airplanebooksbriefcase business cogs cross election entertainment fish house law lockmedicalpeopleselfservices socialtax

Najugaqarfiit nakkutigisaasut

Nalinginnaasumik paasissutissiineq 

Najugaqarfinni nakkutigisaasuni nammineerlutit sinittarfeqarputit tassanilu ataatsimut isersimaartarfeqarpoq, aamma ulloq unnuarlu ikiorneqarnissaq periarfissaajuaannarpoq.

Najugaqarfiit nakkutigisaasut ilinnut najugaqarfiupput naleqqussagaasut illit:
• Ulloq unnuarlu paaqqutarineqarnissamut imaluunniit ikorfartorneqarnissamut atorfissaqartitsiguit
• Utoqqaat illuanni najugaqarnissamut ukiukippallaaruit
• Ineriartornissamut periarfissaqaruit napparsimmaviup paaqqutarinninnermut immikkoortortaqarfianit isumagineqarsinnaanngitsunik
• Assigiinngitsunik peqquteqarlutit ulloq unnuarlu angerlarsimaffimmiissinnaanngikkuit

Najugaqarfinni nakkutigisaasuni najugaqartut tassaanerusarput timimikkut imaluunniit tarnimikkut innarluuteqartut ulloq unnuarlu ikorfartorneqarnissaminnut pisariaqartitsisuusartut.

 

Piumasaqaatit 

Najugaqarfik nakkutigisaasoq kommunimit neqeroorutiginissaanut pisussaaffiuvoq taamaallaat illit:
• Inuit innarluutillit peqqussutaat naapertorlugu kiffartuunneqaruit
• 18-ileereersimaguit
• Nammineq angerlarsimaffinni nammineersinnaanngikkuit

Ikiorsiissutit allat kommunimit neqeroorutigineqarsinnaappata, soorlu nammineq angerlarsimaffigisami paaqqutarineqarnissamut ikorfartorneqarnissamullu aaqqiissummik, najugaqarfimmik nakkutigisaasumik kommunip neqeroorfiginissat pisussaaffiginngilaa.

Taamaakkaluartoq nakkutigisaasumut najugaqarfimmut nuunnissat kissaatigissagukku, taama ittumik initaarnissamut qinnuteqarsinnaavutit.

 

Qinnuteqarneq 

Nakkutigisaasumik najugaqatigiiffimmi initaarnissaq qinnutiginiarukku sullissisunnut attaveqassaatit. Sullissisup qinnuteqaammik ikiorsinnaavaatit taannalu kommunimut nassiutissavat imaluunniit tunniutissavat.

Qinnuteqaammut ilanngutissavatit:
• Nakorsap oqaaseqaataata assilinera
• Paasissutissat allat qanoq pitsaanerusumik ikiorneqarnissannut naleqqunnerusunik nassuiaatitaqartut

Paasissutissat tamakku tunngavigalugit nakkutigisaasumik najugaqarfimmi inissaqalersinnaanersutit kommunimi innersuussinermut ataatsimiititaliap nalilerlugulu aalajangissavaa.

 

Allaaserisat attuumassutillit

Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl

Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl