Qaqortumi nittartakkamik aqutsisussamik

Kommune Kujalleq nittartakkamik aqutsisussamik pissarsiorpoq
ALLAGARSIUTEQQITAQ:

Qarasaasiatigut nittartakkanik ilusilersuinermut piginnaasaqarluarpit aammalu piumassuseqarpit nittartakkamik uummaarissumik pitsassuarmillu inerisaassallutit? Piumassuseqarpit suliffeqarfiup iluani attaveqaqatigiittarfitsinnik inerisaaqataassallutit? Taamaappat 01. December 2018 aallarnerfigalugu imaluunniit allatut isumaqatigiissuteqarnikkut suleqatitaarinissat qilanaaraarput.
Kingusinnerpaamik ulloq:
2. november 2018
Sumiiffik / immikkoortortaq:
Qaqortoq
Ulloq sulilerfissaq:
1. december 2018
Aningaasarsiat:
Isumaqatigiissutit atuuttut naapertorlugit

Suleqatitaatsitut aammalu nittartakkatsinnik aqutsisutut suliassavit pingaarnersaat tassaassaaq, paasissutissiisarnermut pisortaq qanimut suleqatigalugu, Kommune Kujalliup qarasaasiatigut avammut saqqummertarnerata suliffeqarfiullu iluani qarasaasiatigut attaveqaqatigiinnermut siuarsaaqataallutit suliaqarnissat. Taamatuttaaq teknikkimut tunngatillugu paasissutissiisarnermut immikkoortortaqarfiup aammalu IT-erisutta akornanni attaveqaataassaatit.

 

Soqutigiviuk? Taava suliffik ilinnut naleqquttoq qinnuteqarfigiuk. Piffissamimi matumani Kommune Kujalliup suliffeqarfiup iluani aammalu avammut attaveqaqatigiinneq annertusarlugulu inerisaleruttorpaa, illillu inerisaanissamut annertuumik sunniuteqarnissannut periarfissaqarputit.

 

Atorfimmut suliassat:

  • Nittartakkap ineriartortinneqarluni ingerlanneqarnera taamatuttaaq suliffeqarfiup iluani qarasaasiatigut attaveqaatitta ingerlanneqarnissaat isumagissallugu

  • Nittartakkap atuisartunit atoruminarnissaa aammalu innuttaasunit paasiuminarlunilu orniginartuunissaa, kiisalu paasissutissanik siammartigassanik nutarteriuarnissaq.

  • Paasissutissiisarnermut pisortaq suleqatigalugu kommunalbestyrelsemit/ataatsimiititalianit aammalu ingerlatsiveqarfinnit nutaarsiassanik siammarterisarnissaq inerisassallugu annertusassallugulu

  • Kommunimi atorfilittat akornanni attaveqaqatigiittarfik intranet pitsaasumik pissusissamisoortumillu ingerlanneqarnissaa isumagissallugu

 

Suliamut piginnaasanut tunngatillugu piumasaqaatit

  • Qarasaasiatigut ingerlatsineq pillugu annertuumik ilisimasaqarneq
  • Attaveqaqatigiinnermut piginnaasaqarluarneq
  • Kalaallisut, qallunaatut tuluttullu piginnaasaqarneq

 

Kissaatiginartitavut

  • Kalaallit Nunaanni pissutsinik ilisimasaqarluarnissat, matumanilu pingaartumik Kujataani pissutsit ilisimasaqarfigilluassagitit
  • Suliffeqarfimmi politikkikkut aaqqissuussaasumi sulisinnaassuseqarluassasutit
  • Suleqatigiissinnaassuseqarluassasutit
  • Nammineersinnaassueqarluassasutit aammalu siunnerfeqallaqqissuussasutit
  • Isumassarsiullaqqissuussasutit eqaatsumillu sulisinnaassuseqarluassasutit
  • Aaqqiissutissanik ujartuillaqqissuussasutit

 

Akissarsiat atorfeqartitaanermilu atugassartititaasut
Akissarsiat atorfeqartitaanermilu atugassarititaasut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

 

Atorfimmut atatillugu inissaqartitsisoqarsinnaavoq, tassungalu qularnaveeqqusiineq/inimut akiliut qaqugukkulluunniit malittarisassat atuuttut naapertorlugit akilersuisoqassaaq. Atorfimmut tunngatillugu initaarnissap tungaanut utaqqisoqarsinnaanera naatsorsuutigineqassaaq. Initaarnissap tungaanut kommunimit utaqqiisaasumik pisatsersukkamik ineqarallartitsisoqarsinnaavoq. Atorfininnermut tunngatillugu pigisat assartorneqarnissaat malittarisassat atuuttut malillugit isumagineqassapput.

Atorfik Qaqortumiippoq.

 

Atorfik pillugu sukumiinerusumik paasisaqarusukkaanni paasissutissiisarnermut pisortaq Salome Hansen saaffigineqarsinnaavoq, e-mail: sahn@kujalleq.gl imal. +299 704100

 

Qinnuteqaat ilinniarsimanermut uppernarsaatinik, suliarisimasanik takussutissartalik aammalu oqaaseqaatitalik Kommune Kujallermut tunniunneqariissaaq kingisinnerpaamik 02. November 2018.


Kommune Kujalleq
HR-afdeling

Postboks 514
3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq