Atuartitsinermi siunnersorti

Misi Kujalleq atuartitsinermut siunnersortimik pissarsiorpoq

Kommune Kujallermi immikkut atuartitsinermut siunnersortitut atorfik inuttassarsiorpaa. Ulloq atorfiniffissaq tassaavoq 01. januar 2019 isumaqatigiissuteqarnikkulluunniit.
Kingusinnerpaamik ulloq:
7. december 2018
Sumiiffik / immikkoortortaq:
Qaqortoq
Ulloq sulilerfissaq:
1. januar 2019
Aningaasarsiat:
Isumaqatigiissutit atuuttut naapertorlugit

Misi Kujalleq Qaqortumiittoq suliffiussalluni.

 

Atorfiup siunertaa:

Immikkut atuartitsinermi siunnersorti  Misimi suleqatigiinnut ilaalluni atuarfinni immikkut atuartitsinermut siunnersortitut ilitsersuisartutullu suliaqassaaq.

Atorfik Misi Kujallermi inissisimavoq, siunnersortillu qullersarissavaa tarnip pissussaanik immikkut ilisimasalinnut pisortaq.

 

Inatsisit aalajangersakkallu tunngavigalugit akisussaaffiit suliassallu :

  • Atuarfik pillugu Inatsisartut inatsisaat nr. 15, 3. December 2012-imeersoq, § 15 imm. 1,2 aamma 3.
  • 2)  Meeqqat atuarfianni immikkut atuartitsisarneq aamma allamik immikkut ittumik perorsaanikkut ikiorsiisarneq pillugit Namminersorlutik Oqartussat nalunaarutaat nr. 21, 8. december 2017-imeersoq

 

Siunnersortip Misi Kjujallermi imi suleqatigiit, psykologit aqutsisuat allaffimmiorlu, suleqatigissavai. Siunnersortip atuarfimmi psykologit aqutsisuat qullersarissavaa.

 

Piginnaasassat

  • Meeqqat ilikkarniarnikkut ajornartorsiuteqartut aammalu tarnikkut, timikkut malugissutsikkulluunniit ajornartorsiutillit immikkut ittumik perorsaanikkut suliffigineqarneranni misilittakkat.
  • Meeqqat assigiinngitsutigut piginnaanikitsut perorsaanikkut suliffigineqarneranni misissueriaatsinik ilinniartitseriaatsinillu ilisimasaqarneq
  • Angajoqqaanut, ilinniartitsisunut, perorsaasunut allanullu atuartup ineriartornerani pingaaruteqarluartunut immikkut perorsaaneq aallaavigalugu siunnersuisarneq.
  • Namminersorsinnaasoq, suliniuteqarumatooq ineriartortitsiumatooq minnerunngitsumillu suleqatiginnissinnaassusilik aammalu inunnut allanut akuersaartumik isiginnittaasilik.
  • Persuarsiortuunngitsoq qiimasorlu
  • Marluinnik oqaaseqaruni pitsaanerussaaq

 

Suliassat pingaarnerpaat

  • Suleqatit attuumassuteqartut peqatigalugit misissuiataarisarneq, uuttuisarneq, oqaloqatiginnittarnerlu, ilisimasanik pisariaqartunik pissarsiniarneq, iliuusissatut pilersaarusiorneq, naliiviusumik / qulaajaaviusumik aammaliu iliuusissanik siunnersuuteqarfiusumik angajoqqaanik perorsaasunillu imaluunniit ilinniartitsiunik oqaloqateqarneq.

 

Neqeroorutigaavut:

  • Assigiinngissitaaqisunik suliaqarluni ullut suliffiit soqutiginaqisut, ilinniakkamik sulianillu allanik sammisaqarfiulluartut
  • Kommunimi illoqarfinnut pingasuusunut nunaqarfinnullu angalasarneq sulisarnerlu
  • Suleqatigiikkuutaani sulineq pitsaasoq qanittumillu suleqatigiinneq
  • Ineriartornissamut periarfissat pitsaasut

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Ilinniakkanut piumasaqaatit:

Meeqqat atuarfiani ilinniartitsisutut ilinniarsimasariaqarpoq annertunerusumik ilinniaqqissimasoq, soorlu immikkut atuartitsinermut ilinniartitsisutut, oqallorissaasutut imaluunniit immikkut atuartitsinermut PD-mik ilinniagaqarnikkut.

 

Naalakkersuisut IMAK-illu akornganni isumaqatigiissutit atuuttut naapertorlugit akissaatisiaqartitsineq atuutissaaq.

 

Atorfininnermut atatillugu inissaqartitsisoqarpoq, tassunga ineqarnermut akiliut akilerneqartussaq, qularnaveeqqut il.il. maleruaqqusat atuuttut naapertorlugit akilerneqartassallutik. Inissaaleqineq pissutigalugu initaavinnissaq sivisulaarsinnaavoq, taamaattumik piffissap ilaani utaqqiisaagallartumik inissiisoqarnissaa naatsorsuutigineqassaaq.

 

Suliffiit pillugit paasissutissat sukumiinerusut paaserusukkukkit tarnit pissusaanik immikkut ilisimasalittut pisortaq Yvonne Lindberg saaffigisinnaavat, oqarasuaat +299 64 5430, email-aluunniit aqqutigalugu: yvli@kujalleq.gl.

 

Piumasaqaatit naapertorlugit atorfininnermi angalaneq pequtillu angallanneqarneri akilerneqarumaarput. Qinnuteqaat atsiorsimagaanni pappilissallu attuumassutillit ilanngullugit scannerlugit email atorlugu nassiunneqarsinnaavoq. Qinnuteqaat kingusinnerpaamik 07. december 2018 tunniunneqassaaq. Qinnuteqaat pappilissanik attuumassutilinnik assilineqarsimasunik ilalik uunga nassiunneqassaaq:


Kommune Kujalleq

HR Afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq