Isumaginninnermi siunnersorti

Qaqortumi isumaginnittoqarfik pissarsiorpoq isumaginninnermi siunnersortimik / sullissisumik pikkorissumik
ALLAGARSIUTEQQITAQ:

Kommune Kujalleq pikkorissumik tunniusimasumillu Qaqortumi immikkoortortatsinnut sulisussarsiorpoq septembarip ulluisa aallaqqaataa 2018 aallarnerfigalugu imaluunniit erseqqinnerusumik isumaqatigiissuteqarnikkut atorfinittussamik.
Kingusinnerpaamik ulloq:
20. august 2018
Sumiiffik / immikkoortortaq:
Qaqortoq
Ulloq sulilerfissaq:
1. september 2018
Aningaasarsiat:
Isumaqatigiissutit atuuttut naapertorlugit

Isumaginninnermut siunnersortitut ilinniarsimasumik, kommunimiluunniit isumaginninnermi suliassalerinermik misilittagaqartumik pissarsiorpugut. Atorfik Qaqortumi inissisimavoq.

Sulinivit ilarujussua Pisortanit ikiorsiisarneq pillugu Inatsisartut peqqussutaat nr. 15, 20. november 2006-meersoq naapertorlugu suliassanik ingerlatsinerussaaq.

Suleqatigiit ima inuttaqartut suleqatigilissavatit: pisortaq aammalu isumaginninnermi sullissisut pingasut allat, aammattaaq ilaatigut Nanortalimmi aammalu Narsami isumaginninnermi sullissisut sisamat suleqatigilissallugit, sulinissinni ingerlaartumik sulinikkut immersoqatigiittassallusi.

 

Suliassat taakkartorneqartut atorlugit suleqatigiinnitsinni suleqatigerusukkutsigut attavigitigut.

 

Piginnaasatigut piumasaqaatit makkua pigissagitit naatsorsuutigaarput;

  • Inatsisit malillugit qanoq sulinissat ilisimassagit.
  • Kisitsisilerillaqqinneq aammalu ikiorsiissutinik naatsorsuillaqqinneq.
  • Qarasaasiatigut kisitsissutinik allanillu atuillaqqinneq.
  • Innuttaasunik sullissineq ilisimasaqarfigissavat - aamma attaveqatigiinneq pitsaasoq.
  • Suleqatigiit ulapaaqisut pitsaasumik ilannguffiginissaat pingaaruteqarpoq.

 

Uagut neqeroorutigisinnaavavut;

  • Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqarfigisat.
  • Atorfik pissanganartuuvoq sulianik pissanganartunik namminersuutigisassanik imaqartoq, matumanilu ilinniartitaaneq pikkorissarneqartarnissarlu sulinermi annertuumik pingaartinneqarlutik.
  • Sulinikkut avatangiisit pitsaasut eqeersimaarfiusullu.

 

Atorfinitsitsineq akissarsiallu AK-ip isumaqatigiissutai naapertorlugit pissapput. Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfik pillugu paasissutissat sukumiinerusut suliamik aqutsisumut saaffiginninnikkut pissarsiarineqarsinnaapput: Marie Rødgaard oqarasuaat 64 53 56.

 

Qinnuteqaat, pineqaatissimannginnermik uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 20. August 2018 kommunimit tiguneqareersimassapput, nassiunneqassallutik: 


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq