airplanebooksbriefcase business cogs cross election entertainment fish house law lockmedicalpeopleselfservices socialtax

Atuarfimmi pisortaq, Tasersuup Atuarfia, Qaqortoq

Qinnuteqarsinnaasut amerlanerit ujartorlugit Atuarfiup pisortaatut atorfik inuttassarsioqqinneqarpoq 1. september 2016 imaluunniit kingusinnerulaartukkut inuttalerneqartussanngorlugu.

Atuarfiup pisortaata qullersarissavaa Kommune Kujallermi Meeqqanut kultureqarnermullu inger-latsivimmi pisortaq, Nanortallip allaffeqarfiani inissisimasoq.

Tasersuup Atuarfia Qaqortumiittoq 1. april 2016-mi 432-nik atuartoqarpoq, pisortallu saniatigut 53-inik atuartitsisoqarluni.
Kingusinnerpaamik ulloq:
25. juli 2016
Sumiiffik / immikkoortortaq:
Qaqortoq
Sivisussusaa:
Ataavartumik
Ulloq sulilerfissaq:
1. september 2016
Aningaasarsiat:
Isumaqatigiissutit atuuttut aallaavigalugit

Paasissutissat 

Kissaatigaarput pisortaq:
• Atuarfimmi ilinniartitsisut suleqatigalugit atuartut ilinniartitsissutini angusarisartagaannik malunnaatilimmik pitsaanerusumik angusaqalertitsisinnaasoq

• Kalaallit Nunaanni ilinniartitaanikkut aaqqissuussinermik ilisimaarinnittoq pisortallu sulif-feqarfiutaani misilittagaqartoq

• Aqutsinissamik, ilinniartitsisunik siunnersuinissamik ilitsersuinissamillu, kiisalu nakkutilliinis-samik piginnaasaqartoq
• Aningaasanik ingerlatsinermik paasisimasaqartoq missingersuutinillu angisuunik aqutsisin-naasoq
• Siunertanik anguniagaqarnermi ingerlatitseqqissinnaasoq, suleqatigiinnermi qummut ammullu ataqqinnilluni aaqqissugaanerup iluani suliniuteqarsinnaasoq.

Pingaartipparput:

• Pisortatut inissisimanissat paasilluassagit
• Allakkatigut oqaloqatigiinnikkullu pitsaasumik attaveqaqateqarsinnaanissat
• Suleqatiginnillaqqissuunissat, pisortarisannut suleqatinullu.
• Ulluinnarni sulininni sakkortuunik assoruunnartunik piumasaqarfigineqarsinnaanissat
• Sulisitsisunnut ilumoortuunissat
• Kalaallisut qallunaatullu oqalussinnaanissat.


Atorfinitsinneqarnissaq pissaaq Naalakkersuisut IMAK-illu isumaqatigiissutaat, meeqqat atuarfiini nunatsinni il.il. isumaqatigiissut malillugu, § 7 akissarsiat inissisimaffianni 39-mi immikkut tapilik ukiumut kr. 60.940,00.

Atorfilittut atorfinitsitsisoqarsinnaavoq; taamaallaat Kalaallit Nunaanni atorfilittut atorfeqare-ersunut.

Danmarkimi atorfilittut inissisimasut atorfilittut atorfinitsinneqarsinnaanngillat, taamaallaat isu-maqatigiissutit malillugit atorfinitsinneqarsinnaallutik.

Atorfilittut atorfinittussaq atorfinitsinneqassaaq Inatsisartut inatsisaat nr. 21, 18. decembari 2003-imeersoq, Namminersornerullutik Oqartussani Kommuninilu atorfillit atorfinitsinneqartarnerannik maleruagassaq malillugu. Atorfik klassilerneqarpoq akissaateqarfimmi 36-imi skalatrin 49-mi, uki-umut immikkut kr. 81.260,-inik tapeqartinneqarluni. Klassiliussineq inissinneqarpoq Naalakkersuisut IMAK-illu akornanni klassiliisarnermi isumaqatigiissut 27. august 2014-imeersoq tunngavigalugu.

Illussaqartitsisoqassaaq immikkut pilerinartumik, maleruagassat malillugit akilerneqartussamik.

Atorfik pillugu annertunerusumik paasisaqarusukkuit saaffigisinnaavaat Kommune Kujallermi Meeqqanut kultureqarnermullu ingerlatsivimmi pisortaq Jens Korneliussen oqarasuaatikkut +2999 70 41 00-kkut imaluunniit angallattakkakkut +299 53 86 65- ikkut. Aamma saaffigineqarsinnaavoq atuarfinnut siunnersorti Magdaline Geraae email mage@kujalleq.gl.


Nassiussiffissaq 

Qinnuteqarfissaq kingulleq tassaavoq ataasinngorneq 25. juli 2016.

Qinnuteqaat CV-mik ilallugu, allagartanik soraarummeersimanermik uppernarsaatinik oqaaseqaa-teqarsinnaasullu allattorsimaffiannik ilallugu uunga nassiunneqassaaq:

Kommune Kujalleq, Meeqqanut kultureqarnermullu Ingerlatsivik, Postboks 166, 3922 Nanortalik.
E-mail: mage@kujalleq.gl