Suliassaqarfik Kommune Kujalliup isumaginnittoqarfiata ataani inissisimavoq aaqqissuussaanikkullu najugaqarfinni sullivinnilu nakkutigisani innarluutilinnut ataqatigissaarisup ataani inissisimalluni. Kingullertigut januaarip aallaqqaataanni 2017-mi Kommunlbestyrelsi aaqissuussinermut pilersaarummik nutaamik akuersivoq, taamaattumillu qinnuteqartoq suliassarfimmi annertuumik ineriartortitseqataasinnaassaaq.
Immikkoortortami aqutsisup suliassaa pingaarneq tassaavoq innuttaasunut annertuumik innarluutillit sunniuteqarluartumik ikorfartuisoqarnissaa ikiuisoqarnissaalu, kiisalu innuttaasunit iluarisimaarinnittoqarnissaa innuttaasullu ikiuunnermi tamakkiisumi ataqatigiittoqarneranik misigitinnissaa.
Atorfiup imarisai ilaatigut makkuupput:
-
Qaqortumi najugaqarfinni , illersukkamik sullivinni ulluinnarnilu ingerlattsinerup ataqatigiissaarinerullu qulakkeernissaa
-
Najugaqarfinni najugaqartigiiffinnilu ikorfartortit suliaat nakkutigalugillu ataqatigiissaarlugit
-
Innuttaasut namminerisamik angerlarsimaffimmini ikorfartorneqarnerat nakkutigalugu ataqatigiissaarlugu
-
Qinnuteqataatit ikiuinermi pitsaassutimullu aalajangiussat malillugit suliarineqarnersut qulakkeerlugit
-
Ikorfartortit akornanni suleqatiminnik suleqateqaatigalutik ilinniartitsisoqartuarnissaa kiisalu suliassaqarfimmi ineriartortoqarnissaa pitsaasutsillu qaffassarnissaa qulakkeerlugu
-
Innuttaassup ikorfartortimik pisariaqartitsinerani ujartuineq kiisalu suliassaqarfinni assigiinngitsuni suleqatigiinnermut paasisimasaqarneq
-
Suliassaqarfiup iluani avataanilu suleqatit suliani assigiinngitsuni qanimut ingerlajuaannartumillu suleqatigiittoqarnissaa qulakkeerlugu
-
Innarluutilinnut ataqatigiissaarisumut ukiumoortumik nalunaarusiornissaq qulakkeerlugu
Piginnaasatigut piumasaqaatit makkua pigissagitit naatsorsuutigaarput;
-
Isumaginninnermi perorsaasutut ilinniagartutit
-
Aqutsinerup tungaatigut misilittagaqartutit
-
Ikorfartortinut ataqatigiissaarinermik misilittagaqartutit
-
Suliassanik isumaginninnermi akisussaaffeqarlutillu namminersorsinnaassuseqartutit kiisalu suliniutinut nutaanut isumassarsisinnaassutit, pilersitsisinnaasutit pilersaarusiorsinnaallutillu
-
Allaffissornikkut suliassanik, aningaasaqarnermik qarasaasialerinermillu misilittagaqartutit
-
Attaveqarluarsinnaasutit ingerlatitseqqiinermilu oqariartuuteqarluarsinnaasutit angusassamillu toraagaqartuusutit
-
Sulianik isumaginninermut ilisimasaqartutit kiisalu kalaallisut qallunaatullu allattariarsornermi oqaluttariarsornermilu attaveqarluarsinnaasutit
Uagut neqeroorutigisinnaavagut;
-
Suliffik pissanganartoq, allanngorartoq ilaatigullu ulapaarfiusoq suliassaqarfimmi sunneeqataanissamut ineriartortitsinissamullu periarfissalik
-
Kommune Kujallermi immikkoortortani pisortat qanimut suleqatiginerisigut inuttut suliassatigullu ineriartornissamut periarfissaqarneq
-
Namminersorneq, akisussaaffeqarneq suliassaqarfimmilu oqartussaaqataaneq
Atorfinititsineq akissarsiallu:
Atorfik NPK-p ataani inissisimavoq – immikkoortortami aqutsisut isumaqatigiissutaat naapertorlugu. Avataanit qinnuteqartunut ilaqutariit merlassusaat naapertorlugu inissaqartitsisoqassaaq kiisalu nuunnermi angalanermilu aningaasartuutit malittarisassat atuuttut naapertorlugit isumagineqassallutik.
Pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu atorfinititsineq aatsaat pisinnaavoq Kommune pineqaatissinneqarsimannginnermut uppernarsaammik pissarsereerpat.
Paasissutissat sukumiinerusut atorfimmullu nassuiaatit Innarluutillinnut ataqatigiissaarisumit Kathrine Kanuthsen-imit pissarsiarineqarsinnaapput; ankn@kujalleq.gl oqarasuaat 645360
Qinnuteqaat siornatigut suliffigisimasanik ilinniakkallu pillugit paasissutissartalik il.il. kingusinnerpaamik ulloq juunip 26-anni 2017-imi Kommunimit tiguineqareersimassaaq.