Allaffimmi fuldmaegtig

Atorfimmik inuttassarsiuineq Sullisivik Qaqortumi allaffimmi fuldmægtigi

Decembarip aallaqqaataanni 2018 atorfinittussamik imaluunniit immikkut isumaqatigiissuteqarnikkut Kommune Kujalliup sullissiviani Qaqortumi angerlarsimaffeqartumi allaffimmi fuldmægtigimik sulisussarsiorpugut.
Kingusinnerpaamik ulloq:
13. november 2018
Sumiiffik / immikkoortortaq:
Qaqortoq
Ulloq sulilerfissaq:
1. december 2018
Aningaasarsiat:
Isumaqatigiissutit atuuttut naapertorlugit

Allaffimmi fuldmægtigi Narsami Sullissiviup immikkoortortaqarfiata aqutsisuanut nalunaartartussaassaaq.

 

Suliassat pingaarnerit makkuussapput:

  • Annertunerusumik innuttaasunik kiffartuussineq
  • Piffissamik inniminniinerit
  • Meeqqanut tapiissutit
  • Suliassat inuit allattorsimaffiannut tunngasut
  • Suliassat pisortanit tapertatullu ikiorsiissutinut  tunngasunut saaffiginnissutaasunik tigusineq
  • Meeqqanut ikiorsiissutinut qinnuteqaatinik tigusineq
  • Allorfimmiit ikiorneqarnissamik qinnuteqaatinik tigusineq ikiuinerlu
  • Narsami ineqarnermut tapiissutit pillugit suliassat ingerlateqinneqartarneri

 

 

Atorfimmut tunngatillugu pisinnaasat/naatsorsuutigisat

  • Naleqquttumik ilinniakkat, allaffimiusut ilinniarsimaneq assigisaaluunniit
  • Inussiarnersoq, namminersorsinnaasoq, aamma sungiussiallunilu aaqqissuussinermut piginnaasaqartoq, suliassanut nutaanut paasiniaasinnaasoq aamma tamanik ataatsimut isiginnissinnaanermik attassisinnaasoq, peqqutigalugu immikkoortortaqarfiit, innuttaasut kiisalu suleqatit avataanersut annertuumik attavigineqartartussaammata.
  • Kalaallisut qallunaatullu oqallorissuuneq
  • Ingerlatsivimmi suliaqarnermik misilittagaqarneq
  • Pinerluuteqarsimannginnermut uppernarsaat
  • Aalajaatsuuneq, pimoorussineq aamma suliamut, suleqatinut innuttaasunullu qiimasuuneq
  • Ingerlatsivimmi ulapaarfiusumi persuarsiornanngitsumilu sulinermik nuannarisalik.

 

Qinnuteqartoq atuagarsornikkut naatsorsuuserinermut ilinniarsimanermi saniatigut atorfimmi suliarineqartussanut uppernarsarneqarsinnaasumik misilittagalik salliutinneqassaaq. Piumasaqaatit taakku naammassisimagukkit immikkoortortami nuannersumi suliamut sunniuteqarluarfigisassani kommunip atorfimmik neqeroorfigisinnaavaatit. 

 

Sulinngiffeqartoqartillugu, napparsimasoqartillugu allatigullu sulinngittoqartillugu immikkoortortami sulisut suliassatigut tamakkiisumik tapertareqatigiittarnissaat pingaartinneqaqaaq.

 

Allaffimmi fuldmægtigitut atorfinitsitsisoqassaaq. Akissarsiat atorfeqarnermilu atugassarititaasut SIK-p isumaqatigiissutai naapertorlugit pissapput. Illoqarfiup avataaneersumik atorfinitsitsisoqassappat angalanermut nuunnermullu aningaasartuutit malittarisassat atuuttut naapertorlugit akilerneqassapput.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Atorfimmut tunngasunik annertunerusumik paasisaqarusukkuit oqar. 64 53 30 aqqutigalugu uku saaffigisinnaavatit: immikkoortortaqarfimmi aqutsisoq Ulla Rafaelsen tlf. 38 15 10 imaluunniit e-mail ulra@kujalleq.gl aamma suliami pisortaq Marie Rødgaard tlf. 64 53 56 marr@kujalleq.gl

 

Qinnuteqaat ilinniakkamik aammalu siusinnerusukkut suliffigisimasat pillugit paasissutissanik, soraarummeernermut uppernarsaatit assilisat kommunimi tiguneqareersimassapput kingusinnerpaamik novembarip 13-ianni 2018, uungalu nassiunneqassallutik:


Kommune Kujalleq

HR-afdeling

Postbox 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq