Ingerlatsivimmi pisortaq


Atuarfeqarnermut meeqqeriveqarnermullu ingerlatsivimmi pisortaq

Kommune Kujalleq Atuarfeqarnermut meeqqeriveqarnermullu ingerlatsivimmi pisortassarsiorpoq 2019-imi februaarip ulluisa aallaqqaataanni imaluunniit erseqqinnerusumik isumaqatigiissuteqarnikkut atorfinittussamik.
Kingusinnerpaamik ulloq:
15. december 2018
Sumiiffik / immikkoortortaq:
Nanortalik
Ulloq sulilerfissaq:
1. februar 2019
Aningaasarsiat:
Isumaqatigiissutit atuuttut naapertorlugit

Atorfik Nanortalimmi inissisimagallarpoq.

 

Kommune Kujalleq atuarfeqarnermut, meeqqeriveqarnermut nutaaliornermullu tunngasutigut pisortatut atorfimmik soqutiginartumik unamminarsinnaasumillu neqerooruteqarpoq, aqutsisumik piginnaasaqarluartumik kommunimilu aqutsinerup tungaatigut suliniuteqarnissamut kajumissusilimmik, sapiissusilimmik piginnaasalimmillu pissarsiorluni.

 

Kommune Kujallermi pisortatut kommunimi pisortaqatigiinnut ilaassaatit, matumanilu kommunimi pisortaaneq, pisortaanerup tullia kiisalu ingerlatsivinni allani pisortat ilaapput.  Kommunimi pisortaanermut nalunaartartussaassaatit.  Pisortaqatigiinni qanimut, pitsaasumik tatiginartumillu suleqatigiinnissaq pingaartipparput, aammattaaq suliassaqarfiit akisussaaffeqarfiillu akimorlugit sulinissaq salliullugu.

 

Kommune Kujallermi pingasunik illoqarfimmi atuarfeqarpoq, 11-nik nunaqarfinni atuarfeqarluni 11-inillu paaqqinnittarfeqarluni.

 

Atuarfeqarnermut, meeqqeriveqarnermut nutaaliornermullu ingerlatsivimmi allaffissornikkut atorfiit tassaapput

  • Atuarfeqarnermut siunnersorti ataaseq
  • Suliniutinik aqutsisoq ataaseq
  • Allaffimmi fuldmægtigi ataaseq
  • Meeqqeriveqarnikkut immikkoortortami aqutsisoq ataaseq
  • Perorsaanikkut siunnersorti ataaseq
  • Overassistenti ataaseq

 

Suliassat:

  • Ingerlatsiviup pisortaa kommunalbestyrelsimut akisussaaffeqarpoq aammalu atuarfeqarnermut meeqqeriveqarnermullu ataatsimiititaliamut allatsitut sulisussaalluni.
  • Ingerlatsiviup pisortaa kommunimi atuarfeqarnikkut meeqqeriveqarnikkullu allaffissornermi ingerlatsinermut akisussaavoq.
  • Kommunimi atuartitsinermut atuarfeqarnermullu pilersaarummut kommunalbestyrelsimit akuerisaasumut ingerlatsiviup pisortaa akisussaavoq aammalu  atuarfeqarneq meeqqeriveqarnerlu pillugit inatsisitigut aalajangersakkanik kommunip malinninissaanut akisussaalluni.
  • Ingerlatsivimmi pisortap kommunalbestyrelsimit taassumalu ataatsimiititaliaanit politikkikkut aalajangiunneqartut piviusunngortissavai kiisalu suliassaqarfik pillugu  suleqatigissallugit.
  • Atuarfeqarfiup meeqqeriveqarfiullu tamarmi missingersuusiorneqarnissaanut naatsorsuutillu nakkutigineqarnissaannut ingerlatsivimmi pisortaq akisussaavoq.

 

Piginnaasassatit:

Makkuninnga piginnaasalinnik pissarsiorpugut;

  • Aqutsinerup tungaatigut misilittagalik,
  • Suliassaqarfimmik ineriartortitsisinnaasoq politikkikkullu piumasaqaatit naapertorlugit ulluinnarni ingerlatsisinnaasoq,
  • Ingerlatsivimmut siunertatut aalajangiussat anguneqarnissaannik qulakkeerinnissinnaasoq,
  • Suut tamaasa eqqarsaatigalugit aaqqiissutissanik assigiinngitsunik eqqarsaatersorsinnaasoq,
  • Kukkussutit ilinniarfigineqarnissaannik qulakkeerinnissinnaasoq, taamaaliornikkut ingerlatsiviup sullissineranik pitsanngorsaaqataalluni,
  • Qinnuteqartut marluinnik oqaasillit piumaneqarnerussapput, tamannali piumasaqaataanngilaq.

 

Taamaammat piginnaasat makku pingaartippagut:

  • Ilinniakkavit misilittagavillu atorfiup imarisaanut suliassartaanullu naapertuunnissaat,
  • Aaqqissugaaffimmi politikkikkut aqunneqartumi sulinermut paasisimasaqartutit, ajornanngippat politikkikkut siunnersortitut siunersiueqatitullu misilittagaqarlutit,
  • Suleqatikkuminartuuneq,
  • Atuarfeqarnermut meeqqeriveqarnermullu tunngasutigut ilisimasaqarluartutit;  tassaasinnaavoq ilinniagartuutut ilinniarneq imaluunniit nalinginnaasumik siammasissumik ilinniagaqartutit attuumassuteqartumullu ilinniaqqissimassasutit.

 

Ilinnut neqeroorutigisinnaasavut:

  • Suliffik suliatigut aqutsinikkullu annertuumik unammisassartalik.
  • Inuttut suliatigullu ineriartornissamut periarfissat pitsaasut.
  • Suleqatit suleqatigiinnerlu pitsaasut.
  • alaallit Nunaanni nunami kulturikkullu soqutiginaateqarnerit alutornaateqarnerit ilaanni pinngortitami misigisassat sunngiffimmilu sammisassat.

 

Aningaasarsiat atorfeqartitaanermilu atugassarititaasut.

Allaffissornikkut pisortat akissarsiaat atorfimminnilu atugaat pillugit Naalakkersuisut aammalu IMAK-ip isumaqatigiissutaat naapertorlugit atorfinitsitsisoqassaaq.

 

Inissaqartitsisoqarsinnaavoq malittarisassat qaqugukkulluunniit atuuttut malillugit sillimmatintu / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfik pillugu paasisaqarnerorusukkuit pisortaanermut Kim Dahl-imut oqarasuaammut uunga sianerlutit attaveqarsinnaavutit oqar. +299 64 53 10 e-mail kida@kujalleq.gl imaluunniit Ingerlatsivimmi pisortamut Jens Korneliussen oqar. +299 61 41 01 imaluunniit e-mailikkut jeko@kujalleq.gl

 

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, oqaaseqaatit assigisaallu. kommunimit tiguneqareersimassapput kingusinnerpaamik 15. december 2018 nal. 12:00 uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq