Qaqortumi meeqqat paarisassanngortitat sullissisussaanik

Qaqortumi meeqqat paarisassanngortitat sullissisussaanik:

Kommune Kujalleq Qaqortumi meeqqanik paarisassanngortitanik sullissivimmi suliassalerisumik tunniusimasumik 01. august 2018 imaluunniit erseqqinnerusumik isumaqatigiissuteqarnikkut atorfinittussamik sulisussarsiorpoq.
Kingusinnerpaamik ulloq:
20. juli 2018
Sumiiffik / immikkoortortaq:
Qaqortoq
Ulloq sulilerfissaq:
1. juli 2018
Aningaasarsiat:
Isumaqatigiissutit atuuttut naapertorlugit

Meeqqat paarisassanngortitanik sullissisoq angajoqqaarsiaasartunut siunnersortimik suleqateqarluni meeqqanik ilaqutariinnut inissinneqarsimasunik sullississaaq. Meeqqanik paarisassanngortitanik sullissisut aqutsisunik sullissiveqarfimmut ilaapput, tassaniippullu meeqqanik paarisassanngortitanik sullissisoq aammalu angajoqqaarsiaasartunut siunnersortit marluk.

 

Suliassat:

  • Atortussat paasissutissallu katersornissaat.
  • Meeqqanut ilaqutariinnut paarisassanngortinneqarsimasunut pulaartarneq
  • Meeqqanik oqaloqatiginninnerit.
  • Meeqqat qanigisaminnit najorneqartarnerat pillugu aalajangiineri
  • Ilisarisimasariit akornanni inissitanik sullissisoq
  • Angajoqqaarsiaasartunut siunnersortunik qanittumik suleqateqarneq.
  • Ataatsimiititaliamut nalunaarusiortarneq.
  • Meeqqanik ilaqutariinnut paarisassanngortinneqarsimasunik nakkutilliineq.
  • Angajoqqaatut oqartussaassusilinnut qanimut suleqateqarneq

 

Qinnuteqaateqartunut naatsorsuutigisat:

  • Isumaginninnermut siunnersortitut assigisaanilluunniit ilinniagalik
  • Suliaqarnermik misilittagalik      
  • Meeqqanut Ilaqutariinnullu tunngasunik annertuumik, kiisalu inatsinut attuumassuteqarfigineqartunut ilisimasalik
  • Ilaqutariit ilungersuuteqartut inissiinerillu pillugit suliaqarsimasoq/suleriaatsinik ilisimasalik

 

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik suliaqarsinnaanissat
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat
  • Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat
  • Arlalissuarnik suleqateqallaqqissuunissat
  • Qinnuteqartut marluinnik oqaasillit (kal/dk) atorfinitsinnissaat piumaneqarneruvoq.

 

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Naatsorsuutigaarput isumagissuusutit allanut ataqqinnittuullutit - aamma inunnut inuuniarnerminni ajornartorsiuteqartunut. Inuk qitiutissinnaassavat, aaqqiissutissanillu isumaliortuullutit. Attaveqarnermut pikkorissuussaatit, persuarsiortuunak qiimasuullutillu. Persuarsiornartuni persuarsiornanngitsunilu inunnik peqateqallaqqissuussaatit. Kalaallisut danskisullu oqaaseqaruit iluaqutaassaqaaq.

 

Atorfinitsitsisoqarlunilu akissarsiaqartitsisoqassaaq kattuffiit isumaqatigiissutaat naelqquttut naapertorlugit kiisalu immikkut ukiuni aalajangersimasuni atugassaqartitsinikkut. Piffissami tassani immikkut ukiunut aalajangersimasunut atorfinitsitsinikkut akissarsiaqartitsisoqarsinnaavoq.

 

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfiit pillugit ersarinnerusumik paasisaqarusukkuit suliami pisortaq Nielsine Petersen attavigisinnaavat oqarasuaat una aqqutigalugu: +299 64 53 74 imaluunnit mailiatigut nipe@kujalleq.gl

 

Qinnuteqaat, pineqaatinneqarsimannginnermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa allallu assilineri kingusinnerpaamik ulloq juunip 20 2018 nal. 12.00 kommunimit tiguneqareersimassapput, kommunillu mailianutnassiunneqassallutik:


Kommune Kujalleq

HR-afdeling

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq