Inuussutissarsiutinik ineriartortitsinermut siunnersorti

Inuussutissarsiutinik ineriartortitsinermut siunnersorti Kommuni Kujallermi

Kommuni Kujalleq inuussutissarsiutinik ineriartortitsinermut siunnersortissarsiorpoq piaarnerpaamik atorfinittussamik, kujataani inuussutissarsiutinik ineriartortitseqataanissaminut piumassusilimmik.
Kingusinnerpaamik ulloq:
21. januar 2019
Sumiiffik / immikkoortortaq:
Qaqortoq
Ulloq sulilerfissaq:
22. januar 2019
Aningaasarsiat:
Isumaqatigiissutit atuuttut naapertorlugit

Inuussutissarsiutinik ineriartortitsinermut siunnersortitut Kommune Kujalleq kujataanilu inuussutissarsiortut  suleqatigalugit inuussutissarsiornermik ineriartortitsineq siuarsassavat, piginnaasatigut aqqutissiuillutit, inuussutissarsiortut, aallarnisaasut aamma inuussutissarsiornermut siunnersuisoqatigiit siunnersortassavatit.

Qitiusumik suliassarissavat inuussutissarsiornermut siunnersoqatigiinut allattuuneq, inuussutissarsiornermi siunnersuisoqatigiit suliassatut peqqussutaanik suliaqartassaatit, tamatumunnga kujataani isumasioqatigiissitsinerit, suleqatigiinnerit, paasititsiniaallunilu ataatsimiinerit assigisaalu pillugit suliaqartassaatit, Kommuni Kujallermullu inuussutissarsiornermut ineriartortitsinissamut pilersaarummik sanaqataalluinnarlutit.

Suliassaqarfitit

Inuussutissarsiortut, inuussutissarsiortut suleqatigiiffii peqatigiiffiilu aamma inuussutissarsiornermut siunnersuisoqatigiit peqatigalugit suliassanik naamassinninnissaq pingaartipparput, taammaattumik kisimiillutit suliassanik naamassinnittassanngilatit.

Makku suliassarisassavatit:

  • Inuussutissarsiornermut siunnersuisoqatigiinnut allattaaneq

  • Inuussutissarsiortut, aallarnisaasut aamma inuussutissarsiornermut siunnersuisoqatigiinnut siunnersuineq

  • Aaqqissuussineq aamma suleqatigiinnermik paasititsiniaanermillu ataatimiisitsinerit

  • Inuussutissarsiortut aallarnisaasullu siunnersorlugit ataasiakkaarlugit ataatsimeeqatigalugit

  • Inuussutissarsiornikkut ineriartortitsisut allat attaveqaateqarfigalugit

  • Kommuni Kujallermi inuussutissarsiornikkut ineriartortitseqataasinnaasunik ingerlatseqatigiiffinnik, suliffeqarfinnik il.il attaveqarneq

Piginnaasassatit:

Atorfininniarnermi ilisimatusarnermut tunngasutigut ilinniarsimaneq piumasaqaataanngilaq. Inuussutissarsiornikkut aningaasaqarnermut ilinniarsimaneq iluaqutaasinnaavoq, kisianni inuussutissarsiornikkut ineriartortitsinermi aallarnisaanermilu misilittagaqarnissaq ilinniarsimanermiit pingaartinneqarneruvoq.

Marluinnik oqaaseqartuuguit tassa kalaallisut qallunaatullu iluaqutaassaaq, kiisalu tuluttut oqalussinnaaneq iluaqutaassaaq.

Inuiaqatigiinnut sullissinerup, inuussutissarsiornerup aamma aallarnisaasut naapiffianni sulisussaanerit peqqutaalluni inuit suleqatiginissaanut paasinnissinnaassuseqassaatit suliatigullu piumasaqarlutit.

Ammasuuvutit sullisserusuttoq, ineriartortitserusuttoq aamma nutaaliortoq, naamassinnikkusuttoq ataqatigiissaarisorlu.

Qeratanngitsumi sulinissat nuannarivat, ulluinnaat qiimanermik imaqarput, isumaqatigiinnginnerillu suleqatigiinnikkut aaqiivigisarpatit.

Atorfimmi atugassarititaasut.

Kommuni Kujallermi atorfinitsinneqassaatit, Kommuni Kujallermi inuussutissarsiornermut suliffeqarnermullu pisortaallutit. Tamatuma saniatigut inuussutissarsiornermut siunnersuisoqatigiit sullittassavatit, siunnersuisoqatigiinnut allattaallutit, siunnersuisunullu suiassanik suliaqartassallutit.

Akissaatit atorfininnermilu atugassarititaasut piginnaasat aallaavigalugit inissinneqassapput, immikkut isumaqatigiissuteqarnikkut.

Atorfimmut atatillugu sulisunut inissiamik innersuussisoqassaaq.

Atorfik pillugu itinerusumik paasissutissanik pisariaqartitsiguit inuussutissarsiornermut suliffeqarnermullu pisortaq Palle Frederiksen attavigiuk (Telefon +299 64 75 30, Mobil +299 55 33 08 imaluunniit mail pafr@kujalleq.gl).

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. kommunimut tunniunneqariissapput kingusinnerpaamik  januaarip ulluisa 21-at 2019 nal. 12:00 uunga:


Kommune Kujalleq

HR afdelingen

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq