airplanebooksbriefcase business cogs cross election entertainment fish house law lockmedicalpeopleselfservices socialtax

Suliniutinut ataqatigiissaarisussamik

Atorfik nutaaq pissanganartoq, pilersinneqaqqammersoq inuttalerneqartussanngorpoq 1. april 2016 allarnerfigalugu imaluunniit isumaqatigiissuteqarnikkut kingusinnerulaartukkut.

Atorfik Nanortalimmi meeqqanut kultureqarnermullu ingerlatsivimmi inissisimassaaq.

Meeqqanut kultureqarnermullu ingerlatsivimmi maannakkorpiaq suleriaatsit pissanganartumik al-lanngortiterneqarput. Ingerlatsiviup sammisarivai meeqqerivinnut tunngasut, atualerneqanngitsunut tunngasut, atuarfiit, meeqqanut inuusuttunullu siunnersuisarfik kiisalu kulturimut sunngiffileriner-mullu tunngasut.

Meeqqanut inuusuttunullu nutaamik aaqqissuussamik politikkeqarnermut tunngassuteqartumik sulilersussaq suliniutinut ataqatigiissaarinermik atuutilersitsiniarnermillu, atuarfinnut meeqqerivinnut MISI-mullu tunngasunik suliaqartassaaq.

Ingerlatsiviup politikkikkut ataatsimiititaliat marluk sullippai, atuartitaanermut ataatsimiititaliaq aamma meeqqanut kultureqarnermullu ataatsimiititaliaq.
Kingusinnerpaamik ulloq:
15. marts 2016
Sumiiffik / immikkoortortaq:
Nanortalik
Ulloq sulilerfissaq:
1. april 2016
Aningaasarsiat:
Isumaqatigiissutit malillugit

Suliassat

Ingerlatsiviup pisortaa, atuarfinnut siunnersorti, kommunimi atuarfiit, meeqqanut inuusuttunullu siunnersuisarfik, kommunimi atualinngitsunut sullissisut kiisalu aaqqissuusseqqinnermik politik-kikkut suliallit suleqatigalugit makku suliarissavai:

•    Peqataaffigissallugu meeqqanut atualerneqanngitsunut , meeqqallu atuarfiini suliniutit inerisar-nissaat piviusunngortinniarnissaallu, pitsaassutsimik kivitsinermik pilersitsinissaq eqqarsaati-galugu.
•    Tigussaasunik ineriartuutissanik pilersitsinissaq, meeqqat atuarfiini atualerneqanngitsunillu sul-lissinermi ilisimasat pigeriikkavut pitsaanerusumik atorneqarnissaat eqqarsaatigalugu
•    Atuarfiit akunnerminni suleqatigiinnerat, meeqqeriviillu akunnerminni suleqatigiinnerat ineri-sassassallugu,  piviusunngortissallugulu pitsaanerusumik suleriaaseqarnissaq.  
•    Suleriaatsit piviusunngortissallugit ikorfartussallugillu, meeqqat atuarfiiniit inuusuttut ilinniarfi-inut ikaarsaariarnerup pitsaanerusumik ingerlanissaa, taamaalilluni meeqqat inuusuttullu ilin-niakkanik aallartitsinngitsoortartut ikilisassallugit.
•    Suleriaatsit piviusunngortillugillu ikorfartussallugit, nunaqarfiit atuarfiini angerlarsimaffinnilu atuartitsinermi atuartitsineq pitsaanerusoq ilikkagaqarnarnerusorlu eqqarsaatigalugit.
•    Atuartut illoqarfinni nunaqarfinnilu tele-kkut atortorissaarutit atorlugit atuaqatigiissinneqartar-nissaanut tunngasunik suleriaatsit piviusunngortillugillu ikorfartussallugit.
•    Avataaniit suleqatigisassat suleqatigalugit atuartitsinermut ipadit atorneqarnissaat suliniuti-galugu.
•    Kommuni isumaginninnikkut suliallit, allallu pisortat suliffeqarfii namminersorlutillu meeqqat inuusuttullu atugarisaasa pitsanngorsarnissaanut ingerlatsivik sinnerlugu suleqateqarnissamut ataqatigiissaarisuussalluni.


Inuttut piginnaasanut piumasaqaatit

•    Ilisimatusarfimmiit imaluunniit universitetinit allaniit ilinniagartuujuvutit.
•    Allaaserinnillaqqipputit oqaatsillu atorlugit saqqummiillaaqillutit.
•    Allaffissornermut politikkikkullu sulialinnut saqqummiussassanik piareersaasiorsinnaasariaqar-putit, sammisassat pingaarutillit ersarissarlugit, ingerlatsiviup sulinerani meeqqat atuarfiini an-gusat pitsaassutsimikkut qaffassarnissaani atorneqartussanik.
•    Suleqatigiuminarputit
•    Marluinnik oqaaseqarnerit iluaqutaassaaq, tamannali piumasaqaataanngilaq.
•    Suliniutinik piareersaasiorneq saqqummiisinnaanerlu sungiusimassavatit.
•    Sulininni aalajaatsuuvutit suliffeqarfigisannullu ataqqinnillutit

Sulinermi atugassarititat

•    Ingerlatsivimmi pisortamut tullersortaassaatit.
•    Atorfiup aningaasarsiatigut inissinnissaa maannakkut suliarineqarpoq.
•    Atorfininnermut atatillugu pisortat atorfeqarfiini isumaqatigiissutit nuunnermut tunngasut, sulilernissamut angalanermullu tunngasut kiisalu inissaqarnissamut aalajangersakkat malinne-qassapput.

Paasissutissat allat:<br><br>Tassaaguit suleqatissarput, attavigisinnaavat Meeqqanut Kultureqarnermullu Ingerlatsivimmi pisortaq Jens Korneliussen, oqarasuaat +299 70 41 00, nr. toqqaannartoq  +299 61 41 01, imaluun-niit oqarasuaat angallatagaq +299 53 86 65.<br>E-mail: jeko@kujalleq.gl imaluunniit bkforv@kujalleq.gl.

Qinnuteqaat<br>Ilinniagarisimasamik uppernarsaatitalik, siusinnerusukkut suliffigisimasani oqaaseqaatit, pinerlus-simannginnermut uppernarsaat kiisalu CV uunga nassiunneqassaaq.

Kommune Kujalleq<br>Meeqqanut Kultureqarnermullu ingerlatsivik<br>Lundip Aqqutaa B 1060<br>Postboks 166<br>3922 Nanortalik.<br><br>Qinnuteqaat allakkatut nalinginnartut imaluunniit scannerlugu e-mailikkut qulaani taakkartorneqar-tunut nassiunneqassaaq.