airplanebooksbriefcase business cogs cross election entertainment fish house law lockmedicalpeopleselfservices socialtax

Åge V. Jensenip aningaasaateqarfia allallu aningaasaateqarfiit

Nalinginnaasumik paasissutissiineq 

Qinnuteqaatinut piffissaliussat allannguuteqassapput ullunut ukununnga: 1. marts (atuutilissaaq 2020) aamma 1. oktober (atuutilissaaq 2019).

Åge V. Jensenip aningaasaateqarfia ingerlaqqiffiusumik ilinniartuinnarnut kalaallinut naatsorsuussaavoq, Kalaallit Nunaata Danmarkillu avataani suliniutinut ingerlatanut pisartunut tapiiffigineqarnissamut tunngasuulluni.

Piumasaqaatit 

Aningaasaateqarfimmit tunineqarusullutik qinnuteqartut qinnuteqarfiup nalaani ukuninnga piumaffigineqarput:

  • qinnuteqartoq ingerlaqqiffiusumik ilinniartuussaaq
  • Namminersorlutik Oqartussanit  ilinniagaqarnersiuteqassaaq

Aningaasaateqarfik ataasiartumik makkununnga tunniussisarpoq:
  • Ilinniarnermut atatillugu ilinniarfiup aaqqissuussaanik nunani allani paasissarsiorluni angalanernut
  • Ilinniarnernut atatillugu nunani allani ataatsimiinnernut
  • Ilinniartunut ataasiakkaanut  nunani allaniittunut

Aningaasaliissutit tunniussat qarasaasianik atortunik, ass. PC-nut, mobiltelefoninut allanullu, immikkut pisinernut qinnutigineqarsinnaanngillat.

 

Qinnuteqarneq  

Qinnuteqaatit qinnuteqarnissamik immersugassat atugassarititaasut atorneqanngippata, qinnuteqaat suliarineqarnavianngilaq.

Qinnuteqaatit uunga nassiuguk:

Ilinniartitaanermut, Kultureqarnermut Ilageeqarnermullu Naalakkersuisoqarfik
Postboks 1029
3900 Nuuk
Telefon 34 50 00
Telefax 32 20 73
E-mail: ikin@nanoq.gl

Åge V. Jensenimut qinnuteqarfissaq uani pissarsiarisinnaavat.

Ingerlatseriaaseq  

Qinnuteqartut naatsorsuutigisinnaavaat qinnuteqareerfiusussap ullorititaa qaangereerneraniit, qaammat iluitsup missaani akissutisinissaq utaqqissallugu.

Piffissaliussat  

Åge V. Jensenip aningaasaateqarfia qinnuteqarfigineqarsinnaavoq ullut 1. Februar aamma 1. September tikitsinnagit.

Aningaasaateqarfiit tapiissutillu allat 

Dudo & Povl Brandts Fond
Aningaasaateqarfik direktør Poul Brandt-imik nulianillu Augusta Brandt-mik (Dudo-mik taaneqartartumit) pilersitaavoq.

Aningaasaateqarfik naliginnaasumik ikiuiniarnermillu siunertaqarpoq. Aningaasaateqarfiup aningaasaliissutai imatut siunertaqarput:

  • Ilinniartunik kalaallinik skandinaviamiunillu ilinniakkamik qaffasinnerusumik ingerlatsinialersunut ingerlataqalereersimasunullu tapiissuteqartarnissaq (tamanna imatut paasineqassaaq; ilinniakkat ilinniarnertuunngorniarnerniik qaffasinnerusumillu niuernikkut ilinniagaqarnerniik ilinniakkanilu assigisaannillu allaanerusunik), apeqqutaatinnagu ilinniarneq kalaallit nunaanni avataaniluunniit ingerlanneqarnersoq, ilaliullugillu ilinniakkamut qaffasinnerusumut atatillugu suliffinni misileraanerit nalaanni aningaasatigut tapiissuteqartarnerit.
  • Ilisimatusarfimmi kalaallit skandinaviamiullu ilinniagartut ilisimatusarnerinut ph.d-qalerniarlunilu atuarnernut tapiissuteqartarneq.

Kalaallit Nunaanni najugaqartuungitsunut Ilinniagaqarnersiuteqartitsineq tapiissuteqartarnerlu qulaani taaneqartoq, skandinaviamiunulli tapiissutaassappat, aatsaat tunniunneqarsinnaavoq qinnuteqartoq, qinnuteqarnerup nalaani peroriartornermi annersaani Kalaallit nunaanniissimappat, qinnuteqartorlu ilinniakkami ilisimatusarnermiluunniit, qinnuteqaatigineqartup, aallartinnerani Kalaallit Nunaanni najugaqarpat.

Uani paasisaqarnerusinnaavutit


Ivalup Miniullu Aningaasaateqarfia
Ivalup Miniullu Aningaasaateqarfia Kalaallit Nunaanni aningaasaateqarfiuvoq ilinniagaqarnermut tunngasoq.

Ivalup Miniullu Aningaasaateqarfiata kalaallinut nunani tamani ilinniakkamik ingerlataqarumasunut suliffinnilu suliffiqarfinni suliniaqatigiiffinnilu sulinermik misileraajumalutik kissaateqartunut lagatinik tunniussaqartarnissaq.

Uani paasisaqarnerusinnaavutit


Nordplus
Nordplus tassaavoq Nunani Avannarlerni Ministerit Ataatsimiisitaliaata inuuneq naallugu ilinniagaqarnermut tungasumik aaqqissuussaa. Nunani Avannaamiuni Baltikum-imlu inuit 10.000-it sinnerlugit aaqqissuussaq aqqutigalugu iluaquserneqartarput.

Uani paasisaqarnerusinnaavutit


FashionForest

FashionForest legat-i ilisimatuutut missisuisartunut teoriinullu projektinik ilinniarfinni tunngasunik, allanullu projektinut tapersersorneqarnissaminnut pisariaqartitsisut suliaqarluinnarusuttunut ukiut tamaasa tapiisarpoq.

Uani paasisaqarnerusinnaavutit


Margrethe Hvidberg eqqaaniarlugu aningaasaateqarfik
Aningaasat – legat - ataasiaannartumik tunniunneqartarput, Kalaallit Nunaanni ilinniagaqarfinni ingerlaqqiffiusuni kalaallinut anaananut kisermaanut inuuniarnermi aningaasartuutinut atugassatut.

Eqqaaniarlugu aningaasaateqarfimmit qinnuteqartut pissarsinissamik kissaateqartut piffissami qinnuteqarfiusumi tassaapput:
  • Arnaq, najugatigisaminik ataatsimik arlalinnilluunniit qitornalik qinnuteqartumit pilersuisussaaffigineqartunik
  • najukkami meeqqamut/meeqqanut kisimiilluni pilersuisussaatitaasoq
  • Kalaallit Nunaanni ilinniagaqarfimmi ingerlaqqiffiusumi ilinniagaqartuusoq, taanna Ilinniagaqarnermut tapiissutit pillugit Inatsisartut inatsisaat (maannakkut nr. 12, 22. november 2011-imeersoq) naapertorlugu ilinniagaqarnersiuteqarsinnaasoq


Immikkoortunut qulaani taaneqartunut uppernarsaatit qinnuteqaammut ilanngussatut nassiunneqassapput.

Qinnuteqaallu aamma naatsumik tunngavilersuutitaqassaaq sooq illerpiaq legat-imik kissaateqarnerit pillugu.
Qinnuteqaatit taakkunani uppernarsaatit amigaataatillugit, suliarineqassanngillat.

Ukiut tamaasa 15. januar aamma 15. august qinnuteqarnissamut piffissaliussaapput.

Margrethe Hvidberg eqqaaniarlugu aningaasaateqarfimmut qinnuteqarnissamut immersugassaq uani pissarsiariuk.


Grønlandsfonden
Grønlandsfond-ip kalaallit islandimiullu akunnerminni ataqatigiinnerulernissaat siunertarivaa. Aningaasaateqarfiup ilinniariarluni angalanerit, ilinniarnermut atatillugu ineqarnerit, eqqumiitsulianik saqqummersitsinerit, timersorluni takutitsinerit eqqumiitsuliornermullu tunngassutillit allat, ilisimatusarnermut teknologimullu tunngassuteqartut tapiiffigisarpai. Aningaasaateqarfiup tunngaviusumik aningaasaatai, Islandip naalagaaffiata 1981-imi 1982-imilu tunniussai, Islandip qitiusumik aningaaserivissuanik aqunneqarput, ukiumullu erniatigut isertitai tapiissutitut agguaanneqartarput.

Uani paasisaqarnerusinnaavutit


Danmarkimi legatit allat
Danmarkiinnarmi 12.000-it missaliorlugit aningaasaateqarfeqarpoq legatinik 35.000-inik siunertarpassualinnik aqutaqartunik. Intenetsimi nittartakkat aningaasaateqarfippassuit pillugit paasissutissiisut arlalissuupput, www.legatmidler.dk misissuilluni allartiffigissallugu pitsaavoq.

 

Majoriaq
Ilinniartitaanermut, Kultureqarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl