Kommune Kujalleq Nanortalimmi katersugaasivimmut pisortassarsiorpoq

Septembarip aallaqqaataanni 2018-imi imaluunniit isumaqatigiissuteqarnikkut atorfinitsitsisoqassaaq.
Kingusinnerpaamik ulloq:
17. august 2018
Sumiiffik / immikkoortortaq:
Nanortalik
Ulloq sulilerfissaq:
1. september 2018
Aningaasarsiat:
Isumaqatigiissutit atuuttut aallaavigalugit

Septembarip aallaqqaataanni 2018-imi imaluunniit isumaqatigiissuteqarnikkut atorfinitsitsisoqassaaq.

 

Atorfik Nanortallip katersugaasiviani kommunip katersugaasiviatut atuuttumi inissisimavoq, matumanilu Kalaallit Nunaanni kulturikkut kingornutassianik nalunaarsuineq, katersineq, eriaginninneq, misissuineq paasititsiniaanerlu siunertarineqarput, kulturikkut ineriartornermik pinngortitallu oqaluttuarisaaneranik, pingaartumik Kalaallit Nunaata kujataata oqaluttuarisaaneranik ersarissaanissaq sulissutigineqarluni.  Katersugaasiveqarneq pillugu Inatsisartut inatsisaat nr. 8, 3. juni 2015-imeersoq

 

Naatsorsuutigaarput:

  •  
  • Pingaarnertut katersugaasivimmi suliassatigut allaffissornikkullu akisussaaffeqarneq
  • Pisortaq suliniutinik nutaanik pilersitsillaqqissoq
  • Pisortaq ersarissumik aqutseriaasilik aaliangiussamillu malinnissinnaasoq
  • Katersugaasiveqarneq pillugu ilisimasaqarluartoq
  • Atorfimmut attuumassutilimmik ilinniagaqarlunilu misilittagalik
  • Kalaallit Nunaata, pingaartumik kujataata, oqaluttuarisaaneranik itsarsuarlu oqaluttuarisaaneranik ilisimasalik.
  • Oqaluttuarisaanermik ilisimasassarsiorsinnaasoq kiisalu allakkatigut oqaatsitigullu paasissutissiisinnaasoq
  • Suleqatigiinnissamut piginnaasaqarluartoq.

Neqeroorutigaarput:

  • Suliffik persuarsiorpalaanngitsoq ulluinnarnilu ulapaarnissamut sinaakkutissartaqarluartoq

  • Suliffik namminersorfiusoq suleqatit sulisullu qanimut suleqatiginerisigut pisinnaasanik nittarsaassiffiulluarsinnaasoq

  • Suliffik qaangerniagassartaqarlunilu akimmiffissartalik

Aningaasarsiatigut atorfinitsitaanermilu atugassaritittaasut:

Qinnuteqartup isumagaqatigiissuteqarfigisai naapertorlugit atorfinitsitsinermi atugassarititaasut akissarsiallu ingerlanneqassapput.

 

Atorfimmut atatillugu inissiamik innersuussassaqarpoq piumasaqaatit atuuttut naapertorlugit akilerneqartartussaq.

 

Atorfininnermut tunngatillugu angalanerit pequtillu angallannissaanut malittarisassat atuuttut naapertorlugit akiliunneqartussaapput.

 

Paasissutissat sukumiinerusut Kultureqarnermut, Sunngiffimmut Pinaveersaartitsinermullu ingerlatsivimmi pisortamut attaveqarnikkut pissarsiarineqarsinnaapput; Mikael Mansi Rasmussen oqar. 645318

 

Kommuni pillugu paasissutissat sukumiinerusut www.kujalleq.gl-imut iserluni takuneqarsinnaapput

 

Qinnuteqaat soraarummeersimanermut uppernarsaatitalik, siornatigut suliffigisimasanik paasissutissartalik oqaaseqaatitalillu, kingusinnerpaamik ulloq aggustusip 17-anni 2018-imi Kommune Kujallermit tiguneqareersimassaaq. 


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq