Isumaginninnermi siunnersorti

Kommune Kujallermi Annertuumik innarluutilinnik sullissiussamik Nanortalimmi
Inunnik isumaginninnermut siunnersortimik pissarsiorneq.

Kommune Kujalleq Nanortalimmi annertuumik innarlutilinnik sullissisussamik isumaginninninnermut siunnersortimik pikkorissumik tunniusimasumillu 01. Januar 2019 isumaqatigiissuteqarnikkulluunnit atorfinittussamik pisarsiorpugut atorfimmik.
Kingusinnerpaamik ulloq:
10. december 2018
Sumiiffik / immikkoortortaq:
Nanortalik
Ulloq sulilerfissaq:
1. januar 2018
Aningaasarsiat:
Isumaqatigiissutit atuuttut naapertorlugit

Kommune Kujallermi sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu.

 

Ingerlatsiviup qulakkiissavaa innuttaasunut annertuumik innarluutilinnik sullissineq innarluutilinnut inatsit atuuttoq najoqqutaralugu ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.

 

Sapaatip akunneranut akunnerit 40-t suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut peqataatinneqarsinnaaneq naatsorsuutigineqassaaq.

 

Inunnik isumaginnittoqarfik ilaatigut makkuninnga neqerooruteqarpoq:

Innarluutilinnik tunngasunut suliassat ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnerisigut.

 

Piumasaqaatit:

  • Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.
  • Innarluutilinnut tunngasuni tamakkiisumik sullissinermik misilittagaqarneq, tamannali aalajangiisuunngilaq.
  • Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.
  • Allaffissornikkut aningaasaqarnikkullu suliassanik misilittagaqarnissaq.
  • Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sulissussinermik piginnaaneqarneq.

 

Atorfiup imarisai ilaatigut makkuupput:

  • Innarluutilinnut tunngasuni sullissinerit malittarisassat atuuttut malillugit ingerlanneqarnissaat qulakkiissallugu.
  • Qanoq iliuusissamut pilersaarutinik piareersaasinnaaneq.
  • Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.
  • Immikkoortortaqarfimmi suleqatigiinnissamik ineriartortitsinermilku pitsaasumik pilersitseqataassalluni eqeersimaartumillu peqataassalluni
  • Annertuumik innarluutiliit inatsisaanik ilisimaarinnilluarneq.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinitsinneqarneq akissarsiaqartinneqarnerlu Naalakkersuisut aamma Atorfillit Kattuffiata isumaqatigiisutaat Isumaginninnermut siunnersortit aamma Suliassalerisunullu atuuttoq naapertorlgit akissaasersorneqassaaq.

 

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. 

 

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit Ledende Socialrådgiver  Nauja Ottossen Knudsen  mail nokn@kujalleq.gl. imaluunniit oqarasuaat 64 53 82 atorlugu.

 

Qinnuteqaat Kommune Kujallermut kingusinnerpaamik 10. December 2018 12.00 tunniuneqareersimassaaq. Qinnuteqaat, soraarummeersimanermut allagartat, oqaaseqaatit ilaallu ilanngullugit uunga nassiunneqassapput:


Kunne Kujalleq

HR-afdeling

Postboks 541

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq