Tusagassiinermut pisortaq

Kommune Kujalleq tusagassiinermut pisortassarsiorpoq
ALLAGARSIUTEQQITAQ

Qaqortumi inissisimasussamik aammalu 01. juli 2018 imaluunniit erseqqinnerusumik isumaqatigiissuteqarnikkut atorfinittussamik.
Kingusinnerpaamik ulloq:
30. maj 2018
Sumiiffik / immikkoortortaq:
Qaqortoq
Ulloq sulilerfissaq:
1. juli 2018
Aningaasarsiat:
Isumaqatigiissutit atuuttut naapertorlugit

Tusagassiortuuit imaluunniit assingusumik ilinniagaqarsimavit? Kommunip innuttaasunut attaveqarneranik, aammalu kommunip avammut saqqummertarneranik ineriartortitseqataarusuppit? Kommunimi sulisut akunnerminni attaveqatigiinnerannik pitsanngorsaaqataarusuppit? Taava atorfilik ilinnut naleqquttoq pigaarput.

 

Tusagassiisartut pisortassaata suliassaani makku pingaarnerpaajussapput:

  • Kommunip iluani avammullu tusagassiisarneranik ataqatigiissaarineq.
  • Kommunip tusagassiisarnermi periaasianik politikkikkut allaffissornikkullu aqutsisunik suleqateqarluarluni immersuineq nutarterisarnerlu.
  • Kommunip sulineranik saqqumilaartitsilluarumalluni tusagassiorfinnut tamanut attaveqarluarneq.
  • Tusagassiorfinnut saqqummiussassaqqissunut namminneerluni tappillisaarneq.
  • Paasissutissanik ingerlaavartumik ingerlatitseqqittarnikkut kommunip sulisuisa akornanni inuit suleqatigiilluarnissaannik pilersitseqataaneq.
  • Paasissutissat, annoncit allallu pillugit kommunip ingerlatsiviinut ikiuunneq siunnersuinerlu.
  • Kommunip nittartagaanik, sulisut attaveqatigiiffiannik intranitemik immaqalu oqallittarfiliarineqarsinnaasumik aaqqissuineq nutarterinerlu.

 

Kalaallisut danskisullu allallaqqinnissaq oqallorinnissarlu piumasaqaataapput, aamma tuluttut allannermut oqalunnermullu piginnaaneqarneq iluaqutaassaaq.

 

Paasissutissiisarfik annikitsunnguuvoq, tassaniippullu paasissutissiinermut pisortaq kiisalu kommunip nittartagalerisua, atorfik borgmesterimik sullissivimmi inissisimavoq pisortaanerlu qullersarineqarluni.

 

Akissarsiatigut sulinermilu atukkat, pisattallu angallanneqarnerat, Namminersorlutik Oqartussat qinnuteqartullu kattuffiata isumaqatigiinniussisinnaatitaasup isumaqatigiissutaat naapertorlugit pissapput.

 

Inissaqartitsisoqarsinnaavoq malittarisassat atuuttut naapertorlugit akilerneqartartussamik.

 

Atorfik pillugu sukumiinerusumik paasiniaavigineqarsinnaavoq pisortaaneq Kim Dahl oqarasuaat. +299 64 53 10 imaaluunniit mail: kida@kujalleq.gl imaluunniit pisortaanerup tullia Carsten Frank Hansen, oqarasuaatikkut +299 64 53 20 imaluunniit mail: cafh@kujalleq.gl

 

Qinnuteqaat suliassaqarfimmi ilinniagarisimasat suliarisimasallu pillugit paasissutissartalik kingusinnerpaamik 30. Maj 2018 kl. 12.00 Sulisoqarnermut Immikkoortortamit tiguneqareersimassaaq uungalu nassiunneqassalluni:


Kommune Kujalleq
Sulisoqarnermut Immikkoortortaq
Postboks 514
3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq