Kommune Kujalleq Qaqortumi Kulturimut sunngiffimmullu aqutsisussarsiorpoq

Piaarnerpaamik imaluunniit 01. februar 2018 atorfinittussamik.
Atorfik Qaqortumi Kulturimut, sunngiffimmut pitsaaliuinermullu ingerlatsiviup ataani inissisimavoq.
Qaqortumi Kulturimut sunngiffummullu aqutsisup qullersaraa ingerlatsivimmi pisortaq, Qaqortumi inissisimasoq.
Kingusinnerpaamik ulloq:
19. januar 2018
Sumiiffik / immikkoortortaq:
Qaqortoq
Ulloq sulilerfissaq:
1. februar 2018
Aningaasarsiat:
Isumaqatigiissutit atuuttut naapertorlugit

Pingaarnertut suliassat:

  • Qaqortumi nunaqarfiinilu meeqqanut, inuusuttunut inersimasunullu sunngiffimmi atuartitsineq piareersarlugulu nakkutiginera

  • Nunaqarfinni meeqqanut, inuusuttunut inersimasunullu sunngiffimmi atuartitsineq nakkutigalugu.

  • Inuusuttut sukisaarsartarfiat nakkutigalugu

  • Qaqortumi eqqaanilu pitsaaliuineq nakkutigalugu

  • Suliassaqarfinni qulaani taaneqartuni aqutsisutut atorfinitsitassanik inassuteqaateqarneq, aammalu taakkununnga qaninnerpaatut qullersaaneq.

  • Sunngiffimmi ilinniartitsisunik atorfinitsitsinerit.

  • Qaqortumi eqqaanilu sunngiffeqarnermut, kulturimut, innuttaasunullu paasissutissiisarnermut tunngasunik pilersaarusiorneq ingerlatsinerlu.

  • Qaqortumi eqqaanilu pitsaaliuinermut siunnersorti peqatigalugu pitsaaliuinermut tunngasunik pilersaarusiornerit

  • Sapaatit akunnerinik kulturisiorfinnik inuiattullu ullorsiorfinnik pilersaarusiorneq ingerlatsinerlu.

  • Kulturikkut qaammarsaanikkullu aaqqissuussanut akisussaasutut pilersaarusiorneq ingerlatsinerlu

  • Peqatigiiffilerineq kajumissutsimillu suliaqarneq siuarsarlugu, timersornerup allatullu peqatigiiffeqarup iluani.

  • Peqatigiiffinnik nalunaarsuineq, peqatigiiffiit naatsorsuutaannik suliareriikkanik tunniussisarnernik nakkutiginninneq il.il.

  • Peqatigiiffinnut nutaanut pioreersunullu siunnersuineq

  • Peqatigiiffilerinermut kajumissutsimillu suliaqarnermut pikkorissartitsineq il.il.

  • Tapiisarnermut maleruagassanut nutartigassanut siunnersuuteqartarneq

  • Timersornerup peqatigiiffeqarnerullu inerisarnissaanut akisussaaneq

  • Ingerlatsivimmi suleqatinik allanik avitseqateqarneq suleqateqarnerlu

  • Qinnuteqaatinik suliaqarneq

  • Suliassaqarfinni akisussaaffigisani missingersuutinik suliaqarneq nakkutilliinerlu.

  • Qulaani pineqartuni kommunip karseqarnermut naatsorsuusiornermullu maleruaqqusai malillugit uppernarsaasutut innersuuteqartutullu piginnaatitaaffinni suliaqarneq

  • Suliassanik immikkuullarissunik qullersanit suliakkiissutaasunik sulieqarneq

 

Atorfimmut piginnaasatigut naatsorsuutigaarput:

  • HK-mik, NI-2-mik assingusumilluunniit ilinniagaqarneq

  • Peqatigiiffilerinermik misilittagaqarluarneq

  • Winformatik misilittaragereersimagaanni pitsaaqutaassaaq

  • Sulianut pilersaarutinut, qinnuteqaatinullu tunngassutilinnut aningaasaqarnikkut naatsorsuutitigut siunnersuisinnaassuseqarneq

  • Qarasaasiamik atuilluarsinnaaneq

  • Nammineersinnaassusilik, sulianik kusanartumik naammassinnilluarsinnaasoq pingaartitsisorlu

  • Akunnaatsoq suleqatikkuminartorlu

  • Pisariaqartitsineq aallaavigalugu suliassanik nutaanik tigusisinnaassusilik

  • Marluinnik oqaasilik

 

Akissarsiaqarneq atorfininnermullu atugassarititat:

 

Aningaasarsiat atorfinitsitaanermilu atugassat IMAK-ip Namminersornerullutillu Oqartussat isumaqatigiissutaat malillugit ingerlanneqassapput.

 

Atorfik pillugu paasissutissat sukumiinerusut saaffiginnissutigineqarsinnaapput Kultureqarnermut, sunngiffimmut pitsaaliuinermullu ingerlatsiviup pisortaanut Mikael Mansi Rasmussen-imut, oqarasuaat 704100. E-mail: mira@kujalleq.gl

 

Paasissutissat allat kommunimut tunngasut uunga takuneqarsinnaapput www.kujalleq.gl

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Qinnuteqaatit ilinniagarisimasanik siusinnerusukkullu suliffigisimasanik paasissutissartalik kiisalu ilinniarnermut uppernarsaatit, sulisitsisut oqaaseqaataasa assilinerinik ilalik kingusinnerpaamik 19. januar 2018 nal. 16.00 tigoriissavarput uunga nassiullugu:

 

Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq