airplanebooksbriefcase business cogs cross election entertainment fish house law lockmedicalpeopleselfservices socialtax

Atuarfiup paaqqinnittarfia

Atuarfiup paaqqinnittarfia 

Kommune Kujallermi atuarfiup paaqqinnittarfii pigineqarput ukunani Narsaq, Qaqortoq-Sisi aamma Nanortalik. Aaqqissuussineq pillugu annertunerusumik paasisaqarumaguit imaluunniit illit meeqqavit atuarfiup paaqqinnittarfimmiittalernissaa nalunaarutiginiarukku, najukkanni atuarfiup paaqqinnittarfianik aaqqissuussiffik attaveqarfigissavat:
  • Narsami najugaqaruit, oqarasuaammut sianersinnaavutit uunga 66 17 30
  • Qaqortumi najugaqaruit, oqarasuaammut sianersinnaavutit uunga 64 28 32
  • Nanortalimmi najugaqaruit, oqarasuaammut sianersinnaavutit uunga 61 85 25

Akigititat
Akigititat akinut allattorsimaffimmi ataaniittumi nassaarisinnaavatit.

Akit allattorsimaffiat - 2019

Nalinginnaasumik paasissutissiineq 

Atuarfiup paaqqinnittarfia meeqqanut tamanut arfinilinniit qulingiluat tikillugit ukiulinnik paarsinissamut neqeroorutaavoq. Atuarfiup paaqqinnittarfia nalinginnaasumik ulluinnarni nal. 07.00-miit 17.00-imut ammasarpoq, taamaalilluni meeqqavit atuarnissaq sioqqullugu atuareernermilu, illit sulinivit nalaani paarineqarnissaminut periarfissaqarpoq.

Atuarfiup paaqqinnittarfia nammineq piumassuseq aallaavigalugu neqeroorutaavoq.

Illoqarfinni tamani aamma nunaqarfinni amerlanerpaani atuarfiup paaqqinnittarfianik aaqqissuussineq atuuppoq, taanna atuarfimmiinngikkuni najukkammi sunngiffimmi ornittakkamiittarpoq.

Meeqqavit atuarfiup paaqqinnittarfimmiinniissaa kissaatigigukku, illit kommunit imaluunniit najukkanni atuarfiup paaqqinnittarfia attaveqarfigissavat.


Maligiuk
Illit kommunivit atuarfiup paaqqinnittarfiani aqutsisut sulisullu piginnaasaqarluartut atorfinitsittarpai. Tamatuma kingunerisaanik ilaatigut, kommunip atuarfiup paaqqinnittarfiani inummik atorfinitsitsinnginnermini, pineqartoq pinerluuteqarsimannginnermut uppernarsaateqarnersoq kommunip takusinnaasussaavaa.

Illit meeqqat qulingiluat sinnerlugit ukioqarpat, taarsiullugu sunngiffimmi ornittakkamit akiliuteqarnikkut paarineqarsinnaavoq.

 

Qinnuteqarneq 

 

Meeqqat atuarfiup paaqqinnittarfianiitinniarukku, kommunerisat imaluunniit paaqqinnittarfik attavigiuk.

 

Naammagittaalliuteqarneq 

Naalakkersuisut Kommunalbestyrelsellu aalijangiineri Inatsisartut inatsisaanni matumani pineqartut allaffissornikkut oqartussaasunut allanut maalaarutigineqarsinnaanngillat
Aalijangersakkat kommunalbestyrelseniit aalijangiunneqartut, isumaqatigiissut naapertorlugu sulianut Naalakkersuisut kommunalbestyrelsemut tunniunneqarnikunut tunngasut, sapaatip akunneri sisamanngortinnagit suliap aalinagerneqarnerata nalunaarutigineqarneranit Naalakkersuisunut saqqummiunneqarsinnaavoq.