airplanebooksbriefcase business cogs cross election entertainment fish house law lockmedicalpeopleselfservices socialtax

Sulineq aamma aallartisarnissamut neqeroorutit

Nalinginnaasumik paasissutissiineq 

Suliffeqarneq imaluunniit allatigut sulineq inuunermut nalinginnaasumik ilaavoq, taamaattumik angerlarsimaffigisaq qimallugu misigisaqarneq piusarpoq. Inuilli innarluutillit nalinginnaasumik atugaqartitaallutik suliffimmik paarsisinnaaneq ajornakusoortissinnaavaat.

Taamaattumik inuit innarluutillit aallartisarnissamut neqeroorutinik kommunimit sapinngisamik neqeroorfigineqartassapput.

Ulloq unnuarlu angerlarsimaffimmi najugaqaruit, aallartisarnissamut neqeroorummik naleqquttumik pissarsissussinissaq Isumaginninnermut Naalakkersuisoqarfimmit isumagineqartussaavoq.

 

Aallartisarnissamut neqeroorut 

Aallartisarnissamut neqeroorut qasujaassutsinnut piginnaasannullu naleqqussagaasussaavoq. Assersuutigalugu oqimaatsulerisinnaanngikkuit, aallartisarnissamut neqerooruteqarnermi oqimaatsunik kivitsisarnissaq ilaassanngilaq.

Neqeroorutit suut neqeroorutigineqarsinnaanersut kommunimiit kommunimut assigiinngillat. Assersuutigalugu tassaasinnaapput:
• Ulluunerani ornittakkamiinneq
• Sullivinni nakkutigisaasuni sulineq. Sulliviit nakkutigisaasut nakkutigisaalluni sulinernut, suliffimmik misiliuteqarnernut aamma piginnaanngorsarnernut atorneqarsinnaapput
• Suliffinni nalinginnaasuni nakkutigisaalluni sulineq

 

Piumasaqaatit 

Aallartisarniaruit illit:
• Inuit innarluutillit peqqussutaat malillugu kiffartuunneqarsimassaatit
• Innarluutit peqqutaalluni suliffimmik nalinginnaasumik paarsaqarsinnaassanngilatit

 

Akissarsiat 

Suliaqartinneqaruit suliaqarninnut akissarsiaqartinneqassaatit. Akissarsiat angissusaat tiimimut 15 koruuniusarpoq. Tamannalu akissarsiarissavat:
• Suliffimmi nalinginnaasumi nakkutigisaallutit suliaqartinneqartaruit
• Sullivimmi nakkutigisaasumi suliaqartinneqartaruit

Taamatut akissarsiaqarnermi akileraartussaatitaavoq. Amerlasuutigut katillugit isertitatit akileraartussaatitaasut killigititaanniittassapput. Tamanna ima paasineqassaaq, akissarsiaqarninnit nalinginnaasumik akileraaruteqartassanngilatit.

Ulluunerani ornittakkamiinneq pillugu suliaqarnermi akissarsiaqartitaasinnaanngilatit, pissutigalugu sunngiffimmi neqeroorutitut pinngitsoorani ornitassaanngitsutut isigineqarami.

 

Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl

Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl