarasuaammut uunga 70 41 00 (e-mail: kida@kujalleq.gl).

Qinnuteqaat ilinniakkamik aammalu siusinnerusukkut suliffiusimasat pillugit paasissutissanik, ilinniakkamik allagartap il.il. ilalik, kommunimi tiguneqareersimassaaq kingusinnerpaamik januaarip 30-anni 2018-imi uungalu nassiunneqassalluni:

 

 

Kommune Kujalleq

Box 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq