Isumaginninnermi ikiortit marluk

Meeqqerivik “Ajaga/Nanuaraq” inunnik isumaginninnermut ikiortinik marlunnik pissarsiorpoq:

Kommune Kujalleq Meeqqerivik “Ajagaq/Nanuaraq”-mut pikkorissumik sullarissumillu pissarsiorpoq ulloq 01. Januar 2019 atorfinittussamik imaluunniit isumaqatigiissuteqarnikkut.
Kingusinnerpaamik ulloq:
27. november 2018
Sumiiffik / immikkoortortaq:
Nanortalik
Ulloq sulilerfissaq:
1. januar 2019
Aningaasarsiat:
Isumaqatigiissutit atuuttut naapertorlugit

Meeqqerivik “Ajagaq/Nanuaraq” allaaserineqarnera:

“Ajagaq/nanuaraq” meeqqeriviuvoq meeraaqqeriviutigisoq, Meeqqerivik meeqqanut 52-nut naatsorsuussaavoq 0-6 ukiulinnut. Sulisut katillugit 17-iupput, taakkua iluanni pisortaq ilaalluni. “Ajagaq/Nanuaraq” ammasarpoq nal: 07:30 – 16:30 tungaanut. Atorfik ulloq naallugu suliffiuvoq, Atuarfeqarnermut, Meeqqeriveqarnermut Nutaaliornermullu Ingerlatsivik

atalluni

 

Naatsorsuutigaarput:

  • Isumaginninnermi ikiortitut ilinniarsimasoq / meeqqerisoq
  • Qanilaartoq meeqqanullu kajumissaarisoq
  • Meeqqat ataasiakkaat pisariaqartitaannut eqqummaarittuunissat
  • Unneqqarissuunissat aamma ammasuunissat
  • Suliassarsiullaqqissuunissat aammalu akisussaaffimmik tigusisinnaanissat meeqqallu ineriartortinnissaannut pimassuseqarlutit
  • Angajoqqaanut, suleqatinut meeqqanullu suleqatikkuminartuusutit
  • Sulisutut ineriartornissamut ammasuunissat piumassuseqarnissat aammalu avitseqatigiissinnaanissat
  • Suleqaternut unneqqarissuussaatit aamma inimi perorsaasut qanimut suleqatigissavatit
  • Aasat tamaasa pisartumi tammaarsimaariarnernut ilaasassaatit
  • Aalajaatsoq piffissamilli ataqqinnittoq

 

“Inneriilat”-ni naleqartitavut makkuupput:

  • Meeqqereriaaseq akuersaarnartoq.
  • Pinngortitarsuaq perorsaatitut atorparput
  • Allaassuteqarsinnaaneq pillugu meeqqat ataqqinnissinnaanermik ilinniartillugit.
  • Meeqqanut toqqissisimaneq pilersissallugu, ineriartornermut inissaqartitsisoq.

 

Neqeroorutigisinnaasavut:

  • Suliffeqarfik akisussaassuseqarfigisinnaasat sunniuterqarfigisinnaasallu.
  • Suliffeqarfik pisoqarfiusoq avatangiisit kusanartorsuit atorlugit.
  • Pikkorissarnernut ilinniagaqarnissamullu peqataasinnaaneq.
  • Angajoqqaat pimoorussisut meeqqallu inequnartut.

 

Naatsorsuutigaarput:

  • Isumaginninnermi ikiortitut ilinniarsimasuunissat
  • Suliniuteqarusussuseqarputit akisussaassuseqarlutillu.
  • Suliarput pillugu perorsaanermut tunngasunik oqalliseqataanissannik piumassuseqartutit.
  • Nutaanik pilersitsisinnaassuseqartutit meeqqallu ilagalugit perorsaanermut tunngasunik suliaqarusussuseqartutit.
  • Meeqqanut, sulisunut angajoqqaanullu inussiarnersuullutit ajunngitsumillu iliuuseqartartutit.
  • Patajaatsuusutit.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

 

Inissiaq
Atorfimmut atatillugu inissiamik innersuussisoqarsinnaanngilaq.

 

Paasissutissat:

Annertunerusumik paasisaqarusukkuit unga saaffiginnissinnaavutit Meeqqerivimmi pisortaagallartoq Lucia Kleist nanuaraq@kujalleq.gl Imaluunniit sianerlutit: 61 32 27.

 

Qinnuteqaat:
Qinnuteqaatip aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq. Kingusinnerpaamik ulloq novembarip ulluisa27-iat 2018 nal. 12:00 uungalu nassiunneqassalluni:

Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq