Isumaginninnermik siunnersortimik Tasersuup atuarfianut

Tasersuup Atuarfiani isumaginninnermi siunnersortitut atorfik inuttassarsiorparput septembarip aal-laqqaataani 2018 inuttalerneqartussanngorlugu.
Kingusinnerpaamik ulloq:
13. august 2018
Sumiiffik / immikkoortortaq:
Qaqortoq
Ulloq sulilerfissaq:
1. september 2018
Aningaasarsiat:
Isumaqatigiissutit atuuttut aallaavigalugit

Atuarfimmi meeqqat 1. - 10. klassimi atuartut atuartuupput. Atuarfimmi alloriarfiit makkuupput: atualerlaat 1. 3. kl., akulliit 4.- 7. kl. angajulliillu 8. –10. kl.  immikkullu ittumik atuartut arlariiullutik.

Atuarfimmi isumaginninnermi siunnersortitut atuarfimmi suleqatigiinnut illit aamma peqataaffigisannut inuit qitiusut makku ilaassapput: atuarfiup siulersuisui, ilinniartitsisut, immikkut atuartitsinermut atualertunullu siunnersorti.  Eqimattani taakkunani suleqatigiittut isumasioqatigiinnerit perorsaanerullu tungaatigut eqqartuinerit periarfissaapput.  Taassuma saniatigut attaveqaqatigiinnut ilaassaatit ingerlatsiviillu akornanni kiisalu suliassaqarfinnut allanut soorlu isumaginnittoqarfimmi isumaginninnermi siunnersortinut, ilaqutariinnut sullissivimmut, ilaqutariit illuutaannut Misi Kujallermullu ersarissumik suleqataassallutit.

Isumaginninnermi siunnersortitut pingaarnertut suliassat tassaassaaq, ilinniartitsisut, siulersuisut kommunimilu suleqatit allat qanimut suleqatigalugit atuarfimmi isumaginninnikkut sulinerup ataqatigiissarnissaa.

Atuarfiup angerlarsimaffiullu akornanni suleqatigiinnerup annertusarnissaa pitsanngorsarnissaalu, nalunaaruteqarnermut tunngatillugu ilinniartitsisunik siunnersuineq, atuartunik angajoqqaanillu oqaloqatiginnittarneq kiisalu isumaginninnikkut tunngatillugu ilinniartitsisunik isumasioqatiginninnerit suliassannut aamma ilaassapput.

Atuarfimmi sulisut allat isumaginnittoqarfimmilu sulisut suleqatigalugit assersuutigalugu atornerluinermik qinngasaarinermillu pinaveersaartitsinissamut iliuusissatut pilersaarusiortassaatit, aammattaaq atuarfimmi pinartoqartillugu upalungaarsimasunut suleqataassaatit.

Klassip iluani nalaatsinerluttoqartillugu ilinniartitsisut ilaquttallu suleqatigalugit klassimut iliuusissatut pilersaarusiussaatit.  Aamma oqaloqatigineqarsinnaallutillu siunnersuisassaatit.

Isumaginninnermi siunnersortip atuarfiup pisortaa qaninnerpaatut qullersarissavaa.

Naatsorsuutigaarput:

  • Isumaginninnermi siunnersortitut assigisaanilluunniit ilinniagaqarnissat
  • Isumaginninnermi siunnersortitut sulinermik misilittagaqarnissat
  • Ilaatigut meeqqanut inuusuttunullu ikiorsiinermut assigisaanullu inatsisit malittarisassallu atuuttut naapertorlugit saaffiginnissutinut siunnersuisussaatitaaneq ilitsersuisussaatitaanerlu atuuppoq.  

  • Pikkorissumik suleriuseqarneq
  • Ammasuunissaq ilakkuminartuunissarlu
  • Akerleriittoqartillugu unneqqarinneq
  • Meeqqanut, angajoqqaanut suleqatinullu tunngatillugu malitseqartitsisarneq

Pinerlussimannginnermut uppernarsaatit:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.    Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq.
Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Akissarsiatigut atorfinitsitaanermilu atugassarititaasut:
Kalaallit Nunaanni Naalakkersuisut AK-llu imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

Sulilernermi nuunnissap akilerneqarnera

Sulisumut taassumalu ilaqutaanut atorfinikkiartornermi aammattaaq siusinnerpaamik ukiut pingasut qaangiutsillugit soraarnermi angalasinnaatitaaneq atuuppoq soorluttaaq malittarisassat atuuttut naapertorlugit nuunnermi aningaasartuutinut matussutissat tunniunneqarumaartut.

Najugaqarnermut tunngasut

Atorfinittut inissiamik ilaqutariit amerlassusaannut naleqquttumik neqeroorfigineqassapput.

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup nalaani inissavimmik neqeroortoqarsinnaanngippat, sulisut utaqqiisaasumik inissiaqartinneqartarput

Qinnuteqaat:
Qinnuteqaat ilinniakkanik siornatigullu suliffigisimasanik paasissutissartalik soraarummeersimanermullu allagartartalik il. il. Sulisoqarnermut Immikkoortortaqarfimmit kingusinnerpaamik ataasinngornermi aggustip 13-anni 2018-imi tiguneqareersimassapput uungalu nassiunneqassallutik:


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq