Inuusuttunut siunnersorti

Nanortalimmi Ilaqutariit Illuat inuusuttunut siunnersortimik pissarsiorpoq

Nanortalimmi Ilaqutariit Illuat 01. oktober 2018 imaluunniit sukumiinerusumik isumaqatigiissuteqarnikkut inuusuttunut siunnersortitut atorfinittussamik pissarsiorpoq.
Kingusinnerpaamik ulloq:
24. august 2018
Sumiiffik / immikkoortortaq:
Nanortalik
Ulloq sulilerfissaq:
1. oktober 2018
Aningaasarsiat:
Isumaqatigiissutit atuuttut naapertorlugit

Ilaqutariit illuanni aqutsisoqassaaq, ilaqutariinnut siunnersorteqassaaq marlunnillu inuusuttunut siunnersorteqassalluni, inuusuttunik ulorianartorsiortunik pinerloqqajaasunillu immikkut pisariaqartitsisunik sullissisussanik.

 

Perorsaasutut assingusumilluunniit ilinniarsimasuuit? Aalajaajaatsuuit? Ammasuuit? Aammalu eqeersimaartuuit?  Suleqatigiit akornanni sulisinnaavit ammasuullutillu? Aamma Eqinnaatsuuit?

 

Taamaappat soqutiginartumik ilinnut atorfimmik neqerooruteqarpugut, ulloq oktoberip aallaqqaataat 2018 aallarnerfigalugu imaluunniit immikkut isumaqatigiissuteqarnikkut atorfinitsissinnaallutit.

Atorfik Nanortalimmi ilaqutariit illuanni inissisimavoq Qaqortumilu pisortamut attaveqarfeqassalluni. 

 

Inuusuttunut siunnersortip pingaarnertut makku akisussaaffigissavai:

  • Inuusuttunut siunnersortimik, ornittakkamik ilaqutariillu illuutaannik suleqateqarneq.
  • Inuusuttunut siunnersorti Inunnik Isumaginnittoqarfimmi meeqqanut inuusuttunullu tunngatillugu assigiinngitsunik suliaqartunut avataanilu suleqataasinnaasunut ilaavoq.
  • Pinaveersaartitsinermut siunnersortimut isummersoqatiginnittassalluni, kiisalu pinaveersaartitsilluni sulianut nalinginnaasunut, suliniutinut aalajangersumik siunertalinnut, paasititsiniaanernut allanullu peqataasassalluni.
  • Meeqqat, inuusuttuaqqat kiisalu ilaqutaat angalaaqatigisassallugit. Assersuutigalugu savaateqarfinnut assigisaannullu.
  • Meeqqat inuusuttullu Ornittakkamukartartut inuunerminni qanoq iliorsinnaanerat pillugu siunnersorlugillu ilitsersortarnissaat.
  • Atuarfik angajoqqaallu suleqatigalugit iliuusissatut pilersaarusiorneq.
  • Meeqqamut aalajangersimasumut tatigisatut inissisimaneq piffissallu ilaani atuarfimmi sulineq.
  • Politiinik suleqateqarneq meeqqallu killisiorneqarnerannut peqataaneq.
  • Nalunaarusiornerit.

 

Naatsorsuutigaarput:

  • Ingerlalluartuusutit, qanilaartuusutit, eqeersimaartuusutit aammalu meeqqat inuusuttullu ingerlalluarnissaat pillugu sulissuteqarumasuusutit.
  • Kalaallisut oqaaseqartuunissat danskisullu paasinnissinnaasuunissat.
  • Isumaginninnikkut siunnersuisartutut, perorsaasutut ilinniartitsisutulluunniit ilinniagaqarsimasuunissat,  imaluunniit allatut ilinniagaqarsimasuullutit meeqqat inuusuttullu sullinneqartarnerini misilittagaqqortuujunissat.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.

 

Atorfik pillugu sukumiinerusumik paasisaqarniaruit isumaginninnermut siunnersortimut Dina Dorphimut attaveqarsimmaavutit, oqarasuaammut uunga 614121, imaluunniit mailikkut: dido@kujalleq.gl imaluunniit Qaqortumi Ilaqutariit Sullissivianni aqutsisumut Naja Lund Kielsen-imut, oqarasuaammut uunga +299 70 41 00 imaluunniit 64 54 22, mail: naki@kujalleq.gl

 

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri  il. il. kingusinnerpaamik ulloq aggustusip 24-at 2018 nal. 12:00 kommunimit tiguneqareersimassapput, uungalu nassiunneqassallutik:


Kommune Kujalleq

HR-afdeling

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq