airplanebooksbriefcase business cogs cross election entertainment fish house law lockmedicalpeopleselfservices socialtax

Paaviaaneq

Uani Kommune Kujallermi paaviaanermut aaqqissuussineq atuarsinnaavat.
Minnerpaamik ukiumut marloriarlutit paaviaasumit pujoorfivit salitsinnissaanut misissornissaanullu pisussaaffeqarputit. Tamanna paaviaaneq aqqutigalugu pujoorfiup ikuallattoornissaata aamma toqunartortortitaanerup ulorianaateqarnerata millisissinnaaneranik peqquteqarpoq.

Paaviaasoq sulerisarpa? 

Paaviaasoq ilinniarsimasuuvoq paaviaanermik pikkorissarsimasoq. Inoqutigiit angerlarsimaffianni paaviaanermi makku suliarineqartarput:

Suliassat inatsisitigut pituttugaasut:

  • Ilaatigut pujoorfinniit anilaarfinniillu paaviaasarnissaq.
  • Illup ikuallannginnissaa qulakkeerniarlugu ikumatitsiviit ikuallatsitsinaveersaarnissat nakkutigissallugu.
  • Pujoorfiit ikumatitsiviillu nutaat allanngorsakkalluunniit akuerineqarnissaat.

    Aserfallatsaalilluni misissuinerit:

  • Illumi kiassaateqarfiup misilittarnissaa, uuttortarnissaa aaqqinnissaalu.
  • Pujoorfinnut ikumatitsivinnullu tunngatillugu aserfallatsaaliinertalimmik misissuinerit.

 

Paaviaasumit pulaarneqarnissat pisussaaffigaajuk?

Illumik piginnittup pujoorfilimmik illuutillip ukiumut marloriarluni pujoorfiup paaviartinnissaanut misissortinnissaanullu pisussaatitaaffeqarpoq. Ammaannartumik kissarsuuteqaruit, ikumatitsiveqaruit assigisaannilluunnit peqaruit aamma misissorneqassaaq.

Ukiumut marloriarluni paaviaatitsisarnissamut piumasaqaat atuuppoq, imappat:

  • Pujoorfiit kissarsuummut uuliatortumut ikkunneqarsimappat.
  • Pujoorfiit ikumatitsivimmut, tassa ammaannartumik kissarsuummut, ikumatitsivimmut, kissarsuummut petruuliutortumut assigisaannulluunnit ikkunneqarsimappat.

Ikumatitsiviup pujoorfimmut ruujoria anilaarfialu aamma minnerpaamik ukiumut marloriarlugit salinneqartassapput.

Pujoorfik akulikinnerusumik paaviarneqartassanersoq ilaannikkut paaviaasup nalilersinnaasarpaa. Tamanna atuuttarpoq pujoorfik atorluarneqartarpat imaluunniit arlaat peqqutigalugu annertuumik sorujunissimappat. Taamaattoqarsimappat paaviaasup aggikulanissani pillugu isumaqatigiissuteqarfigissavaatit.

Illut annerumaanik uuliatortumik kissarsuutillit pujoorfii minnerpaamik ukiumut sisamariarlugit salinneqartassapput.

Pujoorfiit ikumatitsiviillu tikikkuminartuunissaat.

Pujoorfiup aamma ikumatitsiviup imaluunniit ammaannartumik kissarsuuteqaruit paaviaasumut akornuteqanngitsumik tikikkuminartuunissaa isumagissallugu pisussaaffigivat. Paaviaasup inatsisit malillugit paaviaanermik suliassani isumagisinnaasariaqarpaa.

Kissarsuutip uuliatortup nakkutiginissaa.

ikummatissanik atuisumik kissarsuuteqaruit misissorneqartartussamik ass. uuliatortumik imaluunniit qisuaralersortakkamik, taava nammineerlutit suliffeqarfimmik kissarsuuteqarfinnik misissuisinnaasumik akuerisaasumik isumaqatigiissuteqassaatit. Kiassaateqarfiup misissorneqarneranut atatillugu akiligassaq kissarsuummik piginnittup suliffeqarfiullu akornanni isumannaagassaavoq.

Sooruna pujoorfiup paaviarneqarnissaa pingaaruteqartoq?  

Pujoorfiit akulikitsumik paaviarneqanngippata ikuallattoqariataarsinnaavoq. Inatsisit tunngavigalugit paviaasitsisussaatitaaneq peqqutigalugu pujoorfiit ikuallattarneri qujanartumik akuttupput. Kisianni pujoorfiit ikuallannermut suli peqqutaasinnaapput, ingammik  kukkusumik atorneqarsimatillugit imaluunniit iluamik aserfallatsaalineqarneq ajoramik.

MALUGIUK: Ikumatitsivimmik ikkussiniaruit atorunnarsitsiniaruilluunniit eqqaamassavat tamanna kommunimut nalunaarutigissagakku.

Ikumatitsivimmik ammasumik, ikumatitsivimmik assigisaannilluunniit  ikkussiniaruit eqqaamassavat tamanna kommunimut nalunaarutigissagakku. Taamaaliussaatit, peqqutigalugu ikumatitsivinnut tunngatillugu inatsisit atuuttut eqquutsinneqarnersut kommunip qulakkiissammagu, taamaalilluni ikuallariataartoqannginniassammat, kisianni aamma pujoorfiit inatsisitigut aalajangersakkat malillugit pujoorfiit ukiumut marloriarlugu paaviartittassagit kommunip qulakkeerniassammagu.

Ikumatitsivimmik atorunnaarsitsiguit, tassa imaappoq ammasumik ikumatitsiviit, ikumatitsiviit assigisaaluunniit peerukku, taava tamanna aamma kommunimut nalunaarutigissavat.

Paaviaanermut akiliut.

Inatsit malillugit paaviaasitsinermik pisussaaffik nammineq aningaasartuutigissavat. Kommune akiliisitsiniartartussaavoq.

Paaviaanermut akiliut kommunip akigitinneqartartunut allattorsimaffiani takuneqarsinnaavoq.

Pujoorfivit paaviarneqarneranut atatillugu aningaasartuutit akiliutip matussusissavai.

Paaviaasup pujoorfiit paaviareerpagu kinguneratigut kommunip akiligassaq ilinnut nassiutissavaa.

Kommunip immikkoortuani paaviaasartoq tassaavoq: 

Qaqortoq, Qassimiut, Saarloq, Eqalugaarsuit aamma Upernaviarsuk

Saffiooq aamma VVS Qaqortoq

Oqarasuaatip normua: 56 56 76

E-mail: tomerikboassen@gmail.com

 

Narsaq, Igaliku, Qassiarsuk aamma Narsarsuaq

Kommune Kujalleq

Oqarasuaatip normua: 49 61 54

E-mail: teknik@kujalleq.gl

 

Nanortalik, Aappilatoq, Alluitsup Paa, Ammassivik, Narsarmijit aamma Tasiusaq

Kommune Kujalleq

Oqarasuaatip normua: 53 75 40

E-mail: teknik@kujalleq.gl

 

Paaviaasoq pillugu naammagittaalliorneq

Paaviaaneq peqqutigalugu ajutoortoqartillugu saqqummiussinerit ass. inummik illumilluunniit ajoqusiinerit, taava paaviaasumut saaffiginninnissaq innersuussutigineqassaaq.

Ajornartorsiut paaviaasoq peqatigalugu aaqqinneqarsinnaanngippat Teknikkimut Avatangiisinullu Ingerlatsivik saaffigissavat.

Paasissutissat sukumiinerusut

Kalaallit Nunaanni pujoorfinnik paaviaasarneq il.il. pillugit Kalaallit Nunaannut ministeeriaqarfiup nalunaarutaa nummer 508, 28. novembari 1980-imeersoq kiisalu Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaat nr. 14, 26. maj 2010-meersoq najoqqutarlugit paaviaasarnermik aaqqissuussineq naleqqussarneqarsimavoq.

Paaviaasarnermik aaqqissuussineq pillugu apeqqutissaqaruit Teknikkimut Avatangiisinullu Ingerlatsivimmut saaffiginninnissamut tikilluaqqusaavutit, imaluunniit Kommune Kujalleq oqarasuaat una atorlugu attavigiuk: 70 41 00, soorluttaaq uunga allassinnaasutit:  teknik@kujalleq.gl