Nanortalimmi Tekniker

Nanortalimmi Teknikkeqarnermut Avatangiisinullu Ingerlatsivik

Kommune Kujallermi Teknikkimut Avatangiisinullu ingerlatsivik, Nanortalimmi teknikeritut ulloq 01. november, 2018 aallarnerfigalugu isumaqatigiissuteqarnerluunniit malillugu atorfinittussamik pissarsiorpoq.
Kingusinnerpaamik ulloq:
17. oktober 2018
Sumiiffik / immikkoortortaq:
Nanortalik
Ulloq sulilerfissaq:
1. november 2018
Aningaasarsiat:
Isumaqatigiissutit atuuttut naapertorlugit

Ingerlatsivik teknikkimut pisortamit siulersorneqartoq qulinik teknikereqarpoq pingasunillu allaffimmioqarluni.

 

Suliassat makku suliarisassavatit:

  • Nunaminertanut tunngatillugu sullissineq (qitiusumik akisussaaffik).
  • Sanaartugassanik suliassinneqartartunut immikkoortortamut ikiorsiineq.
  • Kommunip illuutaanik nakkutilliineq pilersaarutaasullu malillugit aserfallatsaaliineq (PPV).
  • Nutarterisoqarnerani sanaartortoqarneranilu aningaasatigut aqutsineq nakkutilliinerlu.
  • Ingerlatsivimmi suliassat assigiinngitsut.

 

Ilinnut piumasaqaatit:

  • Naleqquttumik ilinniagaqarsimassasutit ajornanngippallu suliassaqarfiit ilaat misilittagaqarfigissagitit.
  • Namminersorlutit aaqqissuulluakkamik sulisinnaassasutit.
  • Sullissiumatuujussasutit suleqatikkuminarlutit qiimasuullutillu.
  • Suliassat suliarinerini isumassarsiullaqqissusermik pitsaassusermillu takutitsisassasutit.
  • Qarasaasianik atuisutut nalinginnaasutut atuisinnaasutit (iluarsaassutit allassutillu, AutoCad imaluunniit MapInfo.).
  • Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.

 

Ilinnut neqeroorutigisinnaasavut:

  • Kommunimi illoqarfitsigut annertuumik ineriartorfiusumi sulineq soqutiginartoq.
  • Suliffik pikkunartunik suliassaqarfiusoq.
  • Inuttut suliatigullu ineriartornissamut periarfissat pitsaasut.
  • Suleqatit suleqatigiinnerlu pitsaasut.
  • Kalaallit Nunaanni nunami kulturikkullu soqutiginaateqarnerit alutornaateqarnerit ilaanni pinngortitami misigisassat sunngiffimmilu sammisassat.

 

Naalakkersuisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

 

Atorfimmut atasumik inissaqartitsisoqassaaq malittarisassat atuuttut malillugit sillimmatinut ineqarnermullu assigiinngitsunullu akiliuteqarfitgineqartartussamik.

 

Sulisunngortussap ilaqutaasalu atorfininnermut atatillugu angalanermut nutsernermullu aningaasartuutaat kommunimit isumagineqassapput.

 

Atorfik pillugu paasissutissat sukumiinerusut Teknikkimut pisortaagallartoq Josef Kreutzmann oqarasuaat +299 64 54 05 imaluunniit mail jokr@kujalleq.gl atorlugu saaffigalugu pissarsiarineqarsinnaapput.

 

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, innersuussutit il. il. kingusinnerpaamik oktobarip 17-iat 2018 kommunimit tiguneqareersimassapput.

 

Qinnuteqaat allakkatigut mailikkulluunniit uunnga nassiunneqassaaq:


Kommune Kujalleq

HR-afdeling

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq