airplanebooksbriefcase business cogs cross election entertainment fish house law lockmedicalpeopleselfservices socialtax

Nanortalik pissarsiorpoq angalaarluni pinaveersaartitsisumik

Nanortalimmi Isumaginnittoqarfik 01. juli 2016 imaluunniit sukumiinerusumik isumaqatigiissuteqarnikkut atorfinittussamik angalaarluni pinaveersaartitsisumik pissarsiorpoq.

Nanortalimmi ilaqutariinnik sullissivik marlunnik angalaarluni pinaveersaartitsisoqarpoq.
Kingusinnerpaamik ulloq:
20. juni 2016
Sumiiffik / immikkoortortaq:
Nanortalik
Ulloq sulilerfissaq:
1. juli 2016
Aningaasarsiat:
Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.

Angalaarlutik pinaveersaartitsisut kiisalu "ilaqutariinnik sullissivik" illoqarfiup qeqqani Ilivileq 1220-imi inissisimaffeqarput.

 

Angalaarluni pinaveersaartitsisup pingaarnertut makku akisussaaffigissavai:

  • Angalaarluni pinaveersaartitsisunik, meeqqat ornittagaannik kiisalu ilaqutariinnik sullissivimmik suleqateqassalluni.
  • Unnukkut weekendinilu meeqqanik nakkutilliisassalluni.
  • Pinaveersaartitsinermut siunnersortimut isummersoqatiginnittassalluni, kiisalu pinaveersaartitsilluni sulianut nalinginnaasunut, suliniutinut aalajangersumik siunertalinnut, paasititsiniaanernut allanullu peqataasassalluni.
  • Meeqqat, inuusuttuaqqat kiisalu ilaqutaat angalaaqatigisassallugit. Savaateqarfinnut assigisaannullu
  • Meeqqat inuusuttullu Ornittakkamukartartut inuunerminni qanoq iliorsinnaanerat pillugu siunnersorlugillu ilitsersortarnissaat.

 

Naatsorsuutigaarput:

  • Ingerlalluartuusutit, qanilaartuusutit, eqeersimaartuusutit aammalu meeqqat inuusuttullu ingerlalluarnissaat pillugu sulissuteqarumasuusutit.
  • Kalaallisut oqaaseqartuunissat, dansk-isut paasinnissinnaasuunissat.

  • Isumaginninnikkut siunnersuisartutut, perorsaasutut ilinniartitsisutulluunniit ilinniagaqarsimasuunissat,  imaluunniit allatut ilinniagaqarsimasuullutit meeqqat inuusuttullu sullinneqartarnerini misilittagaqqortuujunissat.

     

    Sulinermi piumasaqaatit:

    "Ilaqutariinnik sullissivik massakkut sapaatip akunneranut ulluni tallimani ammasarpoq.

     

    Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.

     

    Atorfik pillugu paasissutissat sukumiinerusut ilaqutariinnik sullissivimmi pisortaagallartumut Akisoq Isaksen, tlf. 614083 imalt. mail: akis@kujalleq.gl saaffiginnilluni pissarsiarineqarsinnaapput.

     

    Qinnuteqaat, pillagaasimannginnermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 20. juni 2016  Qaqortumi Aqutsisoqarfimmut nassiunneqarsimassapput uungalu nassiunneqassallutik:

Kommune Kujalleq

Postboks 514

3920 Qaqortoq

hr-afd@kujalleq.gl