Pillorissaasumik imal timimik sungiusaasumik

Kommune Kujalleq pillorissaasumik imaluunniit timimik sungiusaasumik Qaqortumi aallaaveqartussamik pissarsiorpoq:


Kommune Kujalleq isumaginnittoqarfimmi timimik sungiusaasumik imaluunniit pillorissaasumik januaarip aallaqqaataanni, 2019-imi imaluunniit isumaqatigiissuteqarnikkut atorfinittussamik pissarsiorpoq.
Kingusinnerpaamik ulloq:
12. december 2018
Sumiiffik / immikkoortortaq:
Qaqortoq
Ulloq sulilerfissaq:
1. januar 2019
Aningaasarsiat:
Isumaqatigiissutit atuuttut naapertorlugit

Kalaallit Nunaanni kommunimi kujasinnerpaami timimik sungiusaasutut pillorissaasutulluunniit pissanganarluinnartumik suliaqarlutit inuttullu ineriartorsinnaalluarlutit sulerusuppit?

 

Kommune Kujallermi Pillorissaasoqatigiinni Timikkut sungiusaasoqatigiit suleqataasutut Peqqinnissaqarfimmi suliassat siulersussavatit - pingaarnertut innarluutilinnut tunngasut.

Kommune pingasunik illoqarfeqarpoq aqqanilinnillu nunaqarfeqarluni. Pillorissaasut imaluunniit Timimik sungiusaasut allat peqatigalugit Qaqortumi aallaaveqassaatit, kisiannili illoqarfinnut nunaqarfinnullu angallammik / qulimiguulimmik suliartortarnissaq naatsorsuutigisariaqarpoq.

 

Suliamut tunngatillugu siammasissumik suliaqassaatit isumaginnittoqarfiullu ataani Pillorissaasoqatigiittut Timimik sungiusaasooqatigiit inissisimallusi pillorissaasut pisortaat qaninnertut pisortarissallugu.

 

Kujataa pinngortitarsuuvoq alianaatsorsuaq, kulturikkut oqaluttuassartai pissanganartut innuttaasullu qamannga pisumik inussiarnersorsuit tikikkuminartullu.  Ulluinnarni tamakku tamaasa nuannaarutaasinnaalluarput.

 

Pigisavut:

  • Kommune, sutigut tamatigut ineriartorfiulluartoq illit nammineq suliamut tunngatillugu sunneeqataaffigilluarsinnaasat.

  • Suliffik pissanganartoq pitsaasunik atortorissaaruteqarfiusoq, isumaginnittoqarfimmi sulisut, suleqatit, innuttaasut, illit pillorissaasutut suleqatissatit taakkulu ilaqutaat qanimut suleqatigisassasatit.

  • Sungiusartarfik, allaffik aamma atortorissaarutaasivik.

  • Innuttaasutsialassuit suleqatillu pitsaalluinnartut pillorissaasutut timimilluunniit sungiusaasutut piginnaasannik ingerlatsilernissannut qilanaartut.

 

Suliassatit – akisussaaffigiligassatillu makkuupput:

  • Kommune tamakkerlugu nakorsiartarfimmi innuttaasunik misissuineq naliliisarnissarlu.

  • Timimik sungiusaasumit pillorissaasumilluunniit sungiusarneqarnissamut misissorneqarneq 

  • Kommunimi innuttaasut timimikkut piginnaasaqarnikkut annertuumik ajoqutillit aamma/imaluunniit anigorsinnaanngisaminnik innarluutilinnut piginnaasaqarnikkut inissisimanerisa attatiinnarnissaannut tunngatillugu pillorissaanissaq/timimik sungiusaanissaq isumaginninnissarlu.

  • Kommunimi innuttaasunut atortussaannik ujartuineq pisinerlu kiisalu inigisamiit nuunnissamut siunnersuineq.

  • Sullissineq atortussanullu atatillugu suliassat assigiinngitsut.

  • Innuttaasut ilaqutaasullu namminneq sungiusarnissaannut siunnersuineq. 

  • Tapersersorteqarneq, paaqqinnittoqarneq, sullitanik nuutitsinermut teknikki pillugu sulisoqarneq, nappaatinik misissuineq, kingusissukkut qaratsakkut ajoquteqalertarneq allallu pillugit ilinniartitsineq.

  • Sapaatip akunneri marluk allorlugit innarluutillit ulloq unnuarlu angerlarsimaffianni Ivaaqqami napparsimmavimmilu timimik suniusaasut/pillorissaasut ataatsimiinneranni peqataasarnissaq.

  • Ukiumut ataasiarluni nakorsat immikkut ilinniagallit soorlu isit nakorsaat, meeqqat nakorsaat, bandagistit (avatit amigaataannik sanartut) allallu tikeraartarnerannut atatillugu peqataasarnissaq.

  • Kommunimi tamarmiusumi suliassaqarfiit akimorlugit suleqatigiinni peqataasarnissaq.

 

 

Suleqatissarsiorpugut:

  • Suliassanut suleqatigiinnermillu ilisimasaqarluartoq kiisalu naammagittassuseqartoq qasusuitsumillu sulisaaseqartoq.

  • Pillorissaanermut tunngatillugu siamasissumik sulinermik sullitanullu ukkassilluarnermik nuannarisalik.

  • Innuttaasut innarluutillit suleqatiginissaannik nuannarisalik.

  • Kalaallit Nunaanni allanertanik oqaasilittut malunnaatilimmik namminersorsinnaassuseqarluni sulinissamut sapiissuseqarneq.

  • Nalinginnaasumik alapernaassuseqarnikkut nutaaliorsinnaassuseqarnikkullu innarluutillit aaqqiissutissaannik siunnersuuteqarsinnaaneq.

  • Suleqatikkuminartoq kiisalu sullitat suleqatillu kulturiannik ataqqinnittoq.

  • Pisunut malussarissoq, aaqqiissuteqarnissamut ilisimaarinnittoq ullullu tamarmik assigiinngittarnerannik pingaartitsisoq.

  • Allanik nuannaaqateqarsinnaasoq imminullu illaatigisinnaasoq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Atorfininnermut atugassarititaasullu Timinut sungiusaasartut imaluunniit Pillorissaasunut isumaqatigiissutit atuuttut naapertorlugit akissaatsisiaqartitsisoqassaaq.

 

Isumaqatigiissutit atuuttut naapertorlugit atorfinitsitsineq ingerlanneqassaaq.  Maleruagassat atuuttut naapertorlugit atorfinitsitsinermut atatillugu (ukiut ikinnerpaamik pingasut atorfeqareernerup kingorna) soraarnerullu kingorna angalanerit kommunimit aningaasartuutigineqassapput.  Atorfimmut atatillugu inissiamik pequsersorneqanngitsumik kommune neqerooruteqarsinnaavoq inigisamullu qularnaveeqqusiissutit inigisamullu akiliut qaqugukkulluunniit maleruagassat malillugit akilerneqassallutik.

 

Atorfik pillugu paasisaqarnerorusukkuit timimik tungiusaasut pisortaannut Sabrina Lillelund Hansenimut saaffiginnissaatit, e-mail salh@kujalleq.gl oqarasuaat nr. +299 64 13 50 mobil nr. +299 49 32 09.

 

Qinnuteqaat aamma inuunermit taasassat (CV), soraarummeersimanermut uppernarsaat, oqaaseqaatit allallu kommunimut tunniunneqassapput kingusinnerpaamik december 12-ianni, 2018 nal.12.00 uungalu nassiunneqassallutik:


Kommune Kujalleq

HR-afdeling

Postbox 514

3920 Qaqortoq

job@kujalleq.gl 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq