$name

Kingusinnerpaamik ulloq:
9. marts 2018
Ulloq sulilerfissaq:
1. april 2018

Meeqqerivik ”Orpinnguaq”naalungiarsunnut 15-nut naatsersuussaavoq 0-6 ukiulinnut.

Sulisoqarpoq katillugit 6-nik, taakkua iluanni pisortaq inissisimalluni, inillu sisamaallutik.

 

”Orpinnguaq” siunertaqarpoq, naalungiarsuup meeraaqqerivimmiit meeqqerivimmut ikaarsaarnissaanut piareersassallugu, sutigullu tamatigut meeraq qitiutillugu ikorfartorlugu, pingaartitaraalu assigiinngitsutigut piorsarsimassuseq pillugu ingerlataqarneq, nerisassatigut, anersaakkut, nunallu pissarititaanik atorluaanikkut.

 

Angajoqqaanik suleqateqarluarneq, pisariaqartillugulu angajoqqaanik kaammattuinermik imaqartu-mik ingerlatsisarluni.

 

Inatsisartut inatsisaat nr. 16, 03. dec 2012-meersoq tunngavigalugu qulaani pinertut angajoqqaallu suliniutigaat.

 

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartuti-gut aaqqiipallassinnaanermik sungiusimasallit, suleqatikkuminartut qiimasullu.

 

Narsarsuaq nunaqarfiuvoq eqqissisimasoq pinngortitarsuarmullu illoqarfittaa qanittuugami atorluarne-qartuulluni.

 

Illit perorsaasutut ilinniarsimasuullutit ”Orpinnguaq”-mi makkua akisussaaffigissavatit:

·         Illup ingerlanganik sutigut tamatigut nakkutiginninneq, taassuma iluani allaffisoorneq

·         Illup siunertaanik malititsiniartoq

·         Inatsisartut inatsisaat nr 16, 3.dec 2012-meersoq pillugu suliniuteqarneq

·         Angajoqqaanik suleqateqarnermi eqqummaarissuuneq

·         Perorsaanilerinermik nakkutiginninneq, nutarsaajuarneq

·         Suleqatikkuminartoq, tarnikkut timikkullu nukittooq

·         Killiliisinnaasoq

·         Suleqatinik ataatsimoortitsisinnaasoq

·         Ajornartorsiutinik qaangiinissamik aqqutissiuisinnaasoq

·         Ulapaarfimmi ataatsikkoorussisinnaasoq

·         Aqutsinermik misilittagaqartoq,iluaqutaassaaq piumasaqaataanngilarli

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

 

Atorfimmut Perorsaasumut inissaqartitsisoqarsinnaavoq malittarisassat qaqugukkulluunniit atuuttut malillugit akilersorneqartussamik.

 

Annertunerusumik paasisaqarusukkuit uunga saaffiginnissinnaavutit meeqqeriup pisortaa: Helga Petrussen, orpinnguaq@kujalleq.gl imaluunniit sianerlutit uunga 66 53 22:. Qinnuteqarfissaq kingulleq 09. marts 2018 nal. 12:00, uungalu nassiunneqassallutik: