Isumaginnittoqarfik Isumaginninnermik siunnersortimik / sullissisumik pikkorissumik pissarsiorpoq

Kommune Kujalleq pikkorissumik tunniusimasumillu Qaqortumi immikkoortortatsinnut sulisus-sarsiorpoq august 2018 aallarnerfigalugu imaluunniit erseqqinnerusumik isumaqatigiissuteqarnik-kut atorfinittussamik.
Kingusinnerpaamik ulloq:
27. juli 2018
Sumiiffik / immikkoortortaq:
Qaqortoq
Ulloq sulilerfissaq:
1. august 2018
Aningaasarsiat:
Isumaqatigiissutit atuuttut aallaavigalugit

Isumaginninnermut siunnersortitut ilinniarsimasumik, kommunimiluunniit isumaginninnermi suliassalerinermik misilittagaqartumik pissarsiorpugut. Atorfik Qaqortumi inissisimavoq.

Sulinivit ilarujussua Pisortanit ikiorsiisarneq pillugu Inatsisartut peqqussutaat nr. 15, 20. november 2006-meersoq naapertorlugu suliassanik ingerlatsinerussaaq.

Suleqatigiit sulianik aqutsisumik sullissisunillu allanik pingasunik inuttallit peqataaffigissavatit aammalu sisamat Nanortalimmiittut Narsamiilu suleqatigissallugit, taakkuullusilu suliassat pllugit ingerlaavartumik isumasioqatigiittassaasi.

 

Suliassat taakkartorneqartut atorlugit suleqatigiinnitsinni suleqatigerusukkutsigut attavigitigut.

 


Piginnaasatigut piumasaqaatit makkua pigissagitit naatsorsuutigaarput;

  • Inatsisit malillugit qanoq sulinissat ilisimassagit.

  • Kisitsisilerillaqqinneq aammalu ikiorsiissutinik naatsorsuillaqqinneq.

  • Qarasaasiatigut kisitsissutinik allanillu atuillaqqinneq.

  • Innuttaasunik sullissineq ilisimasaqarfigissavat - aamma attaveqatigiinneq pitsaasoq.

  • Suleqatigiit ulapaaqisut pitsaasumik ilannguffiginissaat pingaaruteqarpoq.

 

 Uagut neqeroorutigisinnaavavut;

  • Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqarfigisat.

  • Atorfik pissanganartuuvoq sulianik pissanganartunik namminersuutigisassanik imaqartoq, matumanilu ilinniartitaaneq pikkorissarneqartarnissarlu sulinermi annertuumik pingaartinneqarlutik.

  • Sulinikkut avatangiisit pitsaasut eqeersimaarfiusullu.

 

Atorfinitsitsineq akissarsiallu AK-ip isumaqatigiissutai naapertorlugit pissapput. Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfik pillugu paasissutissat sukumiinerusut suliamik aqutsisumut saaffiginninnikkut pissarsiarineqarsinnaapput: Marie Rødgaard oqarasuaat 64 53 53. Nittartagarput www.kujalleq.gl  iserfigalugu kommune pillugu annertunerusumik atuagaqarsinnaavutit.

 

Qinnuteqaat, pineqaatissimannginnermik uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 27. juli 2018  kommunimit tiguneqareersimassapput, kommunillu mailianut nassiunneqassallutik: job@kujalleq.gl   

Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq