Kista Isaksen Kommune Kujallermi isumaginninnermut pisortanngorpoq

Kommune Kujallermi aningaasaqarnermut ataatsimiititaliaq 18. juli 2017 immikkut ittumik ataatsimiippoq ataasiinnarmik oqaluuserisassaqarluni, tassalu Kommune Kujallermi isumaginninnermut pisortassamik atorfinitsitsinissaq.
21. juli 2017

Qinnuteqaateqartut tallimat akornanni aningaasaqarnermut ataatsimiititaliami ilaasortat tamakkiisumik isumaqatigiillutik aalajangiuppaat Kista Isaksen atorfinitsinneqassasoq.

 

Kista Isaksen, Qaqortumi inunngorlunilu peroriartortoq 44-nik ukioqarpoq niuernermik ilinniarfimmi EVU-mi aningaasaqarnermut allaffissornermullu ilinniarsimalluni.

 

Kommune Kujallermi isumaginninnermut pisortanngornissami tungaanut 2008-miilli Niuernermik Ilinniarfimmi kingusinnerusukkut Campus Kujalliup ilagiligaani ilinniartitsisutut kingusinnerusukkullu pisortatut qaffassarluni 2014-miit ilinniartitaanermut pisortatut september 2016-mi Ilisimatusarfimmi ilinnialernissami tungaanut sulivoq.

 

Assut nuannaarutigaarput isumalluarlutalu Kista Isaksen isumaginninnermut pisortatut atorfinitsinneqarmat, Kista aqutsinermik misilittagaqarluartuuvoq suliallu annertusinnaagaluartut tamakkiisumik isiginnissinnaassuseqarluartuuvoq ataqatigiissaarillaqqissuullunilu, tamannalu isumaginnittoqarfimmi aaqqissuussaanikkut nutarteriffigineqaleruttortumi atorfissaqarteqaarput, borgmester Kiista P. Isaksen oqarpoq.

 

Kista Isaksen timersornerup iluani nunatsinni annertuumik aamma kivitseqataavoq, pingaartumik assammik arsarnerup tungaatigut, taamatuttaaq nammineq timersortuusimanermi saniatigut aamma timersoqatigiit kattuffianni siunnersortaasimavoq inuusuttorpassuillu timersornermik aallutaqartut tamanna iluaqutigilluagarivaat.

 

Kista Isaksen ingerlaannartumik atuutilertumik Kommune Kujallermi isumaginninnermut pisortatut sulilereerpoq.

 

Sukumiinerusumik paasisaqarusuttut attavissaat:

Borgmester Kiista P. Isaksen +299 497672

Isumaginninnermut pisortaq Kista Isaksen +299 645352