Narsami pisortassarsiorneq

Kommune Kujalleq-mi Narsami Meeraaqqerivimmi ”Viivi”-mi ukioq ataasiugallartumik perorsaasutut ilinniarsimasumik pisortassarsiorpoq
ALLAGARSIUTEQQITAQ:

Narsami Meeraaqqerivimmi ” Viivi”-mi perorsaasutut ilinniarsimasumik paarlatsitut pisortassarsiorpoq, sivitsornissaanut periarfissaqarpoq. Pisortaagallartussaq 01. december 2018 imaluunniit isumaqatigiissuteqarnikkut atorfinitsinneqassaaq.
Kingusinnerpaamik ulloq:
26. oktober 2018
Sumiiffik / immikkoortortaq:
Narsaq
Ulloq sulilerfissaq:
1. december 2018
Aningaasarsiat:
Isumaqatigiissutit atuuttut naapertorlugit

Meeraaqqerivik ”Viivi”naalungiarsunnut 48-nut naatsersuussaavoq 0-3 ukiulinnut.

Sulisoqarpoq katillugit 16-nik, taakkua iluanni pisortaq inissisimalluni, inillu sisamaallutik.

 

”Viivi” siunertaqarpoq, naalungiarsuup meeraaqqerivimmiit meeqqerivimmut ikaarsaarnissaanut piareersassallugu, sutigullu tamatigut meeraq qitiutillugu ikorfartorlugu, pingaartitaraalu assigiinngitsutigut piorsarsimassuseq pillugu ingerlataqarneq, nerisassatigut, anersaakkut, nunallu pissarititaanik atorluaanikkut.

Angajoqqaanik suleqateqarluarneq, pisariaqartillugulu angajoqqaanik kaammattuinermik imaqartu-mik ingerlatsisarluni.

Inatsisartut inatsisaat nr 16- 3.dec 2012-meersoq tunngavigalugu qulaani pinertut angajoqqaallu suliniutigaat.

 

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, suleqatikkuminartut qiimasullu.

 

Narsami meeqqeriviit marluupput, pisortaasullu suleqatigiilluartuupput pisariaqartitarlu naapertorlugu ikioqatigiinnermik  pingaartitsisuullutik.

 

Narsaq illoqarfiuvoq eqqissisimasoq pinngortitarsuarmullu illoqarfittaa qanittuugami atorluarneqartuulluni.

 

Illit perorsaasutut ilinniarsimasuullutit ”Viivi”-mi makkua akisussaaffigissavatit:

  • Illup ingerlanganik sutigut tamatigut nakkutiginninneq, taassuma iluani allaffisoorneq

  • Illup siunertaanik malititsiniartoq

  • Inatsisartut inatsisaat nr 16, 3.dec 2012-meersoq pillugu suliniuteqarneq

  • Angajoqqaanik suleqateqarnermi eqqummaarissuuneq

  • Perorsaanilerinermik nakkutiginninneq, nutarsaajuarneq

  • Suleqatikkuminartoq, tarnikkut timikkullu nukittooq

  • Killiliisinnaasoq

  • Suleqatinik ataatsimoortitsisinnaasoq

  • Ajornartorsiutinik qaangiinissamik aqqutissiuisinnaasoq

  • Ulapaarfimmi ataatsikkoorussisinnaasoq

  • Aqutsinermik misilittagaqartoq,iluaqutaassaaq piumasaqaataanngilarli

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

 

Atorfimmut Perorsaasumut inissaqartitsisoqarsinnaavoq malittarisassat qaqugukkulluunniit atuuttut malillugit akilersorneqartussamik.

 

Annertunerusumik paasisaqarusukkuit uunga saaffiginnissinnaavutit Maj-Brit Serano majf@kujalleq.gl

Imaluunniit sianerlutit uunga: 61 41 02 Qinnuteqarfissaq kingulleq 26. oktober 2018 uungalu nassiunneqassaaq:


Kommune Kujalleq

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq