Teknik-eqarnermut avatangiisisunnullu ingerlatsivimmi Pisortaq

Teknikkeqarnermut Avatangiisinullu Ingerlatsivimmi pisortamik pissarsiorpoq

Kommune Kujalleq 01. oktober 2018 aallarnerfigalugu isumaqatigiissusiornikkulluunniit.
Kingusinnerpaamik ulloq:
29. august 2018
Sumiiffik / immikkoortortaq:
Qaqortoq
Ulloq sulilerfissaq:
1. oktober 2018
Aningaasarsiat:
Isumaqatigiissutit atuuttut naapertorlugit

Kommune Kujalleq teknikkeqarnerup iluani pisortatut atorfimmik soqutiginartumik unamminarsinnaasumillu neqerooruteqarpoq, aqutsisumik piginnaasaqarluartumik kommunimilu aqutsinerup tungaatigut suliniuteqarnissamut kajumissusilimmik, sapiissusilimmik piginnaasalimmillu pissarsiorluni.

 

Kommune Kujallermi teknikkeqarnermut pisortatut kommunimi pisortaqatigiinnut ilaassaatit, matumanilu kommunimi pisortaaneq, pisortaanerup tullia kiisalu ingerlatsivinni allani pisortat ilaapput.  Kommunimi pisortaanermut nalunaartartussaassaatit.  Pisortaqatigiinni qanimut, pitsaasumik tatiginartumillu suleqatigiinnissaq pingaartipparput, aammattaaq suliassaqarfiit akisussaaffeqarfiillu akimorlugit sulinissaq salliullugu.

 

Kommune Kujalleq Kalaallit Nunaanni kommunini kujasinnerpaavoq pingasunik illoqarfeqarluni (Qaqortoq, Nanortalik Narsarlu) aqqanilinnillu nunaqarfittaqarluni, taamaammat suliffinnut atatillugu angalangaatsiartassaatit. Ingerlatsivik teknikkeqarnermut pisortamit aqunneqarpoq sulisut aqutsisullu Qaqortumi inissisimallutik.

 

Teknikkeqarnermut Ingerlatsivik allattoqarfimmi imak inuttalersugaasimavoq:

  • Nanortalimmi teknikkeqarnermut immikkoortortaqarfimmi sulisut 1 ½-nik amerlassusilerneqarsimapput.
  • Narsami teknikkeqarnermut immikkoortortaqarfimmi sulisut pingasunik amerlassusilerneqarsimapput.
  • Qaqortumi teknikkeqarnermut immikkoortortaqarfimmi sulisut qulinik amerlassusilerneqarsimapput.

 

Teknikkeqarnermut Ingrlatsiviup oqartussaaneq ingerlatsineq pilersaarusiukkanillu ineriartortitsineq, avatangiiseqarneq, sanaartornissamut sullissineq nunaminertanillu atugassanngortitsisarneq, eqqagassalerineq, aqquserngit angallannerlu kiisalu orpeqarfiit naasoqarfiillu.  Ingerlatsivik kommunimi iluarsartuussinissamut sanaartornissamullu suliniutinut sanaartortitsisutut aqutsisuusarportaaq.

 

Piginnaasassatit:

Makkuninnga piginnaasalinnik pissarsiorpugut;

  • Aqutsinerup tungaatigut misilittagalik,
  • Suliassaqarfimmik ineriartortitsisinnaasoq politikkikkullu piumasaqaatit naapertorlugit ulluinnarni ingerlatsisinnaasoq,
  • Ingerlatsivimmut siunertatut aalajangiussat anguneqarnissaannik qulakkeerinnissinnaasoq,
  • Suut tamaasa eqqarsaatigalugit aaqqiissutissanik assigiinngitsunik eqqarsaatersorsinnaasoq,
  • Kukkussutit ilinniarfigineqarnissaannik qulakkeerinnissinnaasoq, taamaaliornikkut ingerlatsiviup sullissineranik pitsanngorsaaqataalluni,
  • Qinnuteqartut marluinnik oqaasillit piumaneqarnerussapput, tamannali piumasaqaataanngilaq.

 

Taamaammat piginnaasat makku pingaartippagut:

  • Ilinniakkavit misilittagavillu atorfiup imarisaanut suliassartaanullu naapertuunnissaat,
  • Aaqqissugaaffimmi politikkikkut aqunneqartumi sulinermut paasisimasaqartutit, ajornanngippat politikkikkut siunnersortitut siunersiueqatitullu misilittagaqarlutit,
  • Suleqatikkuminartuuneq,
  • Teknikkeqarnermut Avatangiiseqarnermullu tunngasutigut ilisimasaqarluartutit;  teknikkikkut ilinniagartuutut imaluunniit nalinginnaasumik siammasissumik ilinniagaqartutit attuumassuteqartumullu ilinniaqqissimassasutit.

 

Ilinnut neqeroorutigisinnaasavut:

  • Suliffik suliatigut aqutsinikkullu annertuumik unammisassartalik.
  • Inuttut suliatigullu ineriartornissamut periarfissat pitsaasut.
  • Suleqatit suleqatigiinnerlu pitsaasut.
  • Kalaallit Nunaanni nunami kulturikkullu soqutiginaateqarnerit alutornaateqarnerit ilaanni pinngortitami misigisassat sunngiffimmilu sammisassat.

 

Aningaasarsiat atorfeqartitaanermilu atugassarititaasut.

Atorfinitsitsineq isumaqatigiissutit atuuttut naapertorlugit pissaaq - pisortat aningaasarsisarnerat pillugu isumaqatigiissut.

 

Inissaqartitsisoqarsinnaavoq malittarisassat qaqugukkulluunniit atuuttut malillugit Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfik pillugu paasisaqarnerorusukkuit pisortaanermut Kim Dahl-imut oqarasuaammut uunga sianerlutit attaveqarsinnaavutit oqar. +299 64 53 10 e-mail kida@kujalleq.gl imaluunniit Ingerlatsiviup pisortamut Leif Baadh oqar. +299 64 54 00 imaluunniit e-mailikkut lewb@kujalleq.gl

 

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, oqaaseqaatit il. il. kommunimit kingusinnerpaamik ulloq una tiguneqareersimassapput: 29. August 2018 nal. 12:00 uungalu nassiunneqassallutik:


Kommune Kujalleq

HR-afdeling

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq