$name

Kingusinnerpaamik ulloq:
20. april 2018
Ulloq sulilerfissaq:
8. marts 2018

Toqqammagivisassat allattorsimaffaniilerusuttunik Kalaallit Nunaanni politimestereqarfimmut innersuussassanik qinnuteqartitsereerutta ingerlatitseqqissaagut.

 

Toqqammavigisassanngortitat suliassaat pisinnaatitaaffiilu ilaatigut makkuupput:

  • Pasineqartoq, unnerluutigineqartoq eqqartuunneqartorluunniit peqatigalugu iliuuseqarneq.
  • Illersuisoq peqatigalugu pasineqartup, unnerluutigineqartup eqqartuussaasulluunniit eqqartuunneqarnerani toqqammavigiffiussallugu.
  • Eqqartuunneqartup inuttut inissisimanera pillugu nalunaaruteqarsimanissaq, soorluttaaq napparsimmavimmi imaluunniit napparsimmaviup immikkoortortaani, inissiivimmi imaluunniit pineqaatissinneqarsimasunut inissiisarfimmi allatigulluunniit utaqqiisaasumik inissinneqarsimanerata pisariaqanngitsumik sivitsorsarneqannginnissaanut iliuuseqarneq.
  • Toqqammavigisap pasineqartoq, unnerluutigineqartoq imaluunniit pineqaatissinneqartoq maalaaruteqarsinnaanermut siunnersorlugulu ilitsersussavaa, soorluttaaq Kalaallit Nunaanni pinerluttulerinermi inatsisip § 159-ia aamma 162-ia naapertorlugit, pineqaatissiissutip allanngortinneqarnissaanut suliassanngortitsisinnaanermut periarfissanik siunnersorlugulu ilitsersussagaa.
  •   Toqqammavigisap pineqartup maalaaruteqarnissaani aamma pineqaatissiissutip allanngortinneqarnissaanut imaluunniit - atorunnaarsinneqarnissaanut qinnuteqarnissaani ikiorsissavaa kiisalu suliassat taakkua suliarineqarnissaani ikiorsissallugu.

 

Akissarsiat:

Kalaallit Nunaanni najugaqarlutik Toqqammavigisat kiisalu pasineqartumut, unnerluutigineqartumut imaluunniit pineqaatissinneqartumut tunngatillugu suliap sulerineqarnerani toqqammavigisassanngortinneqarsimasumut Politimesteri 1.488 koruuninik akissarsiaqartitsisarpoq. Toqqammavigisaasut allattorsimaffani allassimasumut Kalaallit Nunaanni politimestereqarfik ukiumut tunngaviusumik 1.984 koruuninik aamma akissarsisitsisarpoq.

 

Kikkut toqqammavigisassatut innersuunneqarsinnaappat?

Toqqammavigisaassat allattorsimaffianut ilanngutissaguit marluinnik, imaappoq kalaallisut qallunaatullu oqaaseqartariaqarputit.

Politiinut oqaaseqaammik siumut pissarsereersimanikkut toqqammavigisassaq toqqarneqartarpoq. Oqaaseqat atip tunniunneqannginnerani, allakkatigut akuersissummik pissarsereernikkut, qinnuteqartumut tunngatillugu Pinerluuteqarsimasunik Qitiusumik Nalunaarsuiffimmut paasissutissanik politiit piniassapput.

 

Kikkut toqqammavigisassatut qinnuteqarsinnaanngillat?

Tarnikkut nappaatilinnut inissiisarfimmi imaluunniit annertuumik nappaatilinnut napparsimmaviup immikkoortortaani angerlarsimaffimmiluunniit il.il. atorfillit toqqammavigisassanngortinneqarsinnaanngillat. Tarnikkut nappaatilinnut imaluunnit immikkoortortami imaluunniit angerlarsimaffimmi il.il. ingerlatsinermik allaffissornermilluunniit suliallit aamma toqqammaviusussanngortinneqarsinnaanngillat. Unnerluussisussaatitaasuni, politiini, pinerluttunik isumaginnittoqarfimmiluunniit atofillit aamma toqqammavigisassanngortinneqarsinnaanngillat.

 

Paasissutissat sukumiinerusut pillugit saaffissaq:

Toqqammavigisassanngortitaaneq pillugu paasissutissat annertunerusut, Kommune Kujallermi isumaginninnermut pisortamut Kista Isaksen-imut 704100-mut saaffiginnilluni pissarsiariniarneqarsinnaapput.

 

Qinnuteqaateqarnissamut piffissaliussaq:

Qinnuteqaat imminermut tunngasunik paasissutissanik ilaqartinneqartoq, kingusinnerpaamik tallimanngorneq 20. april 2018 nassiunneqarsimassaaq.

 

Qinnuteqaat uunga nassiunneqassaaq:


Toqqammavigisaq/bistandsværge

att. Isumaginninnermut pisortaq Kista Isaksen

Kommune Kujalleq

Postboks 101

3920 Qaqortoq

E-mail: kommune@kujalleq.gl