Immikkoortortaqarfiup aqutsisua

Kommune Kujalleq Nanortalimmi ilaqutariit illuannut
immikkoortortami aqutsisussarsiorpoq:

Nanortalimmi ilaqutariit illuat immikkoortortami aqutsisussarsiorpoq oktobarip aallaqqaataanni, 2018 sulilertussamik, imaluunniit sukumiinerusumik isumaqatigiissuteqarnikkut.
Kingusinnerpaamik ulloq:
24. august 2018
Sumiiffik / immikkoortortaq:
Nanortalik
Ulloq sulilerfissaq:
1. oktober 2018
Aningaasarsiat:
Isumaqatigiissutit atuuttut naapertorlugit

 

Ilaqutariit illuata isumaginninnermik siunertaqarluni suliniutaa tassaavoq Qaqortumi ilaqutariinnut sullissiviup pisortaata suleqatigineratigut Nanortalimmi tarnikkut peruluttunut neqeroorutinik saqqummiussisarnissaq.     Nanortalimmi ilaqutariit illuat Qaqortumi ilaqutariinnut sullissivimmik qanimut suleqateqarpoq qaninnertullu qullersaralugu.  

 

Sulisut amerlassusiligaaneranni ilaqutariinnut siunnersorti/siusinaartumik suliniuteqarnermi sulisoq, inuusuttunut siunnersortit marluk eqqiaasorlu ilaapput.

 

Sullissivimmi neqeroorutit arlallit allanngorartut susassaqartitsinermi ingerlanneqartarput.  Susassaqartitsinerit ilaat ataatsikkut ingerlanneqartartut ilaat uteqattaartinneqartarput.  Taakkunannga eqqaaneqarsinnaapput:

 

  • Suliassanik aqutsineq agguaassinerlu.
  • Ilaqutariit illuannik ingerlatsinermut missingersuusianut killiliussanut aningaasatigut akisussaasoq.
  • Immikkoortortami pisortap oqartussaasut aqqutigalugit ilaqutariit sunnertiasut misissorneqarnissaat akisussaaffigaa.
  • Ilaqutariit misissorneqarsimasut ilitsersorneqarnissaasa siunnersorneqarnissaasalu akisussaaffiginissaat.
  • Immikkoortortami pisortap tulleriiaarluakkamik ilaqutariinnik katsorsaasarnermut tunngatillugu suliassanik agguaassisarneq akisussaaffigaa.
  • Sullitanik naatsorsueqqissaarnermut akisussaasuuneq.
  • Ilaqutariinnik katsorsaanissamut sulianik qulakkeerinninneq, annermik tarnip pissusaanik ilisimasallit angalasartut suleqatiginerisigut. Sullissisumik peqateqarluni siumoortumik nalilersuisoqartassasoq kiisalu siumoortumik oqaloqatiginnittoqartarlunilu ilaqutariit peqatigalugit killiffissiorluni ataatsimiittoqartassasoq.
  • Sulisut sullitallu piginnaasatigut inuttullu ineriartornissaat. 
  • Sulisut peqatigalugit sammisassanik pilersaarusiorneq, soorlu ilaqutariinnut højskolertitsineq.
  • Sulisut ataatsimiinnissaannik pilersaarusiorneq ullormullu nalilersuisarneq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Suliassat:

Immikkoortortami pisortap suliassaraattaaq aqutsineq suliassanillu agguaassineq.  Ilaqutariit illuanni pikkorissartunik misissuinermut peqataaneq sullissiviup susassaqartitsinerisa naatsorsoqqissaartarnissaat. Tarnip pissusaanik ilisimasalimmut susassaqartitsinerit/katsorsartinnerit taanna sulllissivimmilu pisortaq peqatigalugit pilersaarusiornerat. Isumaginninnermut Ataatsimiititaliamut ilaqutariit sullitallu pillugit saqqummiussassanik suliarinninneq.  Ilinniaqqinnernut peqataaneq sulisunillu nakkutilliineq. Pikkorissartunik ilinniartitsineq aamma sullitanik innersuussanik katsorsaaneq.  Pisortaq peqartinnagu suliassaq taanna pisortap tullersortaata akisussaaffigilersarpaa.

 

Akisussaaffeqarfiit:

Missingersuutinik aqutsineq, skemaliorneq, sulisunik attartorneq, suliffeqarfiup ingerlatsinera, suliffeqarfiup peqqissaartumik eqqortumillu pilersaarusiornera suliarineqarneralu, illup sulisuinik suleqateqarneq kommunimilu ingerlatsiviup suleqatigisarnissaa.

 

Ilinniagaqarsimanermit piumasaqaatit:

Sullissivimmi pisortaq inulerisutut perorsaasutulluunniit tunuliaqutilimmik ilinniagaqarsimassaaq.  Tassunga atatillugu perorsaanermut tunngassutilimmik ilinniarnertuujussasoq, ukioq ataaseq pikkorissarsimassalluni, pædagogikki naammassisimassallugu assigisaannilluunniit ilinniagaqarsimanissaq naatsorsuutigineqarpoq.  Aammattaaq immikkoortortami aqutsisoq aqutsinermik suleqatigiinnermillu misilittagaqassaaq. Soorunalimi pisortaq kalaallisut/danskisullu oqaaseqassaaq.

 

Inuttut piginnaasat:

Suleqatinut patajaatsunut aaqqissuussaalluartumik nutaaliornissamullu piginnaanilinnut tikkuussisinnaassaaq, pikkorissutsiminullu ilisimaarinnissalluni, taamaattorli aamma nutaanik ilinniarnissamik soqutiginnittuussalluni, inuttut piginnaaneqartussaalluni suleqatiminut avatangiisiminullu akornuteqanngitsumik maligassiorsinnaassuseqassalluni.

 

Akissarsiat – atorfinitsinneqarnermullu tunngasut:

Isumaqatigiissutit atuuttut aamma inuttut piginnaaneqarneq naapertorlugu atuutissapput. Angalanermi aningaasartuutit pequtinillu nuunnermut atatillugu aningaasartuutit akilerneqassapput.  Kommune inissiamik naapertuuttumik pissarsinissamut ikiuussinnaavoq, kommunip sulinermut tunngatillugu inissaqartitsinermut aningaasaateqarfianit.

 

Sukumiinerusumik paasisaqarusukkuit Ilaqutariinnut Sullissiviup pisortaanut Naja Lund Kielsenimut attaveqarsinnaavutit oqarasuaammut uunga: 64 54 22 imaluunniit e-mail: naki@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. kommunimut tunniunneqariissapput kingusinnerpaamik aggustip ulluisa 24-t 2018 nal. 12:00

Kommune Kujalleq

HR-afdeling

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq