Nakkutilliisoq

Qaqortumi Isumaginnittoqarfik isumannaallisaatitut ikiorsiisutinut
tunngatillugu
nakkutilliisussarsiorpoq
ALLAGARSIUTEQQITAQ

Kommune Kujalleq pikkorissumik tunniusimasumillu Qaqortumi immikkoortortatsinnut sulisussarsiorpoq juulip ulluisa aallaqqaataat 2018 aallarnerfigalugu imaluunniit erseqqinnerusumik isumaqatigiissuteqarnikkut atorfinittussamik.
Kingusinnerpaamik ulloq:
4. juni 2018
Sumiiffik / immikkoortortaq:
Qaqortoq
Ulloq sulilerfissaq:
1. juli 2018
Aningaasarsiat:
Isumaqatigiissutit atuuttut naapertorlugu

Suliassat:

  • Isumaginnittoqarfimmi suliniutinik aningaasaqarnikkut pitsaanerusumik aqutseriaasilinnik pilersaarusiornissaq, aaqqissuussinissaq naammassinninnissarlu, kiisalu suliassaqarfinni allaffissornikkut periutsit suleriaatsillu pisariillisarnissai.
  • Isumaginnittoqarfimmi kisitsisitigut paasissutissanik suliaqarnermi nakkutilliineq.
  • Akisussaaffeqarfinni aalajangersimasuni allannguinermi, ineriartortitsinermi ingerlatsinermiluunniit nalunaarsuineq/killiffinnik misissueqqissaarneq, kiisalu isumaginnittoqarfimmi suliniutit kingunerisinnaasannik misissueqqissaarneq.
  • Naatsorsuutinik nalunaarusiornerni, ukiumoortumik naatsorsuusiornerni missingersuusiornernilu kisitsisitigut aningaasatigullu ilisimasanik isumaginnittoqarfiup siulersuisuinut ikiuunneq.
  • Isumaginnittoqarfimmi sullissinerup tungaatigut pitsaassutsimik qulakkeerinninnermi nakkutiginninnermilu suliani pisortat ikiorlugit, aammattaaq kommunimi kukkunersiuisoqarfimmi qaammammullu sulianut qulinut taamungaannaq tigooqqaalluni misiliinernut tunngatillugu ikiuunneq.  Taamungaannaq tigooqqaalluni misiliinerit tigoriaannaanissaasa isumaginissai sullissinermilu maligassaanissai.
  • Suliani pisortanut, isumaginninnermi pisortamut politikkerinullu aningaasaqarnikkut kisitsisinik pingaarnernik suliaqarneq.
  • Isumaginnittoqarfiup ataani missingersuutinik nakkutiginninneq.
  • Aningaasatigut nalunaarusiorneq.
  • Missingersuutinik nalunaarusiornermi aaqqissuussineq.
  • Suliani pisortanut, isumaginninnermi pisortamut immikkoortortanullu aningaasaqarnikkut ilitsersuineq siunnersuinerlu. .

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput. 

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Atorfik pillugu sukumiinerusumik paasissutissat Kommune Kujallermi isumannaallisaatitut ikiorsiissutit pillugit immikkoortortami aqutsisumut Arnârak´ Dorphimut attaveqarnikkut pissarsiarineqarsinnaapput: ardo@kujalleq.gl imaluunniit oqarasuaammut uunga 64 53 72.

           

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri  il. il. kingusinnerpaamik ulloq juunip 04-at 2018  kommunimit tiguneqareersimassapput, uungalu nassiunneqassallutik:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq