M/S Hans Hedtoft pillugu oqalugiarneq

7. august 2017

Ulloq 30.01.1959 umiarsuaq M/S Hans Hedtoft kivivoq. Umiarsuarmi ilaasut sulisullu 90-iupput. Umiarsuarmik ajunaarnersuaq Kalaallit Nunaata Danmarkillu oqaluttuarisaanerani annerpaavoq, ilaasut tamarmik Kalaallit Nunaata kujataani immami nilleqisumi ajunaarmata. Ukiuni tulliuttuni umiarsuarmik ajunaarnersuaq pillugu atuagarpassuit saqqummersitallu saqqummersinneqarsimapput. Ilaatigut atuakkat taakku najoqqutaralugit katersugaasiviup pisortaa pisoq pillugu oqalugiarniarpoq. Umiarsuaq tusaamasaq pillugu apeqquterpassuaqarlunilu tupinnartoqaqaaq, tassungalu peqqutaavoq umiarsuup nassaarineqanngisaannarsimanera.

Aaqqissuussaq A21-mi pissaaq ulloq 22.8.17 nal. 19.00. Katersugaasiviup kaffi, tii kaageeqqallu isumagissavai.

Oqalugiarneq kalaallisut qallunaatullu ingerlanneqassaaq. Taassuma saniatigut aaqqissuussamut peqataaneq akeqanngilaq.