airplanebooksbriefcase business cogs cross election entertainment fish house law lockmedicalpeopleselfservices socialtax

Terapeuterne

Kommunimi sungiusarnermik ingerlatsiinnarneq  

Sungiusarnermik ingerlatsiinnarnermi timikkut sungiusaasoq pillorissaasorlu sungiusaqatigisarpatit. Kommune Kujalermi suleqatigiit pillorissaasut akornanni timikkut sungiusaasut marluupput pillorissaasorlu ataaseq.  Qaqortumi pillorissaasut utoqqaat illuanni Ajarsivasimmi init qulerit pingajuanni sungiusartarfeqarput, immikkoortortaqarfiup "Qulliup" isaariaata eqqaani.

Sungiusartarnissamik ataavartumik ingerlatitsisarnissap siunertaraa innuttaasup annertuumik piginnaasakillisimasup aamma/imaluunniit aningorsinnaanngisaminik timikkut tarnikkulluunniit innarluutillip piginnaasaasa attatiinnarnissaat, taamaalillutik ulluinnaat nalunngisatik ingerlatiinnarsinnaaniassammatigit.

Pillorissaasut Qaqortumiit aallaaveqarput. Taamaammat Qaqortumi inuuttaasumut sungiusarneq tamatigut sungiusartarfimmi ingerlanneqartarpoq. Sungiusarneq aamma namminerisamik angerlarsimaffigisami ingerlanneqarsinnaasarpoq, imaluunniit pillorissaasup naliliinera najoqqutaralugu sumiiffimmi pisarsiffiulluarnerpaami sungiusarneq ingerlanneqarsinnaalluni.
Pillorissaasut qaammatit pingasukkuutaarlugit suliffimminnut tunngatillugu Nanortaliliartarput Narsaliartarlutillu. Matumani innuttaasoq kommunip susassaqarfiata iluaniittuniittoq nammineq angerlarsimaffimmini, kommunip allaffiani, najugaqarfimmi imaluunniit utoqqaat illuanni misissorneqassartassaaq. Pillorissaasup ilitsersuussinera najoqqutaralugu Narnortalimmi aamma Narsami inuttasoq  nammineerluni sungiusartassaaq.
Suleqatigiit pillorissaasut kommunip nunaqarfii aqqaniliusut aammattaaq isumagissavaat.

Ataavartumik pisariaqartitsinermut tunngatillugu atortut/ineqarnermi allannguutit. 

Kommunimi suleqatigiit pillorissaasut isumagisassaat tassaapput naliliinerit, qinnuteqaatit aamma ataavartumik pisariaqartitsinermut tunngatillugu atortunik pisiortorneq/ineqarnermi allannguutit. Kommunimiit atortunik qinnuteqarniaruit siusinaartumik pensionisiaqartussaavutit, utoqqalinersiaqartussaallutit imaluunnit innarluutilittut nalunaarsorneqarsimasuussallutit. Pillorissaasoq suleqatigalugu qinnuteqaat suliarineqareerpat kommunip nalilissavaa qinnuteqaatigineqartoq akuerineqassanersoq.

Atortoqarnerup imaluunnit ineqarnermi allannguutit siunertaat ilaatigut tassaavoq nammineersinnaanerunissat taamatullu inuunermi nalillit pitsanngorsaavigineqarnissaat. Atortut kommunimit akilerneqarnerat peqqutigalugu atukkiussaannaapput. Atortut pisariaqartikkunnaarukkit kommunimi suleqatigiinnut pillorissaasunut utertinneqassapput.

Angerlarsimaffinni pigisat nalinginnaasut, ass. støvsugeri, pequtit nalinginnaat il. il. qinnutigisinnaanngilatit.

Maannakkut pisut  

Maannakkut timikkut sungiusaasut Qaqortumiit aallaaveqarput, pillorissaasorlu Nanortalimmiit aallaaveqarluni. Pillorissaasut tamarmik sulinerminnut tunngatillugu allaaviginngisaminnut illoqarfinnut allanut angalaartarput.

Ulluinnarni nal. 9.00 – 15.00

Oqar.: 64 13 50

Mail: terapeuthuset@kujalleq.gl