airplanebooksbriefcase business cogs cross election entertainment fish house law lockmedicalpeopleselfservices socialtax

pitsaaliuinermi immikkoortortaqarfik

Pinaveersaartitsinermi ataatsimiititaliaq ilaasortaasullu anguniagaat: 

Pinaveersaartitsinermut ataatsimiititaliat Pinaveersaartitsinermut ataatsimiititaliap suliassarai ataqatigiissaassallugillu illoqarfimmi najukkami nunaqarfiinilu peqqinnerulernissamik pinaveersaartitsinermillu suliassanik ataqatigiissaarineq.

Pinaveersaartitsinermut ataatsimiititaliat illoqarfimmi nunaqarfiillu najukkaminni pinaveersaartitsinermik nukkittorsaassapput, peqqinnerulernissamillu aallussissallutik. Illoqarfimmi nunaqarfiillu najukkami susassaqartut suleqatigiiffiginerusinnaasaannik pilersitsissapput, taamalu najukkami sunniuteqaqataanerunermik akisussaaqataanerunermillu pilersitsiviusumik qulannaarissapput.

Kommune Kujalleq innuttaasunut paasititsiniaanikkut peqqinnermik inuunerinnerulernissamillu siuarsaaneq ingerlanneqassaaq 2020- miit 2025-p tungaanut.

Najukkami pinaveersaartitsinermut ataatsimiititaliamik pilersitsineq 

Pinaveersaartsitinermut ataatsimiititaliat Peqqinnissaqarfiup aqunneqarnera aaqqissuussaaneralu pillugit Inatsisartut peqqussutaat nr.3, 23. maj 2000-imeersoq aammalu Najukkani pinaveersaartitsinermut ataatsimiititaliat pillugit Namminersornerullutik Oqartussat nalunaarutaat nr. 18, 18. maj 2001-imeersoq malillugit pilersinneqassapput, pisariaqartitsinerlu naapertorlugu immikkut suliniartunik imaluunniit illoqarfimmi / nunaqarfimmi pissutsit tunngavigalugit inuttaliinissaq ilusilertassavaat, pingaartinneqassaarlu meeqqanik inuusuttuaqqannillu sullissisut ilaasortaatinneqarnissaat.

Pinaveersaartitsinermut ataatsimiititaliaq nunaqarfinni pinaveersaartitsinermut ataatsimiititaliaq pilersitsineq aallarnisaafingissavaat.

Iliuusissatut pilersaarut 

Pitsaaliuisoq makkuninnga suliassaqassalluni: 

- Illoqarfimmi atorfeqarfiusumi nunaqafiinilu, pinaveersaartitsinermik peqqinnerulersitsiniarnermillu suliat tamalaat ataqatigiissaarisuuffigissallugit.

- Kommunip pinaveersaartitsinermut politikkianik timitaliinissamut malitseqartitsinissamullu akisussaassalluni

- Inuiaqatigiit nunaqqatigiillu ineriartornerannut malinnaassalluni sapinngisamillu piaarnerpaamik pinaveersaartitsiniutinik aallarniisassalluni.

- Kommunimi pinaveersaartitsiniutaasunik sammisaqartitsinerup pilersaarusiornissaanut akisusssaassalluni.

- Suleqatit nukingi pioreersut ataqatigiissaassallugit

- Pinaveersaartitsiniutinik timitalinnik aallarniissalluni – najugaqarfinni iliuusissanik pilersaarusiussalluni.

- Atuarfiit, sullissiviit – innuttaasut suleqatigalugit tigussaasunik paasititsiniaassalluni.

- Sammisat pinaveersaartitsiniutaasut peqqinnerulersitsiniarfiusullu pillugit peqatigiiffinnut suleqateqassalluni.

- Najukkami suliniutit naliliiffigineqartarnerannut malitseqartinneqartarnerannullu akisussaasalluni – aamma Inuuneritta II eqqarsaatigalugu

- Pinaveersaartitsinermut tunngasut missingersuusiorfigissallugit.

- Peqqinnerulernissamut perorsaaneq peqataaffigilluassallugu ataqatigiissaarisuuffigissallugulu.

- Pinaveersaartitsinermut siunnersortit akornanni peqataalluassalluni misilittakkanillu paarlaaseqatiginnittassalluni kiisalu najugaqarfinnut suliartorallartarnissamut periarfissaqassalluni – tassa eqaatsumik sulissalluni.

- Najukkani ataatsimiititaliani allattaassalluni siunnersortaassallunilu.

- Nunaqarfinni suleqatigiinnermut ataatsimiititalianut ikiuutissalluni taakkulu pilersinneqarnerinut akisussaassalluni kiisalu ingerlaavarnissaat qularnaassallugu.

- Illoqarfiit / najugaqarfiit akornanni suliamut ilisimasaqarnikkut eqqaatsumik ingerlatsisoqarnissaanut ikiuutissalluni.

 

Pitsaaliuinermi immikkoortortaqarfik: 

Pitsaaliuinermi immikkoortortaqarfimmi pisortaq: Helga Nielsen. E-mail: Heni@Kujalleq.gl Telefon: 645367

Qaqortoq: Pitsaaliuinermi siunnersorti: Rosa Fleicher  E-mail: Rofl@Kujalleq.gl  telefon: 645316

Narsaq: Pitsaaliuinermi siunnersorti: Bolethe Stenskov E-mail: Bost@Kujalleq.gl telefon 385335

Nanortalik: Pitsaaliuinermi siunnersorti: Arnaq Lund Frederiksen E-mail: arlf@kujalleq.gl telefon: 644105 Mobil:663667